އެމްޑީޕީގެ ގައުމީ މަޖިލީހުގެ މެޖޯރިޓީ އޮތީ ރައީސް ސޯލިހުގެ ފަހަތްޕުޅުގައި: ރޮޒޭނާ
ކުރިއަށް އޮތް އެމްޑީީގެ ޕްރައިމަރީގައި މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ގައުމީ މަޖިލީހުގެ ސުޕަމެޖޯރިޓީ އޮތީ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހުގެ ފަހަތްޕުޅުގައިކަމަށް ރައްޔިތުންގެ މަޖިލީހުގެ މީދޫ ދާއިރާގެ މެމްބަރު ރޮޒޭނާ އާދަމް ވިދާޅުވެއްޖެއެވެ.
ރޮޒޭނާ މިފަދައިން ވިދާޅުވެފައިވަނީ ކުރެއްވި ޓްވީޓެއްގަ އެވެ.
އެ ޓްވީޓުގައި ރޮޒޭނާ ވިދާޅުވީ، ޕްރައިމަރީގައި ރައީސް ސޯލިހު ވާދަކުރައްވާނެކަން އިއުލާނު ކުރި ހިސާބުން ގައުމީ މައޖިލީހުގެ ވަރަށް ގިނަ މެމްބަރުން އެމަނިކުފާނަށް މަރުހަބާ ދަންނަވާފައިވާކަމަށެވެ.
އަދި އެމަނިކުފާނުގެ ކެމްޭނުގައި ބައިވެރިވެ، އެމަނިކުފާނަށް ޕްރައިމަރީ ކާމިޔާބުކޮށް ދިނުމަށް މަސައްކަތް ކުރައްވަން ބޭނުންފުޅުވާކަމަށް ވިދާޅުވެފައިވާކަމަށެވެ.
އެމްޑީޕީގެ ގައުމީ މަޖިލީހުގެ މެޖޯރިޓީ ބޭފުޅުން ރައީސް ސޯލިހު ދެވަނަ ދައުރަކަށް ވެރިކަމަށް ގެންނަން ބޭނުންވާކަން ރޮޒޭނާ ފާހަގަކުރެއްވި އެވެ.
ރައީސް ސޯލިހު އެމްޑިޕީގެ ރިޔާސީ ޕްރައިމަރީގައި ވާދަކުރައްވާނެކަން ރަސްމީކޮށް އިއުލާނުކުރައްވާފައިވާއިރު، އެމްޑީޕީގެ ގައުމީ މަޖިލީހުގެ 100އަށް ވުރެ ގިނަ މެމްބަރުންނާއެކު، އެމަނިކުފާނު ވަނީ ކެމްޕެއިން ޖަލްސާއެއް ބާއްވާފައެވެ.
ޕްރައިމަރީ ކާމިޔާބު ކުރުމުގެ މަސައްކަތް ރައީސް ސޯލިހު ފައްޓަވާފައިވާއިރު، މި ޕްރައިމަރީއަކީ ވަރަށް ތާރީހީ ޕްރައިމަރީއަކަށް ވެގެންދާނެކަމަށް ރާއްޖޭގެ ސިޔާސީ މަޝްރަހު ދިރާސާ ކުރައްވާ ފަރާތްތައް ގެންދަވަނީ ސިފަކުރައްވަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
