ކޮންމެ ކުއްޖަކީވެސް އަނިޔާއިން ރައްކާތެރިވެފައިވާ ކުއްޖެއްކަން ކަށަވަރުކުރަންޖެހޭ: ރައީސް
ކޮންމެ ކުއްޖަކީވެސް އަނިޔާގެ ޝިކާރައިން ސަލާމާތްވެ، ކުޑަކުދިންގެ ޙައްޤުތައް ކަށަވަރުވެފައިތިބި ބައެއްކަން ޔަގީން ކުރަންޖެހޭ ކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހް ވިދާޅުވެއްޖެއެވެ.
ރައީސް ޞާލިހު މިފަދައިން ވިދާޅުވީ މިއަދު ފާހަގަކުރަމުން އަންނަ ބައިނަލްއަޤްވާމީ ކުޑަކުދިންގެ ދުވަހުގެ ތަހުނިޔާ ހުރިހާ ކުޑަކުދިންނަށް ފޮނުއްވައި ކުރެއްވި ޓުވީޓެއްގައެވެ.
ރައީސް ޞާލިހު ވިދާޅުވީ ކުޑަކުދިންގެ ދުވަހެއް ފާހަގަކުރާއިރު، މުޖުތަމަޢުގެ ކޮންމެކަމެއްގައި ހަމަހަމަކަމާއެކު ކުޑަކުދިން ޝާމިލްކުރޭތޯ ކަށަވަރުކުރަން ޖެހޭކަމަށެވެ. އަދި ކުޑަކުދިންނަކީ ލިބޭ އަނިޔާތަކާއި، ގެއްލުންތަކުން އެއްކިބާވެފައިވާ ބައެއްކަން މުޖުތަމަޢުން ކަށަވަރުކުރުމާއި، އެކުދިންގެ ހައްޤުތައް ފުރިހަމައަށް ރައްކާތެރިކުރެވިފައިވާ ބައެއްކަން ޔަޤީންކުރަންޖެހޭކަމަށްވެސް ރައީސް ވިދާޅުވިއެވެ.
ކޮންމެ އަހަރެއްގެ ނޮވެމްބަރު މަހުގެ 20 ވަނަ ދުވަހަކީ ބައިނަލްއަޤްވާމީ ކުޑަކުދިންގެ ދުވަހުގެ ގޮތުގައި ފާހަގަކުރާ ދުވަހެވެ. މިއަހަރުގެ މިދުވަސް ފާހަގަކުރުމަށްޓަކައި އދ.ކަނޑައަޅާފައިވާ ޝިއާރަކީ "އިންކުލޫޝަން، ފޯރ އެވްރީ ޗައިލްޑް" އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
