ގާސިމް އިބްރާހިމް
ގާސިމް އިބްރާހިމް
ހަބަރު 23 Aug 2023 | 16:07

އަސަރާއެކު ގާސިމް ކިޔައިދެއްވީ ތުއްތު އިރު މަންމާފުޅު ނިޔާވެ ލޯފަން ބައްޕާފުޅާއެކު ހަޔާތް ކުރިއަށް ދިޔަގޮތް!

ޖުމްހޫރީ ޕާޓީ (ޖޭޕީ) ގެ ލީޑަރ އަދި އެ ޕާޓީގެ ރިޔާސީ ކެނޑިޑޭޓުގެ ގާސިމް އިބްރާހީމް ތުއްތުއިރު މަންމާފުޅު ނިޔާވެ، ލޯފަން ބައްޕާފުޅާއެކު ހަޔާތް ވޭތުވެގެންދިޔަ ގޮތް ވަރަށް އަސަރާއި އެކު ކިޔައިދެއްވައިފިއެވެ.

ރިޔާސީ ކެމްޕެއިނަށް ނ އަތޮޅަށް ކުރައްވަމުންދާ ދަތުރުފުޅުގެ ތެރެއިން އެ އަތޮޅު ކެނދިކުޅުދޫއަށް ވަޑައިގެން ވާހަކަދައްކަވަމުން ގާސިމް ވަނީ ވަރަށް އަސަރާއި އެކު 2005 ވަނަ އަހަރުގެ ކުރިން ގައުމު އޮތް ހާލަތަށް ނަޒަރު ހިންގަވާލައްވާފައެވެ. އެގޮތުން ގާސިމް ވިދާޅުވީ އޭރު ދަތުރުފަތުރުގެ ނިޒާމާ، ބޭސް ފަރުވާގެ ނިޒާމުވެސް އޮތީ ވަރަށް ނާޒުކު ފައްތަރެއްގައިކަމަށެވެ.

"ކޮންމެސް ކަންވެރިއަކު އަތުގައި ތަވީދެއް އަޅުވާލަފާނެ. އަންހެންވެރިން ވިހަންވެގެން އާލާސްކަންފުޅާ، ވިހަން ތަންމައްޗަށް އަރާފައި ވާގޮތް އަޅުގަނޑު އިތުރަށް ދަންނަވާކަށް ނުޖެހޭނެ. ވަރަށް ގިނަ އަޅުގަނޑުމެންގެ ތެރެއިން އަންހެން ކަނބަލުންނަކީ ޅަ އުމުރުގައި ފުރަތަަމަ ދަރިފުޅަށް ބަލިވެ އިނދެ ދުނިޔެ ދޫކުރައްވާ ކަނބަލުން." ކުރީ ޒަމާނު ކަންކަން އޮންނަ ގޮތް ކިޔައިދެއްވަމުން ގާސިމް ވިދާޅުވިއެވެ.

އެފަދައިން ކަންކަން ދިމާވާ ސަބަބެއް ކަމަށް ގާސިމް ވިދާޅުވީ އޭރު ސިއްހީ ވަސީލަތްތަކާއި، އެކަމަށް ބޭނުންވާ ގާބިލް މީހުން ނެތުމުން ކަމަށެވެ.

މިއާއެކު ގާސިމް ވަނީ އޭނާގެ އުމުރުން މިވީ 73 އަހަރުގެ ތެރޭގައި ކޮށްފައިވާ ތަޖުރިބާ ތަކާއި، ދިމާވެފައިވާ ދަތިއުނދަގޫތައް ކިޔައި ދެއްވާފައެވެ.

