ރިޔާސީ ބަހުސްއިން ރައީސް ޞާލިޙް ފެންނާނީ ރައްޔިތުންނަށް ޒިޔާރަތްކޮށްފައި ވަގުތު އޮތްނަމަ: މާރިޔާ
ރިޔާސީ ބަހުސް އިން ރައީސް އިބްރާހިމް މުޙައްމަދު ޞާލިޙް ފެންނާނީ ރައްޔިތުންނަށް ޒިޔާރަތްކުރުމަށް އަތޮޅުތަކަށް ކުރައްވާ ދަތުރުފުޅުތަކަށް ފަހު ވަގުތުއޮތްނަމަ ކަމަށް ރައީސް ޞާލީޙުގެ ކެންޕެއިން ތަރުޖަމާނު ޑިފެންސް މިނިސްޓަރ މާރިޔާ އަޙްމަދު ދީދީ ވިދާޅުވެއްޖެއެވެ.
މާރިޔާ މިހެން ވިދާޅުވީ އެމްޑީޕީ ކޯލިޝަންގެ ކެމްޕޭން ޓީމުގެ ފަރާތުން ބާއްވާ ނޫސްވެރިންގެ ބައްދަލުވުމުގައި ވާހަކަދައްކަވަމުންނެވެ.
ނޫސްވެރިންގެ ބައްދަލުވުމުގައި މާރިޔާ ވިދާޅުވީ ރިޔާސީ ކެމްޕޭނުގައި ރައީސް ޞާލިޙް އެންމެ ބޮޑު އިސްކަމެއް ދެއްވަނީ ރައްޔިތުންގެ ކައިރިއަށް ވަޑައިގެން ހަރަކާތްތައް ކުރިއަށް ގެންދިއުމަށް ކަމަށެވެ.
މާރިޔާ ވިދާޅުވީ ރައީސް އެ ވަޑައިގަންނަވަނީ ވަޢުދުތަކުގެ ވާހަކަތައް ޓީވީގެ ޒަރިއްޔާއިން ގެނެސްދެއްވަމުން ކަމަށެވެ. އަދި ބަހުސްއާއި މެދު އެއްޗެއް ދަންނަވަން އެނގޭނީ ރައްޔިތުންގެ ގާތަށް ވަޑައިގަތުމަށްފަހު ވަގުތުއޮތިއްޔާ ކަމަށާއި ވަގުތު އޮތްނަމަ ވަގުތު ދެއްވާނެ ކަމަށެވެ.
ޤައުމީ ޔުނިވާސިޓީ އާއި ޕީއެސްއެމް ގުޅިގެން ކުރިއަށް ގެންދިއުމަށް ހަމަޖެހިފައިވާ ރިޔާސީ ބަހުސް ބަހުސް ބޭއްވުމަށް ހަމަޖެހިފައިވަނީ ސެޕްޓެމްބަރު 1، ވަނަ ދުވަހުގެ ރޭ 9:00 ގައި ކަމަށް ޕީއެސްއެމުން ވަނީ ހާމަކޮށްފައެވެ.
ރައީސް ޞާލިޙް މިވަގުތު ހުންނެވީ ކެމްޕޭނު ދަތުރުފުޅެއްގައި ބ އަތޮގައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
