ފޮޓޯ: ޕީއެސްއެމް
ފޮޓޯ: ޕީއެސްއެމް
ހަބަރު 24 Oct 2026 | 15:08

ފަރުމަސްވެރިކަން ކުރާ ރަށްރަށަށް ޚާއްޞަކޮށް އައިސްޕްލާންޓުތަކެއް

ދިވެހިރާއްޖޭގައި ފަރުމަސްވެރިކަން ކުރާ ރަށްރަށަށް އަމާޒުކޮށްގެން ކުދި އައިސްޕްލާންޓުތަކެއް ޤާއިމުކުރުމުގެ މަޝްރޫޢެއް ސަރުކާރުން ފަށައިފިއެވެ.

މި މަޝްރޫޢާ ގުޅޭގޮތުން މަޢުލޫމާތު ދެއްވަމުން، މަސްވެރިކަމާއި ކަނޑުގެ ވަސީލަތްތަކާ ބެހޭ ވުޒާރާގެ ސްޓޭޓް މިނިސްޓަރ މުޙައްމަދު މުއްޠަލިބު ވިދާޅުވީ، ޒަމާނުއްސުރެ ރާއްޖޭގައި އައިސްޕްލާންޓުތައް ޤާއިމުކުރެވެމުން އައީ މައިގަނޑު ގޮތެއްގައި ކަޅުބިލަމަހުގެ މަސްވެރިކަމަށް އިސްކަންދީގެން ކަމަށެވެ. ނަމަވެސް، މަސްވެރިކަމުގެ އެހެނިހެން ދާއިރާތައް ފުޅާވަމުން އަންނައިރު، ޤައުމީ އިޤްތިޞާދުގައި ފަރުމަސްވެރިން އަދާކުރާ މުހިންމު ދައުރު ބަލައިގަނެ، އެ ފަރާތްތަކަށް ކުރިމަތިވެފައިވާ އައިހުގެ ދަތިކަމަށް ދާއިމީ ހައްލެއް ހޯދައިދިނުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ޚާއްޞަ އިސްކަމެއް ދެއްވާ ކަމެއް ކަމުގައި އެމަނިކުފާނު ފާހަގަކުރެއްވިއެވެ.

ސްޓޭޓް މިނިސްޓަރ އިތުރަށް ވިދާޅުވީ، މިނިސްޓްރީގެ މިހާރުގެ އަމާޒަކީ ފަރުމަސްވެރިންނަށް ބޭނުންވާ އައިސް ފަސޭހަކަމާއެކު ފޯރުކޮށްދިނުމަށްޓަކައި، އެފަދަ މަސްވެރިކަން ކުރާ ރަށްރަށުގައި ކުދި އައިސްޕްލާންޓުތައް ބެހެއްޓުން ކަމަށެވެ.

މި މަޝްރޫޢުގެ ދަށުން ޤާއިމުކުރުމަށް ހަމަޖެހިފައިވަނީ ދުވާލަކު 5 ޓަނުގެ އައިސް އުފެއްދޭ ޕްލާންޓުތަކެކެވެ. މުއްޠަލިބު ވިދާޅުވި ގޮތުގައި މި ޕްލާންޓުތަކުގެ ޑިޒައިނިންގ މަރުޙަލާ މިހާރު ކުރިއަށްދާއިރު، މިތަންތަނުން އުފައްދާނީ ރަށު ފެންވަރުގައި ކެފޭ އަދި ރެސްޓޯރެންޓުތަކުގައިވެސް ބޭނުންކުރެވޭނެ ފަދަ ރައްކާތެރި، ސާފު ބޯފެނުން އުފައްދާ 'ޓިއުބް އައިސް' އެވެ. އަދި މި މަޝްރޫޢަށް ބޭނުންވާ ފައިސާ ހޯދުމުގެ މަސައްކަތް ކުރިއަށްދާ މިދަނޑިވަޅުގައި، ކުންފުނިތަކުގެ އިޖުތިމާޢީ ޒިންމާ (ސީއެސްއާރު) ގެ ދަށުން ފުރަތަމަ 5 އައިސްޕްލާންޓުގެ ޢަމަލީ މަސައްކަތް ވަރަށް އަވަހަށް ފެށިގެންދާނެ ކަމަށްވެސް ވިދާޅުވިއެވެ.

މީގެއިތުރުން، އައިސްޕްލާންޓުތަކާއެކު ހިލޭ އެހީގެ ދަށުން ކުދި ކޯލްޑް ސްޓޯރޭޖްތަކެއް އެޅުމަށް ރޭވިފައިވާކަން ހާމަކުރައްވަމުން ސްޓޭޓް މިނިސްޓަރ ވިދާޅުވީ، މީގެ ސަބަބުން ފަރުމަސްވެރިން ބާނާ މަސް ތާޒާކަންމަތީ ރައްކާކުރުމަށް އިތުރު ފަސޭހަތަކެއް ލިބިގެންދާނެ ކަމަށެވެ.

މުޅި ރާއްޖޭގައި ދުވާލަކު 1,700 ޓަނުގެ އައިސް އުފެއްދުމުގެ ޤާބިލުކަން މިވަގުތު ހުރި ނަމަވެސް، މަސްވެރިކަން ރަނގަޅުވާ މޫސުންތަކުގައި އައިސް ހޯދުމުގައި މަސްވެރިންނަށް އަދިވެސް ބޮޑެތި ދަތިތަކަކާ ކުރިމަތިލާންޖެހެއެވެ. މަސްވެރިންގެ މި ޝަކުވާތަކަށް ދާއިމީ ހައްލެއް ގެނެސްދީ، މަސްވެރިކަމުގެ ޢުމްރާނީ ވަސީލަތްތައް ހަރުދަނާކުރުމަށްޓަކައި، ރާއްޖޭގެ 11 ރަށެއްގައި އައިސްޕްލާންޓު ޤާއިމުކުރުމުގެ މަސައްކަތް މިނިސްޓްރީން ވަނީ ދާދިފަހުން މެލޭޝިއާގެ ކުންފުންޏަކާ ޙަވާލުކޮށްފައެވެ.