"އަޅުގަނޑުގެ މަންމަ މަރުވީ އަޅުގަނޑުގެ އުމުރުން އެއް މަހާއި ނުވަ ދުވަހުގައި. ވަރަށް ނިކަމެތި ދުވަސް ތަކެއް. ދެވަނަ ބޮޑު ހަނގުރާމައިގެ އެންމެ ތަދު ދުވަސް. މަގޫފަތް ކައިގެން ރާއްޖޭގެ ގިނަ ރައްޔިތުން އެމީހުންގެ ފުރާނަ ސަލާމަތް ކުރުމަށް ހަނގުރާމަ ކުރަމުން ދިޔަ ދުވަސް. އެހާލަތުގައި އޮތީ. އޭރު އަޅުގަނޑުގެ މަންމަ މަރުވީމަ، އަޅުގަނޑުގެ މާމަ އަޅުގަނޑު ބަލާބޮޑުކުރީ. އަޅުގަނޑުގެ އާއިލާ ކޮންމެވެސް އެހެން ބޭފުޅަކު ކިރުދީގެން އަޅުގަނޑު ބޮޑުވެގެން އައީ. އުމުރުން ދިހަ އަހަރުގައި މާމަ މަރުވީމަ ދެން ބައްޕަ، ބައްޕަ އަކީ ލޯފަން މީހެއް. ބައްޕަ ބުނެފި ދެން ތިމަންނަ އަކަށް ނެތޭ އެހެން ގޮތެއް. ދަރިފުޅު ބަލަހައްޓާނެ މީހެއް ނެތޭ. ދަރިފުޅާ ހިނގާށޭ ބައްޕައާއެކު ފަޅު ރަށަކަށް." ތުއްތުއިރު މަންމަ ނިޔާވުމުން ގާސިމް ބަލަމުންއައި މާމަ ނިޔާވުމުން ލޯފަން ބައްޕައާއި އެކު މަސައްކަތުގެ މައިދާނަށް ނުކުންނެވި ސަބަބު، ކީރިތި ކުރައްވާ ހާލުގައި ހާމަކުރައްވަމުން ވަރަށް އަސަރާއި އެކު ގާސިމް ކިޔައި ދެއްވިއެވެ.

ކެނދިކުޅުދޫ ޖަލްސާގައި ގާސިމް ވާހަކަ ދައްކަވަނީ--ފޮޓޯ/ޖޭޕީ

ގާސިމް ވިދާޅުވީ ބައްޕައާއި އެކު ދ އަތޮޅުގެ ފަޅުރަށަކަަށް ވަޑައިގެން އެރަށު މަސައްކަތް ކޮށް އުޅޭ މީހުންނަށް ކައްކާ ދިނުމުގެ މަސައްކަތް ކުރެއްވި ކަމަށެވެ.

"އެދުވަސްވަރު މަޒާޖީ ގޮތަށް އަޅުގަނޑާ ދިމާއަށް "ކައްކާ ކޮކީ" އޭވެސް ގޮވާލާނެ."

ގާސިމް އިބްރާހިމް

އެ ދުވަސްވަރަކީ ދަތި އުނދަގޫ ދުވަސްތަކެއް ނަމަވެސް އުޅޭ ތަނުން ބޭރުގައި ހިނގާ ކަންކަން އެނގިވަޑައިނުގަންނަވާތީ އުޅުއްްވީ ވަރަށް އުފަލާއި އެކުގައި ކަމަށް ގާސިމް ވިދާޅުވި އެވެ.

އެގޮތުގައި ހަތަރު އަހަރު ހޭދަކުރެއްވި ފަހުން ދ ކުޑަހުވަދޫ މުދިން ކަލޭގެފާނުގެ ދަރިފުޅު ކިޔަވަން މާލެ ދާވާހަކަ އެކުއްޖާ ބުނުމުން ގާސިމްވެސް ކިޔަވާ ވިދާޅުވާން މާލެ ފޮނުވައި ދެއްވުމަށް ބައްޕާފުޅުގެ އަރިހުން އެދިލެއްވި ކަމަށާ، އުމުރުފުޅުން ހަގު ކަމުން ބައްޕާފުޅު އެކަމަށް އެއްބަސްވެވަޑައިގެންނެވީ ވަރަށް އުނދަގުލުން ކަމަށް ގާސިމް ވިދާޅުވި އެވެ.

މާލެ ގޮސް އެންމެ ފުރަތަަމަ ހުންނެވީ މުހައްމަދު ޒަކީގެ ގެކޮޅުގައި ކަމަށާށ އެބޭފުޅާވެސް އޭރު އުޅުއްވަމުން ދިޔައީ ވަރަށް ހާލުގައި ކަމަށް ގާސިމް ވިދާޅުވި އެވެ. އެހެންނަމަވެސް އެ ހާލުގައިވެސް ގާސިމް އާލިޔާ ސުކޫލަށް ކިޔަވަން ފޮނުއްވި ކަމަށާ، އެތަނުގައި ދުވަސްކޮޅަކު އުޅުއްވުމަށްފަހު ޔުނީފޯމު ފަދަ ތަކެތި ނެތުމުން ސުކޫލުން ވަކިވާން ޖެހުނު ކަމަށް ގާސިމް ވިދާޅުވި އެވެ. އެފަހުން ޓިއުޝަން ކްލާސްތަކުން ފަދަ ތަންތަނުން ތައުލީމް ހާސިލް ކުރެއްވި ކަމަށާ، އެގެއިން އެހެން ގެއަކަށް ބަދަލުވެގެންވެސް ގޭގައި ކުރަންޖެހޭ މަސައްކަތްތަކާއިހުރެ ކިޔަވާނެ ވަގުތު ވެ ނުލައްވާ ކަމަށް ގާސިމް ވިދާޅުވި އެވެ. އެއީ ކިޔަވަން އަންނަ ހުރިހާ ކުދިންގެވެސް އޭރުގެ ހާލު ކަމަށް ގާސިމް ސިފަކުރެއްވިއެވެ.

