މުއްދަތެއް ނެތް ގޮތަށް ފަސްކޮށްފައި އޮތް އެލްޖީއޭގެ ބޯޑް އިންތިހާބު މި މަހުގެ 31 ގައި
ލޯކަލް ގަވާމަންޓް އޮތޯރިޓީގެ ބޯޑަށް ކައުންސިލަރުންނާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ ރައީސުންގެ ތެރެއިން މެންބަރުން ހޮވުމަށް ބާއްވާ އިންތިހާބު މި މަހުގެ 31 ވަނަ ދުވަހު ބޭއްވުމަށް ނިންމައިފި އެވެ.
އޮގަސްޓް މަހުގެ އަށްވަނަ ދުވަހު ބޭއްވުމަށް ކުރީން ހަމަޖެހިފައި އޮތް އިންތިޚާބު މުއްދަތެއް ނެތް ގޮތަށް އޮތީ ފަސްކޮށްފަ އެވެ. އިންތިހާބު ފަސްކުރުމަށް ނިންމާފައިވަނީ އިންތިހާބާއި ގުޅިގެން ކުރަން ޖެހޭ މުހިންމު މަސައްކަތްތަކެއް ނިމިފައިނުވާތީ ކަމަށް އޭރު ބުންޏެވެ.
ނަމަވެސް އެލްޖީއޭއިން މިއަދު ވަނީ އިންތިހާބުގައި ވޯޓްލެވޭ މީހުންގެ ދާއިމީ ލިސްޓް އާންމުކޮށް މި މަހުގެ 31 ވަނަ ދުވަހު އިންތިހާބު އޮންނާނެ ކަން އިއުލާނު ކޮށްފަ އެވެ.
ވޯޓް ނެގުން އޮންނާނީ އެ ދުވަހުގެ ހެނދުނު 10:00 އިން ހަވީރު 4:00 އަށެވެ.
އެލްޖީއޭގެ ބޯޑަށް ކައުންސިލަރުންނާއި އަންހެނުންގެ ތަރައްގީއަށް މަސައްކަތްކުރާ ކޮމެޓީގެ ރައީސުންގެ ތެރެއިން މެންބަރުން ހޮވުމުގެ އިންތިހާބު އޭރު ކުއްލި ގޮތަކަށް ފަސްކުރީ ޕާޓީތަކުން ނެރޭނެ ކެންޑިޑޭޓުން ވެސް ކަނޑައަޅާފައިވަނިކޮށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
