ޖާބިރު އަޅުގަނޑުމެންނާއި ގުޅުވަޑައިގެންނެވީ ވަރަށް ރަނގަޅު ވަގުތެއްގައި: ރައީސް ޞާލިޙް

ޖާބިރު އެމްޑީޕީ އާއި ގުޅުވަޑައިގަތް މިވަގުތަކީ ވަރަށް ރަނގަޅު ވަގުތެއް ކަމަށް ރައީސް އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.

ރައީސް ޞާލިޙް މިހެން ވިދާޅުވީ ކާށިދޫ ދާއިރާގެ މެމްބަރު ޢަބްދުﷲ ޖާބިރު އެމްޑީޕީ އަށް ސޮއި ކުރުމަށް ބޭއްވުނު ރަސްމިއްޔާތުގައި ބައިވެރިވެވަޑައިގެން އެ ރަސްމިއްޔާތު ނިންމަވައި މީޑީއާ ތަކާއި އެމަނިކުފާނު ދެއްކެވި ވާހަކަފުޅުގައެވެ.

""ޚާއްސަކޮށް މިއަދުގެ ޒުވާނުން ދެކޭ ގޮތުގައި، ޖާބިރަކީ އެމީހުންގެ ލީޑަރ އެއް، މިއީ ވަރަށް ރަނގަޅު ވަގުތެއް ޖާބިރު އަޅުގަނޑުމެންނާއި ގުޅުވަޑައިގަތް" ރައީސް ޞާލިޙްގެ ވާހަކަ ފުޅުގައި ވިދާޅުވިއެވެ.

މީގެ އިތުރުން ރައީސް ޞާލިޙް ވިދާޅުވީ މިއީ އެމްޑީޕީ އަށާއި އެމަނިކުފާނަށް ލިބުނު ވަރަށް ބޮޑު އެހީތެރިކަމެއް ކަމަށާއި އަދި ކުރިއެރުމެއް ކަމަށް ރައީސް ވިދާޅުވިއެވެ.

އަދި ކުރިއަށް މިއޮތް ރިޔާސީ އިންތިޚާބު ކާމިޔާބު ކުރުމުގައި ޖާބިރުގެ ދައުރު ހިއްސާ އެމަނިކުފާނަށް ކުރިއަށް އޮތް ތަނުގައި ވަރަށްބޮޑަށް ލިބިގެންދާނެ ކަމާއިމެދަކު ޝައްކެއް ނުކުރައްވާ ކަމަށާއި، އަދި އެއީ އިންތިޚާބު ކާމިޔާބު ކުރުމަށްލިބޭ ވަރަށް ބޮޑު އެހީތެރިކަމަކަށް ވެގެންދާނެ ކަމަށް އެމަނިކުފާނު ވިދާޅުވިއެވެ.

2018 ވަނަ އަހަރު އަޅުގަނޑުމެން ވެރިކަމަށް އައިރުގަވެސް އަބްދުﷲ ޖާބިރަކީ ހުރިހާ ގޮތަކުން ވަރަށް ބޮޑަށް އެހީތެރިކަން ދެއްވި ބޭފުޅެއް، އަދި ރައްޔިތުންގެ މަޖިލީހުގައި އަޅުގަނޑު ހޭދަ ކުރި ދުވަސްވަރު އަޅުގަނޑުމެން ދެމީހުންއެކީގައި ވަރަށް ގިނަ މަސައްކަތް ތަކެއް ކުރެވިފައިވާނެ. އޭގެ ތަޖުރިބާގައި އަޅުގަނޑަށް ކެރޭ މިއަދުވެސް ދަންނަވަން ޖާބިރުގެ އެފޯރީގައި އެޖޯޝާއި އެކީގައި ނުކުމެވަޑައިގަތީމަ ވަރަށް ބޮޑު ކާމިޔާބެއް ވަރަށް ގިނަ ބައެއްގެ ލިބިގެންދާނެ އަޅުގަނޑުމެންނަށް" ރައީސް ޞާލިޙް ވިދާޅުވިއެވެ.

ކާށިދޫ ދާއިރާގެ މެމްބަރު ޢަބްދުﷲ ޖާބިރު އެމްޑީޕީއަށް ސޮއިކުރެއްވީ މިއަދުއެވެ. ކުރިންވެސް ޖާބިރު އެމްޑީޕީގެ މެމްބަރެއްގެ ގޮތުގައި ހުންނެވިއެވެ. އެމްޑީޕީ އިން ވަކިވެވަޑައިގެން ޑީއާރްޕީ ހިންގެވުމަށް ވެސް ހުންނެވިއެވެ. ޑީއާރްޕީ ވަނީ މިހާރު އުވާލެވިފައެވެ.