އެއްލައްކަ ގަސް ޕްރޮގުރާމްގެ ދަށުން މާލޭގައި 142 ކަދުރު ރުއް އިންދައިފި

މާލޭ ސިޓީ ކައުންސިލުން ކުރިއަށް ގެންދާ "އެއްލައްކަ ގަސް" ޕްރޮގުރާމްގެ ދަށުން މާލޭގައި މިހާތަނަށް 142 ކަދުރު ރުއް އިންދާފައިވާ ކަމަށް ސިޓީ ކައުންސިލުން ހާމަކޮށްފި އެވެ.

މިއަހަރުގެ ޖެނުއަރީ 1 ވަނަ ދުވަހު ފެށިގެންދިޔަ މި ޕްރޮގްރާމްގެ ދަށުން މިހާތަނަށް ހިޔާލިބޭ ބޮޑެތި ގަސްތައް ވަނީ އިންދާފައެވެ.

އެގޮތުން މާލެ ވަށައިގެން 42 ކަދުރު ގަސް މެއި މަހުގެ 24 ވަނަ ދުވަހު ފެށިފައިވާއިރު މިހާތަނަށް 142 ކަދުރު ރުއް އިންދާފައިވާ ކަމަށް ސިޓީ ކައުންސިލުން ހާމަކުރެއެވެ.

އެގޮތުން ކާނިވާ ބަސް ޓާމިނަލްގައި 14 ރުއް، އާޓިފިޝަލް ބީޗްގައި 23 ރުއް، ބީޗް ވޮލީ ކޯޓް ސަރަޙައްދުގައި 8 ރުއް، އަދި ލޮނު ޒިޔާރަތްޕާކް ކަންމަތީގައި 12 ރުއް، މީގެ އިތުރުން ރިންގް ރޯޑްގައި 85 ކަދުރު ރުއް މިހާތަނަށް އިންދާފައިވާ ކަމަށް ސިޓީ ކައުންސިލުން ހާމަކުރެއެވެ. މި ޕްރޮގްރާމްގެ ދަށުން 200 ކަދުރުރުއް އިންދުމަށް ވަނީ ހަމަޖެހިފައެވެ.

މާލެ ސިޓީ ކައުންސިލްގެ ސްޓްރެޓެޖިކް އެކްޝަން ޕްލޭންގައި ހިމެނިފައިވާ އެއްލައްކަ ގަސްއިންދުމުގެ ޕްރޮގްރާމް ގެ ދަށުން އިންދަން ހަމަޖެހިފައިވާ 65% ގަހަކީ އަނބުގަހެވެ.އަދި ބާކީ 35% ގެ ތެރޭގައި،ސައްކެޔޮގަސް، ހިތިގަސް އަދި ދަނބުގަސް،ފަދަ ގަސް ހިމެނިގެންދާނެއެވެ.