ޤާސިމް އިބްރާހިމް ރައީސް ޞާލިހުގެ އަރިހުގައި/ ފޮޓޯ: އިންޓަނެޓް
ޤާސިމް އިބްރާހިމް ރައީސް ޞާލިހުގެ އަރިހުގައި/ ފޮޓޯ: އިންޓަނެޓް
ހަބަރު 25 Aug 2023 | 06:08

ސިޔާމު ހުރީ އަޅުގަނޑާއެކު، ވޯޓުދޭނީ ވެސް އަޅުގަނޑަށޭ ބުނި: ޤާސިމް

ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހަށް ވެރިކަމުގެ ދެވަނަ ދައުރެއް ހޯއްދަވާދެއްވުމަށް ކޯލިޝަން ހައްދަވައިގެން ހުންނެވި ނަމަވެސް އެމްޑީއޭގެ ރައީސް އަހުމަދު ސިޔާމަކީ ގާތް ރަހުމަތްތެރިއެއް ކަމަށާއި، ރިޔާސީ އިންތިޚާބުގައި ސިޔާމު ވޯޓުދެއްވާނީ ޖުމްހޫރީ ޕާޓީގެ ލީޑަރު އަދި އެ ޕާޓީގެ ރިޔާސީ ކެންޑިޑޭޓު ޤާސިމް އިބްރާހިމަށްކަމަށް އެމަނިކުފާނު ވިދާޅުވެއްޖެ އެވެ.

ޤާސިމް މިފަދައިން ވިދާޅުވެފައިވަނީ ނ އަތޮޅަށް ކުރައްވާ ރިޔާސީ ކެމްޕޭނު ދަތުރުފުޅުގައި ނ މިލަދޫއަށް ވަޑައިގެން ރައްޔިތުންނާއި މުޚާތަބުކުރައްވާ ވާހަކަދައްކަވަމުން ނެވެ.

ޤާސިމް ވިދާޅުވީ މިއަދު އެމްޑީޕީއާއި ކޯލިޝަން ހައްދަވައިގެން ހުންނެވި ސިޔާމަކީ އޭނާގެ ވަރަށް ގާތް ރަހުމަތްތެރިއެއް ކަމަށެވެ. އޭނާ މި އިންތިޚާބުގައި ރައީސް ޞާލިހާއެކު ކޯލިޝަން ހައްދަވަން ނިންމެވީ ކޯޓުގައި މައްސަލަތަކެއް އޮތުމުންކަމުގައި ދަންނަވާހިތް ނެތްކަމަށް ޤާސިމް ވިދާޅުވި އެވެ. އަދި ވިދާޅުވީ ސިޔާމަކީ ވަރަށް ވިސްނުން ތޫނު ބޭފުޅެއް ކަމަށާއި، އޭނާ އަބަދުވެސް މަސައްކަތްޕުޅު ކުރައްވާނީ އެއިރެއްގައި ވެރިކަމުގައި ހުންނަވާ ބޭފުޅަކާއި ގުޅިވަޑައިގެން، އޭނާގެ ވިޔަފާރިތަކަށް ނިކަމެތިކަމެއް ނުލިބޭނެ ގޮތަށް ވިސްނަވައިގެން ކަމަށެވެ.

ސިޔާމު ސަރުކާރާއި ދެކޮޅުވާން ބޭނުން ނުވާ ކަމަށާއި، އަދަބުވެސް ސަރުކާރު ފަޅީގައި ހުންނަވައިގެން އޭނާގެ އަމިއްލަ މަސްލަހަތު ކުރިއަރުވަން މަސައްކަތްކުރައްވާކަމަށް ޤާސިމް ވިދާޅުވި އެވެ.

އެގޮތުން މިއަދު ވެރިކަން ކުރާ މައި ޕާޓީއަކީ އެމްޑީޕީކަމަށް ވުމުން، ރައީސް ޞާލިހުގެ ފަހަތްޕުޅުގައި ހުންނެވި ނަމަވެސް ހާލަތު ބަދަލުވާ ގޮތަކުން ސިޔާމުގެ ތާއީދު ރައީސް ޞާލިހަށް ގެއްލުމަކީ ގާތުގައިވާ ކަމެއްކަމަށް ޤާސިމް ވިދާޅުވި އެވެ.

