ގުޅިފަޅުން ފެނުނީ އަލިފާނުގެ ހާދިސާގައި ގެއްލުނު މީހާގެ ހަށިގަނޑު: ފުލުހުން

ގުޅިފަޅުގައި ހަދާފައިވާ އެފްކޯންސްގެ އެކޮމޮޑޭޝަން ބްލޮކުގައި މިދިޔަ ޑިސެމްބަރު މަހު ހިނގި އަލިފާނުގެ ހާދިސާއަށްފަހު ފެނުނު ހަށިގަނޑަކީ، އެ ހާދިސާގައި ގެއްލިގެން ހޯދި މީހާގެ ހަށިގަނޑު ކަމަށް ފުލުހުން ކަށަވަރުކޮށްދީފި އެވެ.

ގުޅިފަޅުން މީހެއްގެ ހަށިގަނޑު ފެނިފައިވަނީ އަލިފާނުގެ ހާދިސާ ހިނގި ސަރަހައްދު ސާފު ކުރުމުގެ މަސައްކަތް ކުރަމުން ދަނިކޮށް ޑިސެމްބަރު މަހުގެ 20 ވަނަ ދުވަހުއެވެ. އަލިފާނުގެ ހާދިސާއަށްފަހު އެފްކޯންސްގެ މުވައްޒަފެއް މަދުކަމަށް އެކޮމޮޑޭޝަން ބްލޮކުގައި ދިރިއުޅޭ މީހުން ވަނީ މެނޭޖުމަންޓަށް ރިޕޯޓުކޮށްފައެވެ.

އަލިފާނުގެ ހާދިސާ ހިނގިތަކުން ހަށިގަނޑު ފުލުހުންނަށް ފެނިފައިވަނީ މީހަކު ގެއްލިގެން ރިޕޯޓުކުރުމާއި ގުޅިގެން ދެވަނަ ފަހަރަށް އެ ސަރަހައްދު ބަލާ ފާސްކުރުމުގެ ތެރެއިންނެވެ. އަދި އެ ހަށިގަނޑަކީ ގެއްލުނު މީހާގެ ކަށިތައްކަން ޔަގީންކުރުމަށް އިތުރު ތަހުލީލުތައް ހެދުމަށް ފުލުހުން ފުލުހުން ފޮނުވާލިއެވެ.

އެކަމާއި ގުޅޭގޮތުން މީޑިއާތަކަށް މައުލޫމާތުދެމުން ފުލުހުން ބުނީ އަލިފާނުގެ ހާދިސާ ހިނގި ސަރަހައްދުން ފެނުނު ހަށިގަނޑަކީ ގެއްލިގެން ހޯދު މީހާގެ ހަށިގަނޑު ކަމަށެވެ. އަދި އެ ހަށިގަނޑު އާއިލާއާއި ހަވާލުކުރުމުގެ މަސައްކަތް ކުރަމުންދާކަމަށް އެ އިދާރާއިން ވަނީ ބުނެފަ އެވެ.

"ގުޅީފަޅު އަލިފާނުގެ ހާދިސާ ހިނގި ތަނުން ފެނުނު އިންސާނެއްގެ ހަށިގަނޑަކީ އެތަނުން ގެއްލުނު މީހާގެ ހަށިގަނޑުކަން ވަނީ ކަށަވަރުކުރެވިފައި. އެ ހަށިގަނޑު އާއިލާއާ ހަވާލުކުރުމަށް މި ހަފުތާގައި ވަނީ އިންޑިއާއަށް ފޮނުވާފައި"

ދިވެހިންގެ ފުލުހުންގެ ޚިދުމަތް

ތިލަމާލެ ބްރިޖު އެޅުމުގެ މަސައްކަތް ކުރާ އިންޑިއާގެ އެފްކޯންސް ކުންފުނީގެ މުވައްޒަފުން ތިބުމަށް ގުޅިފަޅުގައި ހަދާފައިވާ އެކޮމޮޑޭޝަން ބްލޮކުގައި އަލިފާން ރޯވިއިރު އެތަނުގައި 457 މީހުން ދިރިއުޅެމުންދާކަމަށް އެކުންފުނިން ވަނީ ބުނެފައެވެ.

އެ ހާދިސާގައި 78 މީހަކަށް އެކިވަރުގެ އަނިޔާތައް ލިބިގެން ހޮސްޕިޓަލަށް ގެންގޮސްފައިވާކަމަށާއި، އޭގެތެރެއިން 32 މީހަކަށް އެޑްމިޓްކޮށްގެން ފަރުވާދީފައިވާ ކަމަށް އެފްކޮންސްއިން ބުނެފައިވެ އެވެ. އަދި އެ ހާދިސާގައި ހާލުގައި ޖެހުނު ފަރާތްތަކަށް އެހީތެރިކަން ފޯރުކޮށްދީފައިވާނެ ކަމަށް އެފްކޯންސްއިން ވަނީ ބުނެފަ އެވެ.