ސިފައިންގެ މުސާރައަށް ހެޔޮ ބަދަލެއް ގެންނަނީ
ދިވެހި ސިފައިންގެ މުސާރައަށް ހެޔޮ ބަދަލެއް ގެނައުމުގެ މަސައްކަތް ކުރަމުން ދާކަމަށް ޑިފެންސް މިނިސްޓްރު މާރިޔާ ދީދީ ވިދާޅުވެއްޖެއެވެ.
މާރިޔާ މިހެން ވިދާޅުވީ، ސިފައިންގެ އެޖްޓެންޓް ޖެނެރަލް ކޯގެ ތިންވަނަ ތިންވަނަ އަހަރީ ދުވަސް ފާހަގަ ކުރަން ބޭއްވި ޖަލްސާގައި ވާހަކަ ދައްކަވަމުންނެވެ.
މާރިޔާ ވިދާޅުވީ ސިފައިންގެ މަސްލަހަތު ހުރި ކަންކަމުގައި ކުރިއެރުން ގެނެސްދިނުމަށް ރައީސް އިބްރާހިމް މުހައްމަދު ޞާލިހު މަސައްކަތް ކުރައްވަމުން ގެންދަވާ ކަމަަށެވެ.
އޭގެ ތެރޭގައި ހައުސިންގް އެލަވަންސް ދޭ އުސޫލާއި ސިއްހީ ބޮޑެތި މައްސަލަތައް ކުރިމަތިވުމުން ސިފައިންނަށް ޗުއްޓީ ލިބޭ އުސޫލު އިސްލާހު ކުރެވިފައި ވާކަމަށް މާރިޔާ ވިދާޅުވިއެވެ.
މީގެ އިތުރުން، ސިފައިންގެ ފްލެޓްތައް "ސިފްކޯ ހިޔާ" ގެ ކުއްޔަށް ހެޔޮ ބަދަލެއް ގެނައުމަށް ރައީސް މަސައްކަތް ކުރައްވަމުން ގެންދަވާ ކަމަށްވެސް މާރިޔާ ވިދާޅުވިއެވެ.
"އިރާދަކުރެއްވިއްޔާ ވަރަށް އަވަހަށް މިބަދަލު އަހިސް އެކަމުގެ ފައިދާ ސިފައިންނަށް ލިބިގެން ދާނެ. އެމަސައްކަތް ހަލުއިކަމާއެކު ކުރިއަށް އެބަދޭ" މާރިޔާ ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
