ނުކުޅެދޭ މީހެއްގެ ވީލްޗެއަރ ވަގަށް ނަގައިގެން ދަނިކޮށް އަތުލައިގެންފި
ނުކުޅެދޭ މީހެއްގެ ވީލްޗެއަރ ވަގަށް ނަގައިގެން ދަނިކޮށް އަތުލައިގެންފިއެވެ.
އެ ވީލްޗެއަރ ވަގަށް ނަގާފައިވަނީ އަވީގައި ހިއްކަން ބައިންދާފައިވަނިކޮށްކަމަށް މޯލްޑިވްސް އެސޯސިއޭޝަން އޮފް ޕާސަންސް ވިތު ޑިސްއެބިލިޓީ (އެމްއޭޕީޑީ) ގެ މެމްބަރަކު ފޭސްބުކުގައި ލިޔުއްވި ޕޯސްޓެއްގައި ވަނީ ވިދާޅުވެފައެވެ.
އަދި ގޮނޑި ވަގަށް ގެންދިއުމުގެ ސަބަބުން ނުކުޅެދުންތެރިކަން ހުންނަ އެ ފަރާތަށް އެއްވެސް ތާކަށް ދެވޭގޮތް ނުވެ ގޭގައި އިންނަން މަޖުބޫރުވެފައިވާކަންވެސް އެ ޕޯސްޓުގައި ލިޔެފައިވެއެވެ.
ފޭސްބުކްގައި އެ ވާހަކަ ލިޔުނުތާ ގާތްގަނޑަކަށް ހަތަރު ގަޑިއިރު ފަހުން ގަލޮޅު ދަނޑު ކައިރިން މީހަކު ވީލް ޗެއާއެއް ހިފައިގެން ދަނިކޮށް އެ ޖަމިއްޔާގެ އެހެން މީހަކަށް ފެނިގެން ވަނީ ފުލުހުން ގެނެސްފަ އެވެ.
އެފަހުން ފުލުހުން ވަނީ ވީލް ޗެއަރ ވަގަށް ނެގިކަމުގެ ތުހުމަތުގައި 37 އަހަރުގެ މީހަކު ހައްޔަރުކޮށްފައެވެ.
މައުލޫމާތު ލިބޭގޮތުގައި ވަގަށް ނަގާފައިވަނީ މާފަންނުގައި ހުންނަ ގެއެއްގައި ދިރިއުޅޭ ނުކުޅެދުންތެރިކަން ހުންނަ ފަރާތެއްގެ ވީލްޗެއަރއެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
