ށ. ފޭދޫގައި މިއަދު ބޭއްވި ޖަލްސާގައި ގާސިމް ވާހަކަ ދައްކަވަނީ. --- ފޮޓޯ: ޖޭޕީ

ހަބަރު 21 Aug 2023 | 11:56

އިންޑިޔާގެ ލޯނު ނުދެއްކިއްޖެ ނަމަ، ގައުމުގެ އެއްބައި ދޭން އެމީހުން އެދުނަސް ޖެހޭނީ ދޭން: ގާސިމް

ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ މިސަރުކާރުން އިންޑިއާއިން ނަގާފައިވާ ލޯނުތައް ނުދެއްކިއްޖެ ހާލަތެއްގައި ދިވެހިރާއްޖޭގެ އެއްބައި ދިނުމަށް އެ ގައުމުން އެދުނު ކަނުގައި ވިޔަސް ދޭން ޖެހޭނެ ކަމަށް ޖުމްހޫރީ ޕާޓީގެ ލީޑަރު އަދި ރިޔާސީ ކެންޑިޑޭޓް ގާސިމް އިބްރާހިމް ވިދާޅުވެއްޖެއެވެ.

ރިޔާސީ ކެންޕެއިނަށް ރާއްޖޭގެ އުތުރަށް ކުރައްވަމުންދާ ދަތުރުފުޅުގެ ތެރެއިން ށ. ފޭދުއަށް ވަޑައިގެން އެ އަތޮޅު ރައްޔިތުންނާއި ބައްދަލުކުރައްވާ ވާހަކަ ދައްކަވަމުން ގާސިމް ވަނީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ގެ މި ސަރުކާރާއި މީގެ ކުރިންވެސް ވެރިކަން ކުރެއްވި ބޭފުޅުންނަށް ވަރަށް ބޮޑަށް ފާޑުވިދާޅުވެފައެވެ.

އެގޮތުން މަޖިލީހުގައި ޖުމްހޫރީ ޕާޓީ ތަމްސީލު ކުރައްވަމުން ގެންދިޔަ މެންބަރަކުވެސް އެމްޑީޕީއަށް ގެންގޮސްފައިވާކަން ފާހަގަކުރައްވައި ގާސިމް ވިދާޅުވީ އޭނާ އާއި ރައްޔިތުންނާމެދު މިސަރުކާރުގެ "އިޚްލާޞްތެރި ކަމުގެ ކުނޑި ފުކެއްވެސް ނެތް" ކަމަށެވެ.

ހަމަ ލޯނު ނަގަނީ ނަގަނީ. މި ތިން ހަތަރު އަހަރު ދުވަހު ތެރެއިން. ތިން ބިލިއަން ޑޮލަަރު ގާތްގަނޑަކަށް ނަގައިފި އިންޑިއާއިން. އެންމެ ގައުމަކުން. ކޮންކަމަކާތޯ؟ އެ ދައްކަންޖެހޭ ދުވަސް އަންނައިރު، 2025 ވަނަ އަހަރުގެ ފަހުކޮޅުން 2026 ވަނަ އަހަރުގެ ކުރީކޮޅަށް އެއް ބިލިއަން ޑޮލަރު އެއްފަހަރާ ދައްކަން ޖެހޭ. ކޮންތާކުންތޯ އެ ލާރި ހޯދަނީ. ދެން ކިހިނެއްތޯ ވަނީ އެ ލޯނު ނުދެއްކުނީމާ؟ ދާނީ ޝަރީއަތަށް. ދެން ކިހިނެއްތޯ ހަދާނީ؟ ޝަރީއަތަށް ގޮސް ނިޔާ ކަނޑައަޅާއިރު ގައުމުގެ އެއްބައި ދޭށޭ ބުންޏަސް ދޭންޖެހޭނީ ދެއްތޯ؟
ގާސިމް އިބްރާހިމް

މިއާއެކު ގާސިމް ވަނީ ގައުމުގެ ކަންކަން ހިނގަމުން ދަނީ ރަނގަޅަށްތޯ ރައްޔިތުންނާއި ސުވާލު ކުރައްވާފައެވެ. އަދި މިސަރުކާރުން ލޯނަކަށްފަހު ލޯނެއް ނަގަމުންދަނީ ދިވެހިން މަކަރުވެރިކަމުގެ ދަންމަޅިއެއްގައި ޖައްސަންތޯވެސް ސުވާލުކުރައްވާފައެވެ.

ގާސިމް ވިދާޅުވީ، މި ސަރުކާރުން ނަގާފައިވާ ލޯނު ތަކުން ހިންގަމުންދާ މަޝްރޫއު ތަކުން ރާއްޖޭގެ އިގްތިސާދަށް އެންމެ ލޯ ލާރިއެއްވެސް ލިބެން ނެތް ކަމަށެވެ. އެހެންކަމުން، މިއީ ކޮން އިގްތިޞާދެއް އެނގިގެން ވެރިކަން ކުރަމުން އަންނަ ސަރުކާރެއްތޯ އޭނާ ވަނީ ސުވާލު އުފައްދަވާފައެވެ.

