ކުޑަކުޑަ ޕާޓީއެއްގެ މަދު މެމްބަރުން އެއްވެ ތިބެ ނަގާހާ ސްޓޭންޑެއްގެ ބުރަދަނެއް ނުހުންނާނެ: ވަހީދު
ކުޑަ ކުޑަ ޕާޓީއެއްގެ މަދު މެމްބަރުން ތިބެ ނަގާހާ ސްޓޭންޑަކީ ވޯޓުގެ އަދަދުން ބުރަދަނެއް ހުންނާނެ އެއްޗެއްނޫން ކަމަށް އުނގޫފާރު ދާައިރާގެ މެންބަރު މުހައްމަދު ވަހީދު ވިދާޅުވެއްޖެއެވެ.
ވަހީދު މިހެން ވިދާޅުވެފައިވަނީ އެމްޑީއޭ އަދި އަދާލަތު ޕާޓީއިން ކުރިއަށް އޮތް ރިޔާސީ އިންތިޚާބުގައި އެމްޑީޕީގެ ރިޔާސީ ކެނޑިޑޭޓް ރައީސް ޞާލިހު އަށް ތާއީދު ކުރަން ނިންމި ނިންމުމާއި ގުޅިގެން ކުރި ޓްވީޓެއްގައެވެ.
އެގޮތުން ވަހީދު ވިދާޅުވެފައިވަނީ މިއީ ރާއްޖޭގެ ސިޔާސީ ޕާޓީތަކުން ނަގާހާ ސްޓޭންޑަކަށް ވަރަށް ކަނުކޮށް ތިބެ ތަބާވުމުގެ އާދަ އާއްމުންގެ ކިބާގައި ވަރަށް ކުޑަވެފައިވާ ދުވަސްވަރެއްކަަމަށެވެ.
އެހެންކަމުން ވަރަށް ކުޑަ ކުޑަ ޕާޓީއެއްގެ ދޮޅަހަކަށް މީހުން ބަންދު ތާކުތިބެ ނަގާހާ ސްޓޭންޑަކީ ވޯޓުގެ އަދަދުން ބަލާނަމަ ބުރަދަނެއް ހުންނާނެ އެއްޗެއް ނޫންކަމަށެވެ.
އެމްޑީޕީގެ އެތެރެ ވަރަށް ބޮޑަށް ދެބައިވެ، ޕާޓީ ދެ ފެކްޝަނަކަށް ބެހިފައިވާއިރު، އެ ޕާޓީގެ ރިޔާސީ ޕްރައިމަރީ ނާކާމިޔާބުވި ކެންޑިޑޭޓު، ރައީސް ނަޝީދު މިހާރު ވަނީ ޕާޓީގެ ތެރެއިން "ފިކުރެއްގެ ދިރުން" ނަމުގައި އެހެން ގޮތްޕެއް އުފައްދަވައި، އެ ގޮތްޕައް މެންބަރުން ހޯދުމުގެ މަސައްކަތް ފަށްޓަވާފައެވެ.
އަދި، އެމަނިކުފާނާއި އެމަނިކުފާނުގެ ފިކުރެއްގެ ދިރުމަށް ތާއީދު ކުރާ މެންބަރުން، އަންނަ ރިޔާސީ އިންތިހާބުގައި ރައީސް ޞާލިހުގެ ފަހަތްޕުޅަށް ނަރުއްވާނެ ފަދަ މޭރުމަކުން ވާހަކަ ދައްކަވައި، އިންތިޚާބުގައި ތާއީދުކުރާ ކެންޑިޑޭޓެއް ކަނޑައަޅާނީ ފަހުން ކަމަށްވެސް އެމަނިކުފާނު ވަނީ ވިދާޅުވެފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
