އަލީ ވަހީދު ރައީސް ޞާލިހަށް: މިސްރާބު ބަދަލުކުރައްވާ! ތިޔަ ދަނީ ފަރަށްއަރަން
ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙާއި އެމްޑީޕީގެ މިސްރާބު މިހާރު ހުރި ދިމާ ބަދަލުކުރުމަށާއި، މިހާރު ހުރި މިސްރާބުން އަރާނީ ފާރަށް ކަމުގައި ވިދާޅުވެ ރާއްޖޭގައި އިންޑިޔާ ސިފައިން ތިބުމާއި ދެކޮޅަށް ޖުމްހޫރީ ޕާޓީގެ ރިޔާސީ ކެންޑިޑޭޓް ގާސިމް އިބްރާހިމްގެ އިންތިހާބީ މަންދޫބު އަލީ ވަހީދު އަނެއްކާވެސް ފާޑުވިދާޅުވެއްޖެއެވެ.
ޖުމްހޫރީ ޕާޓީގެ ރިޔާސީ ކެންޑިޑޭޓް ގާސިމް އިބްރާހިމްގެ ކެމްޕެއިންގައި ނ މާޅެންދޫގައި ބޭއްވި ކެމްޕެއިން ޖަލްސާގައި ވާހަކަ ދައްކަވަމުން އަލީ ވަހީދު ވަނީ އުތުރު ތިލަފަޅަށް ރާއްޖޭގެ ސިފައިންނަށް ނޭރޭކަމަށް ދެކެވޭ ވާހަކަތަކަކީ ދޮގެއް ކަމަށާއި އެފަދަ ވާހަކަތަކުގައި ސިފައިން ޝާމިލް ނުކުރުމަށް ގޮވާލައި ޑިފެންސް މިނިސްޓަރު މާރިޔާ ދެއްކެވި ވާހަކަތަކަށް ވަރަށް ބޮޑަށް ފާޑު ވިދާޅުވެފައެވެ.
ދިވެހި ސިފައިންގެ ތެރޭގައި ނަގަންވީ ނޫންތޯ ސިއްރު ވޯޓެއް، ތިބޭފުޅުން ތިޔަ ކަން ކުރައްވާ ގޮތަށް ދިވެހި ސިފައިންގެ ތެރެއިން އެންމެ ބޭފުޅެއް ވޯޓުދެއްވިޔަސް އަޅުގަނޑުމެން ތިބޭނަން ގޭގައި
އަލި ވަހީދު
އަލީވަހީދު ވިދާޅުވީ ސަރުކާރުން ކަން ކުރައްވާ ގޮތާއިމެދު ދިވެހި ސިފައިން ނުރުހޭ ކަމަށާއި އެއީ ސިޔާސީ ބައެއް ނޫންކަމުގައެވެ.
އަލީވަހީދު ގެ ވާހަކަފުޅުގައި އިތުރަށް ވިދާޅުވީ ޗާގޮސްގެ މައްސަލައިގައި ދިވެހި ރައްޔިތުންނަން ފޮރުވައިގެން އެ މައްސަަލައިގައި ހިމެނޭ ސިޓީތައް ހަމައެކަނި ވަޒީރުންގެ މަޖިލީހުގައި މަޝްވަރާ ކުރުމުގެ ފުރުސަތެއް ގާނޫނު އަސާސީންވެސް ލިބިދީގެން ނުވާ ކަމަށާއި، އެ ސިޓީތައް ސަރުކާރުން ވަނީ ރައްޔިތުންގެ މަޖިލީހަށްވެސް ސިއްރުކޮށްފައި ކަމަށެވެ. ހަމަ އެޔާއެކު މި ނޮވެންބަރު މަހުގެ 17 ވަނަ ދުވަހު އެ ސިޓީ ދިވެހި ރައްޔިތުންނަން ހާމަކުރާނެ ކަމަށެވެ.
އެއީ މޮރިޝަސްގެ ބޮޑު ވަޒީރުގެ ސިޓީއެއް ނޫން، އެއީ ދިވެހި ރައްޔިތުންގެ ސިޓީއެއް
އަލީ ވަހީދު
ހަމައެއާއެކު އަލީ ވަހީދު ވިދާޅުވީ ހަނިމާދޫ އާއި އައްޑޫއާއި ތަންތަނަށް "ބިރިޔާނީ ގަނޑަކަށް" ވިއްކާލައިގެން އިންޑިޔާ ސިފައިން ގެނެސް ބޭތިއްބުމުގެ އެއްވެސް ހައިސިއްޔަތެއް ސަރުކާރަށް ނޯންނާނެކަމުގައެވެ.
މީގެ އިތުރުން އަލީ ވަހީދު ވިދާޅުވީ ރައްޔިތުންގެ މަޖިލިސް ޑެޑްލޮކްއަށް ދިޔައީ ސީދާ ރޭވުމެއްގެ ތެރެއިން އެ މައްސަލަ ތަކަށް ޖަވާބުދާރީ ނުވުމަށް ކަމުގައެވެ.
ރިޔާސީ އިންތިހާބުގެ ކެމްޕެއިންގައި މި ފާހަކަށް އައިސް ޖުމްހޫރީ ޕާޓީގެ ލީޑަރޝިޕްގެ ހުރިހާ ބޭފުޅުންވެސް އިންޑިޔާ ސިފައިން ރާއްޖެގައި ތިބުމާއި ދެކޮޅަށް ވަރަށް ބޮޑަށް އަޑު އުފުލަމުން އަންނަކަން ފާހަގަކޮށްވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
