ބުރުގާ ނާޅާތީ އިރާންގެ ދެ އެކްޓަރުން ހައްޔަރުކޮށްފި

ބުރުގާ ނާޅާ މައްސަލައިގައި އިރާންގެ ފިލްމު ކުޅޭ އަންހެން ދެ އެކްޓަރުން ހައްޔަރު ކޮށްފިއެވެ.

ބުރުގާ ނާޅާ އާންމުކޮށް މަގުމައްޗަށް ނުކުމެގެން އުޅޭނަމަ ފިޔަވަޅު އަޅާނެ ކަމަށް ކުރިންވެސް އިރާންގެ އޮތޯރިޓީ ތަކުން ވަނީ އަންގައިފައެވެ.

އިރާްންގެ ދައުލަތުގެ މީޑިއާއިން ބުނެފައިވަނީ އެދެމީހުން ޖުޑިޝަރީ އަށް ހާޒިރު ކުރެވުނީ ބުރުގާ ނާޅައި މަގުމަތީގައި އާންމުކޮށް އުޅުމާއި އެ މަންޒަރު ފެންނާނެ ހެން ފޮޓޯ ނަގައި ޢާންމުކުރުމާއި ގުޅިގެން ކަމަށެވެ.

މި މައްސަލައާއި ގުޅިގެން މި ދެމީހުންނަށް ބޮޑު ޖޫރިމަނާ އެއް ނުވަތަ ޖަލު ހުކުމެއް އަތުވެދާނެ ކަމަށް އަލްޖަޒީރާގައި ބުނެފައިވެއެވެ.

އިރާންގެ އަންހެނުން ނަށް އާންމުކޮށް އުޅޭ އިރު ބުރުގާ އެޅުމަށާއި ބުރުގާ ނާޅައި އުޅޭނަމަ ފިޔަވަޅު އެޅުމަށް ނިންމި ނިންމުމާއި ގުޅިގެން ދިގު ދެމިގެންދިޔަ މުޒާހަރާ ތަކެއް ވަނީ އެޤައުމުގެ މަގުތައް މަތީގައި ވަނީ ކޮށްފައެވެ.

އިރާންގައި ކުރެވުނު މި މުޒާހަރާތައް ފެށިގެން ދިޔައީ އެޤައުމުގެ 22 އަހަރުގެ އަންހެނަކު އެޤައުމުގެ ބުރުގާ އެޅުމުގެ ޤާނޫނާއި ޚިލާފުވި ކަމަށް ބުނެ އޭނާ ހައްޔަރުކޮށް، ފުލުހުންގެ ހައްޔަރުގައި އޭނާ މަރުވުމާއި ގުޅިގެނެވެ.

އެ ކަމާއި ގުޅިގެން ފެށުނު މުޒާހަރާ ތަކުގައި އިރާން ގެ އެތައް އަންހެނުންނެއް ވަނީ މުޒާހަރާ ތަކުގައި މަގުތައް މަތީގައި އެމީހުންގެ ބުރުގާ ނަގައި އަންދާލައިފައިވެއެވެ.