ނަމަވެސް ދެވަނަ ގެއަށްފަހު ތިންވަނަ އަށް ހުންނެވީ އިލްޔާސް ކިޔާ ބޭފުޅެއްގެ ގޭގައި ކަމަށާ، އެ ބޭފުޅާގެ އެހީއާއިއެކު ހަމައެކަނި ކިޔެވުމަށް އެކަނި ހާއްސަވެގެން ހުރެ ލިބުނު ކިޔެވުމުގެ ފުރުސަތުގެ ތެރެއިން، ސަނަދުތައް ހޯދައިގެން ސަރުކާރު ވަޒީފާތަކަށް އާދެވުނު ކަމަށް ގާސިމް ވިދާޅުވި އެވެ. އެގޮތުން ސަރުކާރުގެ ހޮސްޕިޓަލުގައި އޭރު އަދާކުރެއްވި މަގާމުގެ ކުރިއަރައިގެން ދިޔަ ގޮތްވެސް ފާހަގަކުރެއްވިއެވެ.

އެއަށްފަހު ގާސިމް ވިދާޅުވީ އެވާހަކަތައް ކިޔައިދެއްވީ އޭރުގެ ހާލަތާއި މިހާރުގެ ހާލަތާ ދެމެދު ހުރި ތަފާތު ހިއްސާކުރެއްވުމަށް ކަމަށެވެ. އަދި އޭނާގެ ހަޔާތުގައި ދިމާވި ގޮންޖެހުންތަކާއި، އެހެންވެސް ކަންކަމާއި ގުޅޭ ގޮތުން ބަޔޮގްރަފީއެއް ވަރަށް އަވަހަށް ނެރޭނެކަމަށެވެ. މި ބަޔޮގްރަފީގައި 1،800 އަށްވުރެ ގިނަ ސަފުހާ ހިމެނޭނެކަމަށްވެސް ގާސިމް ވިދާޅުވިއެވެ.

ކެނދިކުޅުދޫ ޖަލްސާގައި ގާސިމް --ފޮޓޯ/ޖޭޕީ

ގާސިމް ވިދާޅުވީ އޭރުގެ ދަތި އުނދަގޫ ތަކުން ފެށިގެން މިއާދާއި ހަމައަށް ވާސިލް ވުމަށް އެންމެ ބުރަ މަސައްކަތް ކުރެއްވި އެކަކީ އޭނާ ކަމަށެވެ. އަދި އެ މަސައްކަތުގައި ކުރީގެ ރައީސް ޑރ. މުހައްމަދު ވަހީދު އާއި މުހައްމަދު ނަޝީދު ވެސް ހިމެނިވަޑައިގަންނަވާ ކަމަށް ވިދާޅުވި އެވެ. އަދި އޭނާ ވެރިކަމަށް ކުރިމަތިލެއްވީވެސް ވެރިކަމަށްވުރެ ބޮޑަށް، ގައުމަށް އިސްލާހީ ބަދަލެއް ގެނައުމަށްކަމަށް ގާސިމް ވިދާޅުވި އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

އަދާލަތާއި އެމްޑީއޭއިން އެތައްހާސް މެންބަރުން ވަކިވެއްޖެ، މެންބަރުންގެ އަދަދު 5،000އަށް
18 Nov 2026 ހަބަރު

އަދާލަތާއި އެމްޑީއޭއިން އެތައްހާސް މެންބަރުން ވަކިވެއްޖެ، މެންބަރުންގެ އަދަދު 5،000އަށް

އިލެކްޝަން ކޮމިޝަންގެ ދަފްތަރުގައިވާ ގޮތުން އަދާލަތު ޕާޓީގައި މިހާރު ތިބީ 5،608 މެންބަރުންނެވެ. އެމްޑީއޭ ގައި ތިބީ 5،848 މެންބަރުންނެވެ.