އެމީހުން މަސައްކަތް ކުރަނީ މީގެ ތެރެއަށް ވަދެ ގަޑުބަޑު ކުރުމަށް: ރައީސް ޞާލިހު
އެމްޑީޕީގެ ޕްރައިމަރީއަށް ވަނުމަށް އިދިކޮޅު ޕާޓީތަކުން މަސައްކަތް ކުރާކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވިދާޅުވެއްޖެއެވެ.
އެމްޑީޕީގެ ރިޔާސީ ޕްރައިމަރީ ގެ ކެމްޕެއިންނަށް އއ.މާޅޮހަށް މިއަދު ވަޑައިގެން ބޭއްވި ޖަލްސާގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވެފައި ވަނީ އެ ޕްރައިމަރީގައި އިދިކޮޅު ޕާޓީތަކުގެ ކުލަ ޖެހެމުން އަންނަ ކަމަށެވެ.
އަދި މިހާރު ރަށްތަކުން ފެންނަމުން ދަނީ އެމަންޒަރު ކަމަށާ، އެ ކަމާއި ގުޅިގެން އެމީހުންގެ ބެނުމަކީ ކޮބައިކަމާއި އެބޭފުޅުން އެކުރައްވަނީ ކޮން ކަމެއް ކަމާމެދު ވިސްނުމަށް ރައީސް ޞާލިހު ވަނީ އެދިލައްވާފައެވެ.
"ސާފުކޮށް އެމްޑީޕީއަށް ވެރިކަމުގައި ދެމިތިބެން އޮތްކަން އެނގޭތި އެކަމަށް ހުރަސް އެޅެން އޮތް ކަންތައްތައް އެ ބޭފުލުުން އެ ކުރައްވަނީ. ކުރިއަށް އޮތް ރިޔާސީ އިންތިޙާބުގައި ކިރިޔާ ވެސް އެބޭފުޅުންނަށް ވާދަކޮށްލެވެން އޮތީ މީގެ ތެރެއަށް ވަދެ މިގަޑުބަޑު ކޮށްގެން ކަމަށް ފެންނާތި އެ ބޭފުޅުން ނިކުމެ އެތިބީ." ރައީސް ޞާލިހް ވިދާޅުވިއެވެ.
އެމްޑީޕީއިން މި ޕްރައިމަރީިގައި ދައްކަމުން ގެންދަނީ ފުރިހަމަ ޑިމޮކްރަޓިކް ނަމޫނާއެއް ކަމަށާއި، މިހާ ތަނަށްވެސް އެތެރެއިން ހިންގާ ޕްރައިމަރީ ތަކަކީ ވާދަވެރި ޕްރައިމަރީތަކެއް ކަމަށް ރައީސް ފާހަގަ ކުރެއްވިއެވެ. އަދި ރާއްޖެއަށާއި އެހެނިހެން ސިޔާސީ ޕާޓީތަކަށް ނަމޫނާއަކަށް މިޕްރައިމަރީ ވެގެން ދާނެ ކަމަށްވެސް ވިދާޅުވިއެވެ.
މިއާއެކު ރައީސް ޞާލިހް ވަނީ، އިދިކޮޅު ޕާޓީތަކުން މަސައްކަތް ކުރަނީ އިންތިހާބު ތެރެއަށް ވަދެ، ގަޑު ބަޑުކޮށް، ކުރިއަށް އޮތް ރިޔާސީ އިންތިޙާބުގައި ކިރިޔާވެސް ވާދަ ކޮށްލެވޭނެ ފުރުސަތެއް އޮތް ގޮތަށް އިންތިހާބު އަނބުރާލުމަށް ކަމަށް ވިދާޅުވެފައެވެ.
"އެނގެން އޮތް ހަޤީގަތަކީ މި ޕްރައިމަރީއާއި އެކުގައި އިރާދަކުރެއްވިއްޔާ އަޅުގަނޑު މޮޅުވާނެ. މޮޅުވުމާ އެކީގައި ކުރިއަށްއޮތް ރިޔާސީ އިންތިޙާބު ފަސޭހަ ކަމާއެކީ އެމްޑީޕީއަށް ކާމިޔާބު ކުރެވޭނެ މަގު އެބައޮތް.އަޅުގަނޑުމެންނަށް އެ ފޯމިއުލާ އެބައޮތް. އެކަން ދައްކަމުން އަޅުގަނދުމެން މިދަނީ." ރައީސް ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
