ރިޟްވާން މަރާލާ ވީޑިއޯ ކަމަށް ބުނެ ފޭކް ލިންކެއް ދައުރު ކުރަން ފަށައިފި

މިނިވަން ނޫހުގެ ނޫހުގެ ނޫސްވެރިޔާ އަހުމަދު ރިޟްވާންގެ މަރާލާފައިވާ ވީޑިއޯ ކަމަށް ބުނެ ފޭކު ލިންކެއް ދައުރުކުރަން ފަށައިފިއެވެ.

އެ ލިންކާ އެކުގައި ދައުރުވަމުންދާ ޕޯސްޓެއްގައި ބުނެފައި ވަނީ ރާއްޖޭގައި އެންމެން ސިއްސުވާލި ޚަބަރަކީ ރިޟްވާން ގެއްލުނު ގޮތަށްވީ ނުވީއެއް ނޭނގުނު ހަބަރު ކަމަށެވެ.

އެގޮތުން އެ ޕޯސްޓުގައި ބުނެފައިވަނީ ރާއްޖޭގެ ސަރުކާރުގެ ބެލުމުގެ ދަށުގައިވާ ފޭދޫ ފިނޮޅުން އިއްޔެ ހަވީރު 5:30 ގައި ވަޅުލާފައި އޮތް މީހަކު ފެނިފައިވާ ކަމަށާއި އޭނާގެ ކައިރީގައި ރިޟްވާންގެ އައިޑީ ކާޑާއި އަނގޮއްޓި ފެނިފައިވާ ކަމަށެވެ. އިތުރަށް ބުނެފައިވަނީ އަހުމަދު ރިޟްވާންގެ ކަރު ބުރިކޮށްލާފައިވާ ބޯބުރިވެސް އޮތީ ވަޅުލާފައި ކަމަށާއި، ރައީސް ޔާމީން އަބްދުލްގައްޔޫމް އަޑީގައި ހުންނަވައިގެން އެ ޒުވާން ނޫސްވެރިޔާ މަރާލާފައި ހަށިގަނޑު ނައްތާލަން މަސައްކަތް ކުރިކަން މި ވީޑިއޯއިން ވަރަށް ރަނގަޅަށް ސާބިތުވާ ކަމަށެވެ.

އަދި ރިޟްވާންގެ ފޯންގައި އޭނާ މަރާލިއިރު ވީޑިއޯ އިނީ ރިކޯޑިންނަށް ލާފައި ކަމަށް ނޫނީ އޭނާ އަމިއްލައަށް ނަގާފައިވާ ވީޑިއޯއެއް ކަމަށް ބެލެވޭ ވީޑިއޯއެއް ރިލްވާންގެ ފޯނުން ފެނިފައިވާ ކަމަށްވެސް ބުނެފައިވެއެވެ.

ރިޟްވާން ގެއްލިފައިވަނީ 2015 ވަނަ އަހަރު އޮގަސްޓު މަހުގެ 8 ވަނަ ދުވަހު އެވެ. ވީނުވީއެއް ނޭނގި ގެއްލިގެން އެކަމުގެ ތަހުގީގު ކުރުމަށްފަހު ނެރުނު ބަޔާނުގައި ބުނީ އަހުމަދު ރިޟްވާން ދޯންޏަކަށް އެރުވުމަށްފަހު ކަރުބުރިކޮށްލިކަމަށް، ގެއްލިފައިވާ އަދި މަރާލެވިފައިވާ މީހުންގެ މައްސަލަތައް ތަހުގީގުކުރާ ކޮމިޝަނުން ނެރުނު ރިޕޯޓުގައި ބުނެފައި ވެއެވެ.