ޔޯގާ މައްސަލާގައި އިސްލާމިކް މިނިސްޓްރީގެ ބޭފުޅުން މަޖިލިހަށް ހާޒިރުކުރަނީ
ޔޯގާއާ ގުޅިގެން ސުވާލު އުފެދިފައިވަނިކޮށް އިސްލާމް ދީނުގައި އެ ކަން ބަޔާންކޮށްފައި އޮންނަ ގޮތް ފަތުވާ މަޖިލީހުުން ބަލާފައި ނެތުމާއި އިސްލާމިކް މިނިސްޓްރީގެ ތެރެއިން އިޖުރާއަތާ ހިލާފު ސިޓީއެއް އެ ކަމުގައި ފޮނުވި މައްސަލަ ބަލަން ރައްޔިތުންގެ މަޖިލީހުގެ ސަރުކާރުގެ މަސްއޫލިއްޔަތު އާދަކުރާ މިންވަރު ބަލާ ކޮމިޓީން މިއަދު ނިންމައިފި އެވެ.
މިމައްސަލަ ހުށަހަޅާފައިވަނީ މަޑުއްވަރީ ދާއިރާގެ މެންބަރު އާދަމް ޝަރީފް އުމަރެވެ. އާދަމް ޝަރީފް އެދިވަޑައިގަތީ އިޖުރާއަތްތަކާ ހިލާފަށް އިސްލާމިކް މިނިސްޓްރީގެ ތެރެއިން ޔޯގާއާ ގުޅޭ ގޮތުން ފަތުވާއެއް ނެރެ، ޔޯގާ ހަރަކާތް ހުއްޓުވަން އަންގައި ދިވެހި ފުލުހުންގެ ހިދުމަތަށް ސިޓީއެއް ފޮނުވި ގޮތެއް ބަލައިދިނުމަށެވެ.
މިއަދު ބޭއްވި ކޮމިޓީ ބައްދަލުވުމުގައި، މަހިބަދޫ ދާޢިރާގެ މެންބަރު އަހުމަދު ތޯރިގް ވަނީ އިސްލާމިކް މިނިސްޓްރީގެ ބޭފުޅުންގެ އިތުރުން ފުލުހުންގެ އިސް ބޭފުޅުން ވެސް ކޮމިޓީއަށް ހާޒިރުކުރުމަށް ކޮމިޓީގައި އެދިފައެވެ.
އެހެން ނަމަވެސް ކޮމިޓީގެ މުގައްރިރު، މާފަންނު ހުޅަނގު ދާއިރާގެ މެންބަރު މުހައްމަދު ފަލާހް ވިދާޅުވީ ސަލާމަތީ ހިދުމަތްތަކާ ގުޅުން ހުރި ކަންކަން އެ ކޮމިޓީއަށް ނުބެލޭނެ ކަމަށް ގަވާއިދުގައިވާ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
