ދަބަހުގައި ބޮމެއް އޮތް ކަމަށް ބުނި ދެމީހަކު އައްޑޫ އެއާޕޯޓުން ހައްޔަރުކޮށްފި
ދަބަހުގައި ބޮމެއް އޮތް ކަމަށް ބުނި ދެމީހަކު އައްޑު އަތޮޅު ގަން އިންޓަނޭޝަނަލް އެއާޕޯޓުން ހައްޔަރުކޮށްފިއެވެ.
މި މައްސަލައިގައި ފުލުހުން ބުނެފައިވަނީ މިއަދު 17:25 ހާއިރު އެ އެއާޕޯޓަށް ފުރަން ގޮސް ހުރި މީހަކު ދަބަހުގައި ބޮމެއް އޮތް ކަމަށް ބުނި ކަމުގެ ރިޕޯޓެއް ލިބުނު ކަަމަށެވެ. އަދި އެ މައްސަލަ ފުލުހުން ވަނީ އެމްއެންޑީއެފް އާއި ހިއްސާ ކޮށްފަ ކަމަށާއި ސިފައިން އެ މީހުންގެ ތަކެތި ބަލާ ފާސްކުރި އިރު ބޮމެއް ފަދަ އެއްޗެއް އަދި ފެނިފައި ނުވާ ކަމަށްވެސް ފުލުހުން ވަނީ ބުނެފައެވެ.
މި މައްސަލައިގައި ދެ މީހަކު ހައްޔަރު ކޮށްފައިވާއިރު، އެއީ 58 އަހަރުގެ ދިވެހި އަންހެނަކާއި 61 އަހަރުގެ ފިރިހެނެއް ކަމަށްވެސް ފުލުހުން ވަނީ ބުނެފައެވެ. އަދި މި ދެމީހުން އަދިވެސް ތިބީ ފުލުހުންގެ ބެލުމުގެ ދަށުގައި ކަމަށްވެސް މައުލޫމާތު ލިބިފައިވެއެވެ.
މީގެއިތުރުން ފުލުހުން ބުނެފައިވަނީ މި މައްސަލަ އެ އިދާރާއިން ތަހުގީގު ކުރަމުންދާ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
