އަލީ ޒައިދު އަށް ޢަލީ ރަމީޒު ނަސޭހަތް ލައިދީފީ
ދީނީ ޢިލްމުވެރިއެއް ކަމަށްވާ އަލީ ޒައިދު އަށް ޖަމިއްޔަތުއް ސަލަފްގެ ޗީފް މާކެޓިން އޮފިސަރު ޢަލީ ރަމީޒު ނަސޭހަތް ލައިދީފީއެވެ.
އަލީ ޒައިދު ޓެގް ކުރައްވައި އަލީ ރަމީޒު މިއަދު ކުރެއްވި ޓްވީޓެއްގައި އޭނާ ވަނީ، މުސްލިމުންގެ ތެރޭގައި ނަފްރަތާއި ރުޅިވެރިކަން އުފެއްދުމަށް މަސައްކަތް ނުކުރުމަށް އަލީ ޒައިދަށް ނަސޭހަތް ތެރިވެފައެވެ.
"މީހުން ލައްވައި އަވަގުރާނަ ގޮއްވަން ޖެއްސުމުގެ ރާގަށް ސެލްފީތަކާއި، ޓްވީޓްތައް ކޮށް ނުހަދާށެވެ. ޢިލްމުވެރިންނަކީ އަބަދުވެސް މީސްތަކުންނަށް ނަސޭހަތްތެރިވާ ބައެކެވެ. އިސްލާހުވާށެވެ." އަލީ ޒައިދަށް ނަސޭހަތްތެރިވެ އަލީ ރަމީޒު ކުރެއްވި ޓްވީޓެއްގައި ވިދާޅުވި އެވެ.
އަލީ ރަމީޒު މިފަދައިން ވިދާޅުވެ އަލީ ޒައިދަށް ނަސޭހަތްތެރިވެފައި މިވަނީ، މިފަހަކަށް އައިސް، ފުލު ފުލުން ސީދާ ގޮތުންނާއި ނުސީދާ ގޮތުން މީހުންނަށް ޖެއްސުން ކުރުމުގެ މޭރުމުން ޒައިދު ޓުވީޓް ތަކެއް ކުރައްވަމުން ގެންދިޔުމުން ކަމަށް ބެލެވެއެވެ.
އެގޮތުން، އިދިކޮޅު ޕީޕީއެމަށް ސަޕޯޓް ކުރާ މެންބަރުންނާއި، ސަރުކާރުގެ ބައެއް ސިޔާސަތު ތަކާއި ގުޅިގެން ޚަބަރު ތައް ފަތުރަމުންދާ ނޫހަކަށްވެސް ޒައިދު ވަނީ ޖެއްސުން ކޮށް، ފާޑުކިޔައި ގިނަ ޓުވީޓް ތަކެއް ކުރައްވާފައެވެ. އެކަމާއި ގުޅިގެން ގިނަ ބައެއްގެ ފާޑުކިޔުންތައް އޭނާ އަށް ވަނީ އަމާޒުވެފައެވެ.
އަދި ޢިލްމުވެރިއްގެ މަގާމުގައި ހުރި މީހެއްގެ ފަރާތުން އެފަދައިން ޒާތީ ވުމުގެ ސިފަ ފެނުމަކީ ވަރަށް ނާތަހުޒީބު އަދި ހިތާމަހުރި ޢަމަލެއް ކަމަށްވެސް އާއްމުން އަންނަނީ ބުނަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