އޭގެ އިތުރުން ޤާސިމް ވިދާޅުވީ ސިޔާމު ރައީސް ޞާލިހުގެ އަރިހުގައި ހުންނެވި ނަމަވެސް، އޭނާގެ ހަގީގީ ތާއީދު އޮތީ ޤާސިމަށް ކަމަށެވެ. އަދި ޤާސިމް ނޫން ބޭފުޅަކަށް ސިޔާމު ވޯޓު ވެސް ނުދެއްވާނެކަމުގެ ޔަގީންކަން އޮތްކަމަށް ޤާސިމް ވިދާޅުވި އެވެ.

ރައީސް ޞާލިހު ސިޔާމާއި ސަލާންކުރައްވަނީ

"އެބޭފުޅުން އެތާ ތިއްބެވީ، ނަމުގައި އިބްރާހިމް މުހައްމަދު ޞާލިހުގެ ކައިރީގައި މަލަމަތި ދައްކައިގެން. އަޅުގަނޑު ކައިރީގައި ވިދާޅުވެފައި އޮތީ ތިމަންނާމެން މިތާ ތިއްބަސް ނުބަލާށޭ، ވޯޓު ލާނީ ޤާސިމަށޭ"

ޖޭޕީގެ ރިޔާސީ ކެންޑިޑޭޓު ޤާސިމް އިބްރާހިމް

ޤާސިމް ވިދާޅުވީ ސިޔާމާއި އޭނާއަށް ތާއީދުކުރައްވާ އެންމެންގެ ވޯޓު ރައީސް ޞާލިހަށް ލިބިވަޑައިގަންނަވާނެކަމަށް ރައީސް ޞާލިހު ހީފުޅުކުރައްވާ ނަމަ އެއީ ވަރަށް ބޮޑު ކުށް ހީ އެއް ކަމަށެވެ. ސިޔާމު ގެންދަވަނީ އޭނާގެ ތާއީދު އެންމެ ބޮޑު އަތޮޅުކަމަށްވާ ދ އަތޮޅުގެ ރައްޔިތުންގެ ގާތުގައި ޤާސިމަށް ވޯޓުދެއްވުމަށް އިރުޝާދުދެއްވަމުން ކަމަށް ޤާސިމް ވިދާޅުވި އެވެ.

ސިޔާމާއި ޤާސިމާއި ދެބޭފުޅުންގެ ހަމައެކަނި ތަފާތަކީ ސިޔާސީ މަސައްކަތްޕުޅު ކުރުމުގައި ގެންގުޅުއްވާ އުކުޅުތަކުގެ ތަފާތުކަމަށް ޤާސިމް ވިދާޅުވި އެވެ.

އެގޮތުން ސިޔާމު މަސައްކަތްޕުޅު ކުރައްވަނީ އެއިރެއްގައި އޮންނަ ސަރުކާރެއް ރުއްސައިގެން އޭނާގެ ވިޔަފާރިތަކަށް ގެއްލުންވިޔަ ނުދީ ސިޔާސީ މަސައްކަތް ކުރުމަށް ކަމަށާއި، އެހެން ނަމަވެސް ޤާސިމް މަސައްކަތްޕުޅު ކުރައްވަނީ ރައްޔިތުންގެ ފަޅީގައި ހުންނަވައިގެން، ވިޔަފާރިތަކަށް ގެއްލުން ލިބުނަސް ހެޔޮކަމަށް ރައްޔިތުންގެ ހައްގުގައިކަމަށް ޤާސިމް ވިދާޅުވި އެވެ.

އެކަން ސިޔާމަށް ވެސް އެނގިވަޑައިގަންނަވާ ކަމަށާއި، ސިޔާމު ވެސް ހަގީގަތުގައި ހުންނެވީ ޤާސިމާއި އެކުގައި ކަމަށް އޭނާ ވަނީ ވިދާޅުވެފަ އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

އަދާލަތާއި އެމްޑީއޭއިން އެތައްހާސް މެންބަރުން ވަކިވެއްޖެ، މެންބަރުންގެ އަދަދު 5،000އަށް
18 Nov 2026 ހަބަރު

އަދާލަތާއި އެމްޑީއޭއިން އެތައްހާސް މެންބަރުން ވަކިވެއްޖެ، މެންބަރުންގެ އަދަދު 5،000އަށް

އިލެކްޝަން ކޮމިޝަންގެ ދަފްތަރުގައިވާ ގޮތުން އަދާލަތު ޕާޓީގައި މިހާރު ތިބީ 5،608 މެންބަރުންނެވެ. އެމްޑީއޭ ގައި ތިބީ 5،848 މެންބަރުންނެވެ.