އެ އެއްބަސްވުމުގެ ދަށުން، ދުވާލަކު 30 ޓަނުގެ އައިސް އުފައްދައި، 50 ޓަނު ރައްކާކުރެވޭ ފެންވަރުގެ ސްޓޯރޭޖްތަކާއެކު، ކުރިއަށް އޮތް 6 މަސްދުވަހުގެ ތެރޭގައި އެ 11 ރަށުގެ މަސައްކަތް މުޅިން ނިންމުމަށް ވަނީ ތާވަލުކުރެވިފައެވެ. ސަރުކާރުން އަންނަނީ މަސްވެރިންނަށް ދިމާވާ ދަތިތައް ހައްލުކޮށް، މަސްވެރިކަމުގެ ސިނާޢަތް އިތުރަށް ފުޅާކުރުމަށް ގިނަ މަސައްކަތްތަކެއް ކުރަމުންނެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ފައިސަލަށް ތާއީދުކުރުމާއި ގުޅޭ ސުވާލަށް ފުރިހަމަ ޖަވާބެއްދޭން އިބޫ ފަސްޖެހިއްޖެ؛ ކީއްވެ؟
22 Nov 2026 ހަބަރު

ފައިސަލަށް ތާއީދުކުރުމާއި ގުޅޭ ސުވާލަށް ފުރިހަމަ ޖަވާބެއްދޭން އިބޫ ފަސްޖެހިއްޖެ؛ ކީއްވެ؟

"ފައިސަލް އެ އޮތީ ކުރިމަތިލައްވަން އިއުލާނު ކުރައްވާފައި. އަޅުގަނޑެއް ކުރިމަތިލާކަށް އިއުލާނެއް ނުކުރަން،" ރައީސް ސޯލިހް ފުރަތަމަ ވިދާޅުވި އެވެ.

ރޮހިންޖާ ޤަތުލުޢާންމުގެ ޒިންމާ މިޔަންމާ އުފުލަން ޖެހޭނެ ކަމަށް އައިސީޖޭއިން ކަނޑައަޅައިފި
22 Nov 2026 ހަބަރު

ރޮހިންޖާ ޤަތުލުޢާންމުގެ ޒިންމާ މިޔަންމާ އުފުލަން ޖެހޭނެ ކަމަށް އައިސީޖޭއިން ކަނޑައަޅައިފި

ޖެނޮސައިޑް ކޮންވެންޝަންގެ ބައިވެރިއެއްގެ ޙައިޞިއްޔަތުން މި މައްސަލައަށް ތަދައްޚުލުވާނެ ކަން އެންމެ ފުރަތަމަ އިޢުލާންކުރީ ދިވެހިރާއްޖެއިންނެވެ

ބޮޑު ބަދަލާއި ދެކޮޅު "ޓީމް އެމްޑީޕީ" ކެންޑިޑޭޓުންނާއެކު ރައީސް ސޯލިހާއި ފައިސަލް އަދި އާޒިމް
22 Nov 2026 ހަބަރު

ބޮޑު ބަދަލާއި ދެކޮޅު "ޓީމް އެމްޑީޕީ" ކެންޑިޑޭޓުންނާއެކު ރައީސް ސޯލިހާއި ފައިސަލް އަދި އާޒިމް

މި އިންތިހާބަކީ އެމްޑީޕީގެ ކޮންޓްރޯލް ހޯދުމާއި ރިޔާސީ ޓިކެޓް ކަށަވަރު ކުރުމަށް ދެ ފެކްޝަނަށްވެސް ވަރަށް މުހިންމު އިންތިހާބެކެވެ.

ފެރިދޫގައި ފުޅާ ދާއިރާއެއްގައި މަސްތުވާތަކެތީގެ ވިޔަފާރިކުރާކަމުގެ ތުހުމަތުގައި ދެ މީހަކު ހައްޔަރުކޮށްފި
22 Nov 2026 ހަބަރު

ފެރިދޫގައި ފުޅާ ދާއިރާއެއްގައި މަސްތުވާތަކެތީގެ ވިޔަފާރިކުރާކަމުގެ ތުހުމަތުގައި ދެ މީހަކު ހައްޔަރުކޮށްފި

މި މައްސަލައާ ގުޅިގެން ހައްޔަރުކުރި ދެމީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ޢަލީ ޢާމިރު 30 ދުވަހަށް އަދި އާދަމް ނިމާލް 15 ދުވަހަށް ބަންދުކުރުމަށް އަމުރުކޮށްފައިވެއެވެ.

ޑްރަގް ކެފޭއެއް ހިންގާތީ ފުވައްމުލަކު މާދޫގެ ބައެއް ބަންދުކޮށްފި
22 Nov 2026 ހަބަރު

ޑްރަގް ކެފޭއެއް ހިންގާތީ ފުވައްމުލަކު މާދޫގެ ބައެއް ބަންދުކޮށްފި

ފުލުހުން ބުނީ އެ މައްސަލައާ ގުޅިގެން 90 ދުވަހަށް ބަންދުކުރުމަށް ކޯޓުން ވަނީ އަމުރުކޮށްފައި ކަމަށެވެ.

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.