ބޮޑު ނަރުކެނޑިއަކުން މީހެއްގެ ބޮލަށް ހެރިފައި އިން ބުޅިއެއް ނަގައިފި

މީހެއްގެ ބޮލަށް ހެރިފައި އިން ބުޅިއެއް، ބޮޑު ނަރުކެނޑިއަކުން ނަގައިފިއެވެ.

ސިއްހީ ޚިދުމަތް ޒަމާނީ ފެންވަރަށް ތަރައްޤީ ކުރެވިފައިވާ ކަމަށް ބުނެ، ޖޯކު ޖަހައި، މީހަކު މީސްމީޑިއާގައި އާއްމު ކޮށްފައި މި ވީޑިއޯ އަށް ގިނަ ބައެއްގެ ސަމާލުކަން ވަނީ ލިބިފައެވެ.

އެގޮތުން، މި ވީޑިއޯ އިން އެންމެ ފުރަތަަމަ ވެސް ފެންނަނީ މީހަކު އޭނާގެ ކޮނޑަށް ބޮޑު ނަރުކެނޑިއެއް ލައިގެން ހޮސްޕިޓަލެއްގެ ފަރުވާދޭ ކޮޓަރިއަށް ވަންނަތަނެވެ. އެ ކޮޓަރީގައި އެނދުގައި ބާއްވާފައި އޮތް މީހާގެ ބޮލަށް ތިން ބުޅިލީ އަޅުވާ ބުޅީގެ ތެރެއިން އެއް ބުޅި ވަނީ ވަދެފައެވެ. އެގޮތުން އެ ބުޅީގެ އެއްބައި ބޮލަށް ވަދެގައިފައިވާއިރު، ކޮޅު ވަނީ ބޭރަށް ނުކުމެފައެވެ.

އޭނާގެ ބޮލުން އެ ބުޅި ނެރުމަށް ނަރުހުން މަސައްކަތް ކުރަމުންދިޔައިރު ނަރުކެނޑި ހިފައިގެން ދިޔަ މީހާވެސް އެތަނަށް ވަދެ، އެ މަސައްކަތުގައު ބައިވެރިވެއެވެ. އެގޮތުން ނަރުކެނޑިން ބުޅި ނަގަން ފެށުމުގެ ކުރިން އޭތި ސާފުކުރަން އޭނާ ނަރުހުން ގާތުގައި ބުނެއެވެ.

އެއަށްފަހު ފަސޭހައިން ބުޅި ނެގޭގޮތަށް ބުޅި ހެރިފައި އިން ހިސާބުން ޖާގަ ހަދާލުމަށްފަހު، ބުޅީގެ ކޮޅުން ބުރިކޮށްލުމަށްފަހު ވަރަށް ފަސޭހަކަމާއި އެކު ބުޅި ނަގާތަށް ފެނެއެވެ.

އެހުރިހާކަމެއް ކުރަމުންދިޔަ އިރުވެސް ބުޅި ހެރިފައި އޮތް މީހާ އޮތީ ވަރަށް ހަމަޖެހިލައިގެންނެވެ.