ސަދަން ސްޕޯޓްސް ވޮލީބޯޅަ މުބާރާތުގެ 4ވަނަ މެޗު އައިވީވައި އަށް
އީދުގެ މުނާސަބަތުގައި އައްޑޫސިޓީގައި ކުރިއަށްދާ ސަދަން ސްޕޯޓްސް އަންހެން ވޮލީބޯޅަ މުބާރާތުގެ ހަތަރުވަނަ މެޗު ޓީމް އައިވީވައި އިން ކާމިޔާބުކޮށްފިއެވެ.
ފޭދޫ ވޮލީ ކޯޓުގައި ރޭ ކުޅުނު މިމެޗު ޓީމް އައިވީވައި އިން ކާމިޔާބު ކުރީ 1-3 ސެޓުންނެވެ. ޓީމް އައިވީވައި އިން މި މެޗު ކާމިޔާބު ކުރީ މީދޫ ވޮލީ ޓީމާއި ކުޅެގެންނެވެ. މި ނަތީޖާ އާއި އެކު އެ ޓީމް އައިވީވައިގެ ޕޮއިންޓް ވަނީ 6 އަކަށް އިތުރުވެފައެވެ.
ރޭގެ މެޗުގެ އެންމެ މޮޅު ކުޅުންތެރިއަކަށް ހޮވިފައިވަނީ ޓީމް އައިވީވައިގެ ޖާރޒީ ނަންބަރ 9، އައިޝަތު ޝީފްނާ އެވެ.
މިރޭ ކުޅޭ މި މުބާރާތުގެ 5 ވަނަ މެޗުގައި ބައްދަލުކުރާނީ ޓީމް ޕުޝްޕާއާއި ޓީމް އައިވީ އެވެ. މެޗު ކުޅުމަށް ހަމަޖެހިފައިވަނީ މިރޭ 08:30ގައި ފޭދޫ ވޮލީ ކޯޓުގަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