މީގެ އިތުރުން ގާސިމް ވަނީ ވެރިކަން ކުރުމަށް 5 އަހަރުވެސް ގިނަ ކަމަށް ރައީސް ޞާލިހު ވިދާޅުވި ވިދާޅުވުމަށް ފާޑުވިދާޅުވެ ދެވަނަ ދައުރަކަށް އެމަނިކުފާނު ކުރިމަތިލެއްވީވެސް ބޭރުގައުމެއްގެ ނުފޫޒުން ކަމަށް ވިދާޅުވެފައެވެ.

އިންޑިއާ-ރާއްޖެ ށ. ފޭދޫ ޖުމްހޫރީ ޕާޓީ ޤާސިމް އިބްރާހީމް ރިޔާސީ އިންތިޚާބު 2023

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ނަން *

އީމެއިލް *

އީމެއިލް ނުފެންނާނެއެވެ

ކޮމެންޓް *

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

15 Oct 2026 ހަބަރު

ރާއްޖޭގެ ކްރެޑިޓް ރޭޓިންއަށް އައި ކުރިއެރުން އައިއެމްއެފުން ފާހަގަކޮށްފި

އައިއެމްއެފްގެ އަހަރީ ބައްދަލުވުމުގެ ހަވާސާގައި، އެ އިދާރާގެ އެގްޒެކެޓިވް ޑިރެކްޓަރު ޑރ. މުޙައްމަދު މާއިތު، ރާއްޖޭގެ މާލީ ވަޒީރު ހަސަން ޒަރީރާ ބައްދަލުކުރައްވައި، ރާއްޖޭގެ އިޤްތިޞާދީ އަދި މާލީ ޙާލަތު ހަމަމަގަށް އެޅުވުމަށް ސަރުކާރުން އަޅަމުންދާ ހަރުދަނާ ފިޔަވަޅުތަކާ ގުޅޭގޮތުން ވާހަކަ ދައްކަވާފައިވާކަމަށެވެ. އަދި ރާއްޖެއިން އަޅަމުންދާ ފިޔަވަޅުތަކަށް ތައުރީފްކޮށް އެންމެފަހުން މޫޑީސްއިން ރާއްޖޭގެ ރޭޓިންނަށް އައި ހެޔޮބަދަލު ފާހަގަކުރެއްވިކަމަށް މާލީ ވުޒާރާއިން ބުންޏެވެ.

15 Oct 2026 ހަބަރު

ކައުންސިލުގެ 14 ބިމެއް ސަރުކާރަށް ނަގައިފި

ވުޒާރާއިން ބުނީ ލާމަރުކަޒީ ޤާނޫނުގެ ދަށުން މި ބިންތައް ސަރުކާރުގެ ކަމާބެހޭ ވުޒާރާގެ ބެލުމުގެ ދަށަށް ގެނައުމަށް ނިންމީ، ރައްޔިތުންނަށް ބޭނުންވާ ޢުމްރާނީ ތަރައްޤީގެ މުހިންމު މަޝްރޫޢުތައް ހިންގުމަށާއި އަސާސީ ޚިދުމަތްތައް ހަރުދަނާކަމާއެކު ފޯރުކޮށްދީ ބެލެހެއްޓުމުގެ މަޤްޞަދުގައި ކަމަށެވެ.

15 Oct 2026 ހަބަރު

ކަނޑުވި މީހުން ސަލާމަތްކުރި ތިން ފުލުހަކަށް ރަން މެޑަލް އަރުވައިފި

ކ. ގާފަރު ކައިރިން ބަންޑުންޖެހި ކޮޅުވެއްޓިން ކަނޑުވި އަށް މީހެއްގެ ފުރާނަ ސަލާމަތްކުރި ތިން ފުލުހަކަށް ފުރާނަ ސަލާމަތްކުރުމުގެ ރަން މެޑަލް ކޮމިޝަނަރ އޮފް ޕޮލިސް އަރުވައިފިއެވެ.

15 Oct 2026 ހަބަރު

އިންޑިއާގެ މަސްބޯޓުތަކާއި މަސްވެރިން މިނިވަންކުރުމުގެ މަސައްކަތް ފަށައިފި

އިންޑިއާގެ ބައެއް މީޑިއާތަކުން ބުނެފައިވަނީ، މިދިޔަ އަންގާރަ ދުވަހުގެ ރޭ ރާއްޖޭގެ ކޯސްޓްގާޑުގެ ބެލުމުގެ ދަށަށް ގެނައި އެޤައުމުގެ ތިން މަސް ބޯޓާއި 26 މަސްވެރިން މިނިވަންކުރުމަށްޓަކައި ދިވެހި ސަރުކާރާ ގުޅިގެން ކުރަންޖެހޭ ޤާނޫނީ މަސައްކަތްތައް ކުރަމުންދާކަމަށެވެ. އެގޮތުން އެމީހުން ދޫކޮށްލުމަށް ކުރަންޖެހޭ މަސައްކަތުގައި އެހީތެރިކަން ފޯރުކޮށްދިނުމަށް ޓަމިލް ނާޑޫ ސްޓޭޓްގެ ޗީފް މިނިސްޓަރު ވިޖޭ، އެ ގައުމުގެ ހާރިޖީ ވަޒީރު، ޖައިޝަންކަރުގެ ކިބައިން އެދިވަޑައިގެންފައިވާކަމަށް ބައެއް މީޑިއާތަކުން ވަނީ ރިޕޯޓްކޮށްފައެވެ.