އާ ސަރުކާރަށް ވަގުތު ދޭންޖެހޭ: ނިހާން
ލިޔުންތެރިޔާ
ޝަފްރާޒް އަހްމަދު
އާ ސަރުކާރުގެ ކޯލިޝަނަށް ވަގުތު ދޭންޖެހޭ ކަމަށާއި، ނަމަވެސް އެބޭފުޅުން ހަދާ ގޯސްތައް ފަރިތަކަމާއިއެކު ބަލައި ދެނެގަންނާާނެ ކަމަށް ރައްޔިތުންގެ މަޖިލީހުގެ ވިލިމާލޭ ދާއިރާގެ މެންބަރު އަހުމަދު ނިހާން ހުސައިން މަނިކު ވިދާޅުވެއްޖެއެވެ.
ނިހާން މިހެން ވިދާޅުވީ، ރައްޔިތުންގެ މަޖިލީހުގައި އޮތް އަންނަ އަހަރުގެ ބަޖެޓުގެ ބަހުސްގައި ވާހަކަފުޅު ދައްކަވަމުންނެވެ. ނިހާން ވިދާޅުވީ އާ ސަރުކާރަށް ވަގުތު ދޭންޖެހޭކަމަށާއި، ބަޖެޓާއި ވަޒީރުންގެ މަޖިލީހަށްވެސް ވޯޓްދޭންޖެހޭނެކަމަށް ގަބޫލުކުރައްވާ ކަމަށެވެ. ނަމަވެސް އެބޭފުޅުން ހަދާ ގޯސްތައް ފަރިތަ ކަމާއި އެކު ދެނެގަންނަން ތިބި ޑޮކްޓަރުންނަށް ވާންޖެހޭނެކަމަށްވެސް ނިހާން ވަނީ ފާހަގަކުރައްވާފައެވެ. މިއީ އިދިކޮޅު ޕާޓީއެއްގެ ހައިސިއްޔަތުން އޮތް ވަރަށް ބޮޑު އަމާނާތެއްގެ ގޮތުގައި ނިހާން ވަނީ ވިދާޅުވެފައެވެ.
ބަޖެޓަށް އަލިއަޅުއްވާލައްވަމުން ނިހާން ވިދާޅުވީ، ޕީޕީއެމްގެ ޕީޖީގެ ހުރިހާ މެންބަރުންވެސް އިއްތިފާގުވެފައިވަނީ ބަޖެޓަށް ތާއިދުކޮށް، ބަޖެޓް މަސައްކަތުގައި ބައިވެރިވުމަށް ކަމަށެވެ. ނިހާން ނަމަވެސް އެމަނިކުފާނުގެ ދާއިރާ ކަމަށްވާ ވިލިމާލެ ދާއިރާއަށް މިއަހަރުގެ ބަޖެޓްގައި މާ ބޮޑު މަޝްރޫއުއެއް ނެތްކަންވެސް ފާހަގަކުރައްވާފައެވެ. އެގޮތުން، ހަމައެކަނި އޮތް މަސައްކަތަކީ ވިލިމާލެ ޒުވާނުންގެ މަރުކަޒުގެ އާބާތުރަ ފިލުވުންކަމަށްވެސް ނިހާން ވަނީ ބަޔާންކުރައްވާފައެވެ.
ނިހާން ވަނީ ބަޖެޓުގައި ޕާކްއެއް އެޅުމުގެ މަޝްރޫއުއެއް އިނަސް، އެއީ ޗައިނާ ސަރުކާރުގެ ހިލޭ އެހީގައި އަޅާ ތަނެއްކަން ފާހަގަކުރައްވާ، އެ ޕާކުގެ މަސައްކަތަކީ ނިމިފައިވާާ މަޝްރޫއުއެއް ކަމަށް ބަޖެޓްގައި ޖަހާފަައި ވިޔަސް، އެ މަޝްރޫއު ނުނިމޭކަން ފާހަގަކުރައްވާފައެވެ.
މީގެ އިތުރުން ނިހާން ވަނީ ވިލިމާލެ ފުރިހަމައަށް ތަރައްގީ ކުރެވޭނީ މާާލެއާއި ގުޅުވާލެވިގެންކަމަށް ވިދާޅުވެ، ބްރިޖްއަކުން މާލެ އާއި ވިލިމާލެ ގުޅުއްވާާލެއްވުމަށް ރައީސް އިބްރާހިމް މުހައްމަދު ސޯލިހުގެ އަރިހުން އެދިވަޑައިގަންނަވާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
