އިދިކޮޅުން ޕީޖީ ޝަމީމް އާއި ބައްދަލުކުރިތާ މާ ގިނަ އިރުތަކެއް ނުވެ، ޝަމީމް ރައީސް އޮފީހަށް
އިދިކޮޅު ކޮންގްރެސް ކޯލިޝަނުން ޕްރޮސެކިއުޓާ ޖެނެރެލް ހުސައިން ޝަމީމްއާއި ބައްދަލުކުރެއްވިތާ މާ ގިނަ އިރުތަކެއް ނުވެ، ޝަމީމް ރައީސް އޮފީހަށް ވަޑައިގެންފި އެވެ.
އިދިކޮޅުގެ ރިޔާސީ ކެނޑިޑޭޓު ރައީސް އަބްދުالله ޔާމީން އަބްދުލްގައްޔޫމްގެ މައްސަލައިގައި ހައި ކޯޓަށްވުރެ، ދަށު ކޯޓަށް އިސްކަންދެއްވާކަމަށް ބުނެ އެކަމާއި ކަންބޮޑުވުން ފާޅުކުރައްވައި އިދިކޮޅުން މިއަދު ވަނީ ޕީޖީ ޝަމީމް އާއި ބައްދަލު ކުރައްވާފައެވެ. އެ ބައްދަލު ވުމަށްފަހު ވާހަކަ ދައްކަވަމުން އިދިކޮޅުު ހިންގެވުމާއި ހަވާލުވެ ހުންނެވި، ޕީއެންސީގެ ރައީސް އަބްދުއްރަހީމް ވަނީ ސަރުކާރުން ރައީސް ޔާމީން ގެ މައްސަލައަށް ނުފޫޒު ފޯރުވާކަމަށްވެސް ތުހުމަތު ކުރައްވާފައެވެ. އަދި ސިޔާސީ ޕްރޮގްރާމެއްގައި ޕީޖީ ޝަމީމް ބައިވެރިވެވަޑައިގެންނެވުމުން އެކަންވެސް ބައްދަލުވުމުގެ ތެރެއިން ފާހަގަކުރެއްވި ކަމަށް އަދުރޭ ވިދާޅުވިއެެވެ.
އަދުރޭ އިތުރަށް ވިދާޅުވީ، އިދިކޮޅުގެ ކަންބޮޑުވުންތައް ޕީޖީ ވަރަށް ރަނގަޅަށް އަޑުއެއްސެވިކަމަށާއި، އަދި އެކަމުގައި އޭނާ ދެކިލައްވާ ގޮތްވެސް ހިއްސާކުރެއްވިކަމަށެވެ.
އިދިކޮޅުން ނޫސްވެރިންނާއި ބައްދަލުކޮށް، ޕީޖީ ޝަމީމް އާއި އެކު ކުރިއަށް ދިޔަ ބައްދަލުވުމާއި ގުޅޭ މައުލޫމާތު ތައް ހިއްސާކުރެއްވިތާ މާ ގިނަ އިރުތަކެއް ނުވެ ޕީޖީ ޝަމީމް ރައީސް އޮފީހަށް ވަޑައިގެންނެވިކަމަށް ޕީޕީއެމުން ވަނީ ބުނެފަ އެވެ. އަދި ބަންޑާރަ ނައިބު އިބްރާހީމް ރިއްފަތާއި، ހޯމް މިނިސްޓަރު ޢިމްރާން އަބްދުالله ވެސް އެ ބައްދަލުވުމުގައި ބައިވެރިވެވަޑައިގެންނެވި ކަމަށް އިދިކޮޅުން މައުލޫމާތު ދެއެވެ.
އެކަމާއި ގުޅިގެން އިދިކޮޅުން ވަނީ ނުހަނު ކަންބޮޑުވުން ފާޅުކުރައްވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
