މާއުނގޫދޫ އާއި ރ. މީދޫގެ ޑަބްލިޔުޑީސީ ބައި-އިލެކްޝަން އިންތިޙާބަކާނުލާ ޕީޕީއެމް ކާމިޔާބުކޮށްފި

ށ. މާއުނގޫދޫ އަދި ރ. މީދޫގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ ބައި-އިލެކްޝަންގައި ޕީޕީއެމް އާއި ވާދަކުރާނެ ކެނޑިޑޭޓެއް ނުވުމުގެ ސަބަބުން އިންތިޙާބަކާނުލާ ޕީޕީއެމް ކާމިޔާބުކޮށްފިއެވެ.

އެގޮތުން ށ. މާއުނގޫދޫގެ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުކަމަށް އެރަށަށް ނިސްބަތްވާ ގަހާ، ޢާއިޝަތު ޙަނީފާ، ހޮވިފައިވާއިރު ރ. މީދޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުކަމަށް ހޮވިފައިވަނީ އެރަށަށް ނިސްބަތްވާ ފޭރުމާގެ، ވަސީމާ އިބްރާހީމްއެވެ.

މީގެ އިތުރުން ގދ. ވާދޫގައިވެސް ވާދަކުރާނެ އެހެން ކެނޑިޑޭޓަކު ނެތުމުގެ ސަބަބުން އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެންބަރުކަމަށް ޕީޕީއެމްގެ ލިއުޝާ އިބްރާހީމް ހޮވިފައިވާ ކަމަށް އެޕާޓީއިން ވަނީ ބުނެފައެވެ.

ޖޫން 17 ވާ ހޮނިހިރު ދުވަހު ބޭއްވުމަށް ހަމަޖެހިފައިވާ ބައި-އިލެކްޝަނަށް ހުޅުވާލި 10 ރަށުގެ ތެރެއިން ފ. ބިލެތްދޫއަށް ކެންޑިޑޭޓަކު ކުރިމަތިލާފައިނެތް ކަމުގައި ވިޔަސް ބާކީއޮތް 6 ރަށަށްވެސް ޕީޕީއެމްގެ ކެނޑިޑޭޓުން ވާދަކުރާ ކަމަށް އިދިކޮޅުން ބުނެފައިވެއެވެ.

އެގޮތުން ބާކީ ހުރި ރަށްތަކަށް ވާދަކުރާ ޕީޕީއެމް ކެނޑިޑޭޓުން:

-ހދ. ފިނޭއަށް ޒުހުދާ މުޙައްމަދު، ވާވެލާވެލި، ކެންޑިޑޭޓް ނަންބަރު 2

-މ. ވޭވަށަށް ޝިފާޒާ އިބްރާހީމް، ސޯސަންވިލާ، ކެންޑިޑޭޓް ނަންބަރު 2

-ކ. ދިއްފުއްޓަށް އާއިޝަތު ސާހިރާ، ހަނދުވަރީގެ، ކެންޑިޑޭޓް ނަންބަރު 1

-ތ. ގާދިއްފުއްޓަށް ނިހާމާ ޢަބްދުالله، ހުދުފިނިފެންމާގެ، ކެންޑިޑޭޓް ނަންބަރު 2

-ގދ.ހޯނޑެއްދޫ އާށް ނަޒުރާނާ ޙުސައިންމަނިކު، ސަޓާ، ކެންޑިޑޭޓް ނަންބަރު 1

-ލ. މާމެންދޫއަށް ސަޢުދިއްޔާ ޙުސައިން، ދެކުނުގެ، ކެންޑިޑޭޓް ނަންބަރު 1