އަލީ ވަހީދު ޖުމްހޫރީ ޕާޓީން ވަކިވެއްޖެ
ޖުމްހޫރީ ޕާޓީގެ ސްލޮޓެއްގައި މި ސަރުކާރުގެ ފުރަތަމަ ޓުއަރިޒަމް މިނިސްޓަރުކަން ކުރެއްވި އަދި ރިޔާސީ އިންތިހާބުގެ ފުރަތަމަ ބުރުގައި ޖުމްހޫރީ ޕާޓީގެ ރިޔާސީ ކެންޑިޑޭޓް ގާސިމް އިބްރާހިމްގެ އިންތިހާބީ މަންދޫބެއްގެ ގޮތުގައިވެސް ހުންނެވި އަލީ ވަހީދު އެ ޕާޓީން ވަކިވެއްޖެއެވެ.
މިކަން ހާމަކޮށް އަލީ ވަހީދު ކޮށްފައިވާ ޓުވީޓެއްގައި ބުނެފައިވަނީ، ދިވެހިރާއްޖޭގެ ނިޝާން މުލީގޭ ޝަރަފުގެ ޢިއްޒަތުގެ ވެރިޔާ އޮނަރަބަލް ޤާސިމް އިބްރާހިމްގެ އަރިހުގައި މަސައްކަތް ކުރަން ލިބުނު ފުރުސަތަކީ ނުހަނު އަގުހުރި ތަޖުރިބާއެއް ކަމުގައެވެ.
މިއަދުން ފެށިގެން ޖުމްހޫރީ ޕާޓީއިން އަޅުގަނޑު ވަކިވެއްޖައީމެވެ.
އަލީ ވަހީދު
އެ ޓުވީޓުގައި އަލީ ވަހީދު އިތުރަށް ވިދާޅުވެފައިވަނީ، ދިވެހި ޤައުމާ ރައްޔިތުންގެ ސަފުގައި ދެމި ހުންނާނެކަމުގައެވެ.
ސަބަބު ހާމަކުރުމެއް ނެތި އަލީވަހީދު ކުއްލިއަކަށް ޖުމްހޫރީ ޕާޓީއާއި ދުރަށް ދިއުމަކީ އެ އިންތިހާބުގެ ދެވަނަ ބުރުގައި ވާދަ ކުރައްވާ ކޮންމެވެސް އެއް ކެންޑިޑޭޓަކަށް ތާއީދު ކޮށްފާނެކަމުގެ އިޝާރާތަކަށް ވުން އެކަށީގެންވެއެވެ.
އެހެންނަމަވެސް އަދި އެފަދަ އެއްވެސް އީޝާރާތެއް އޭނާ ކޮށްފައެއް ނުވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
