އަހަރުގެ ފުރަތަމަ ޓާމު ނިންމައި، ސްކޫލުތައް ޗުއްޓީއަށް
2022-2023 ވަނަ އަހަރުގެ ފުރަތަމަ ޓާމުގެ ކިޔެވުން ނިންމައި، ސްކޫލުތަކުން މިއަދު ރިޕޯޓު ފޯމު ހަވާލު ކޮށްފިއެވެ.
ކޮވިޑް-19 ގެ ބަލިމަޑުކަމުގެ ތެރޭގައި، ސްކޫލުތަކުގެ ޗުއްޓީއަށް އައި އެންމެ ބޮޑު ބަދަލަކީ، އަހަރުގެ މެދުތެރެއަށް ބޮޑު ބަންދު ލުމެވެ. މި ބަދަލު ގެނެސްފައި ވަނީ 2020 ވަނަ އަހަރުއެވެ.
އެހެންކަމުން އޯގަސްޓު މަހު ފެށުނު ފުރަތަމަ ޓާމު، ޑިސެމްބަރު މަހުގެ ތެރޭގައި ނިމޭއިރު، މި އަހަރުގެ ދެވަނަ ޓާމު ކިޔެވުން ފެށި، ކުދިން ސްކޫލަށް ނުކުންނަން ޖެހޭނީ އަންނަ މަހުގެ އަށް ވަނަ ދުވަހުއެވެ.
2022-2023 ގެ އެކެޑަމިކް އިޔަރ ނިމޭނީ ޖޫން މަހުގެ ތެރޭގައެވެ.
ސްކޫލުތަކުގެ ޗުއްޓީ ދުވަސްވަރު ބަދަލުވުމާއެކު ބެލެނިވެރިން ކުރާ އެއް ޝަކުވާއަކީ، އެ ދުވަސްވަރު މޫސުން ގޯސްވުމެވެ. އެގޮތުން މި ދުވަސްވަރަކީވެސް ރާއްޖެއަށް މޫސުން ގޯސް ދުވަސްވަރަކަށް ވާއިރު، މޫސުމާ ބެހޭ ގައުމީ އިދާރާ (މެޓް) އިން ވަނީ ވ. އަތޮޅުން ފެށިގެން ލ އަތޮޅަށް ވައިޓް އެލަރޓް ނެރެފައެވެ.
އެގޮތުން އެ ސަރަހައްދުތަކަށް ބޯކޮށް ވާރޭ ވެހުމާއެކު ގުގުރާނެ ކަމަށްވެސް މެޓުން ވަނީ ލަފާކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
