ކާލާނެ މަސްކޮޅެއް ނުލިބޭ ނިކަމެތިންނަށް ޢީދުގައި އެ އުފާ ހޯދައި ދިނުމަށް އަވަހަށް ޞަދަޤާތް ކޮށްލަމާ!
ކާލާނެ ރޯމަސް ކޮޅެއް ނުލިބޭ ނިކަމެތިންނަށް، ބަރަކާތްތެރިވެގެންވާ އަޟުހާ ޢީދުގައި، އެ އުފާ ހޯދައި ދިނުމަށް ބޭނުންވާ ފަރާތްތަކަށް، އެކަމަށްޓަކައި ޞަދަޤާތް ކުރުމުގެ ފުރުސަތު އައިއޭސީން ހުޅުވާލައިފި އެވެ.
ޢީދުގެ އުފަލުގައި އެންމެހާ ފަރާތްތައް ބައިވެރި ކުރުމުގެ މަގުސަދުގައި އައިއޭސީން ކުރިއަށްގެންދާ މި ޕްރޮގްރާމްގެ ދަށުން، ކާލާނެ މަސްކޮޅެއް ލިބެންނެތް، ނިކަމެތިންނަށް ޞަދަޤާތް ކުރުމުގެ ފުރުސަތު އެންމެހާ ފަރާތްތަކަށް ލިބިގެންދާނެ ކަމަށް އައިއޭސީން ވަނީ ބުނެފަ އެވެ.
އަދި އަގު ބޮޑު ވުމުގެ ސަބަބުން ޢީދުގައި އުޟުހިޔާ ކަތިލުމުގެ ކުޅަދާނަކަން ނެތް ފަރާތްތަކަށްވެސް، ކުޑަ ޚަރަދެއް ކޮށްލައިގެން ފަގީރުންނަށް ޞަދަގާތް ކުރުމުގެ ފުރުސަތު ލިބިގެންދާނެ ކަމަށް އައިއޭސީން ފާހަގަކުރެއެވެ.
އެގޮތުން، ޞަދަޤާތް ކުރައްވަން ބޭނުންވާ ފަރާތްތަކުން، އަންނަނިވި އެކައުންޓަށް ފައިސާ ޖަމާކުރެއްވުމުން އެކަން ކުރިއަށްދާނެ ކަމަށް އައިއޭސީން ބުނެއެވެ.
ބީމްއެލް އިސްލާމިކް
އެކައުންޓް ނަމްބަރު: 7770000062740
އެކައުންޓް ނަން: International Aid Campaign
އެކައުންޓް ލޭބަލް: IAC | Seasonal Projects
މި ޕްރޮޖެކްޓްގެ ދަށުން އެއްގަމު މަސް ކިލޯއަކަށް ނަގާ ރޭޓަކީ -/160 ރުފިޔާ ކަމަށްވެސް އައިއޭސީން ބުނެއެވެ.
އައިއޭސީގެ ޕްރޮޖެކްޓް އަގުތައް ހެދިފައިވާނީ ޕްރޮޖެކްޓް ހިންގުމާއި ބެލެހެއްޓުމާއި، ދެމެހެއްޓުމާއި، އިދާރީ ހިންގުމާއި ތަރައްގީއަށް ދާނެ ކަމަށް ލަފާކުރެވޭ ޚަރަދުތައް ހިމެނޭގޮތަށް އެވަރެޖް 12.5 ޕަސެންޓު ހިމެނޭގޮތަށް ކަމަށް އެ ޖަަމިއްޔާއިން މައުލޫމާތު ދެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
