ރިޕޯޓް 25 Sep 2022 | 11:16

ޕާކިސްތާން: އެހީތެރިކަމަށް ނިހާއަތައް ބޭނުންވެފައި!

ވެހެމުންދިޔަ ވާރޭ ދެމިގެންދިޔައީ ހީކޮށްގެން ތިބިގޮތަކަށް ނޫނެވެ. ހުއްޓުމެއްނެތި އެތައް ދުވަހަކަށް ދެމިގެންދިޔަ ބޯވިއްސާރައިގައި ކޯރުތައް ބަންޑުންވެ ރަށްތަކުގައި ފެންބޮޑުވެގެންދިޔައެވެ.

ބިންގަނޑު ކަނޑައިގެންގޮސް ބުރިޖްތައް ހަލާކުވެ މީސްތަކުން އެތަން މިތަނުގައި ތާށިވިއެވެ. ގެތައް ބޯމައްޗަށް ވެއްޓި ދަނޑުތައް ހަލާކުވެ ކައިބޮއި ހެދުމަށާއިި ސަވާރީވުމަށް އަދި ވިޔަފާރީއަށް ގެންގުޅުނު ނައަމްސޫފިތައް ފެނުގެ ސައިލުތަކުގައި ގެއްލި މަރުވެގެންދިޔައެވެ. ޤުދުރަތީ އިލާހީ އިމްތިހާނުގެ ކުރިމަތީގައި ނިކަމެތި އިންސާނުންގެ ގޮތް ހުސްވެގެންދިޔައެވެ.

ޕާކިސްތާނަކީ ގާތްގަނޑަކަށް 242 މިލިއަން މުސްލިމުންގެ އާބާދީއެއް އޮންނަ އަޅުގަނޑުމެންގެ އަވައްޓެރި ޒަމާންވީ އެކުވެރި ޤައުމެކެވެ.

2022 ވަނަ އަހަރުގެ ޖޫން މަހުން ފެށިގެން ޕާކިސްތާނަށް ކުރަމުން ދިޔަ ގަދަ ވިއްސާރައިގެ ސަބަބުން ފެންބޮޑުވެ ފޫނުބެއްދޭފަދަ ބޮޑެތި ގެއްލުންތަކެއް ޕާކިސްތާނަށް މިވަނީ ކުރިމަތިވެފައިވެއެވެ.

ކަމާބެހޭ އިދާރާތަކުން ފާހަގަކުރާ ގޮތުގައި ވޭތުވެދިޔަ 12 އަހަރުގެ ތެރޭގައި ޕާކިސްތާނަށް ކުރިމަތިވި އެންމެ ބޮޑު އެއް ކާރިޘާ އަކީ މިއީއެވެ. ޕާކިސްތާނަށް ކުރަމުންދިޔަ ވިއްސާރައިގައި ޕާކިސްތާނުގެ ބައެއް ވިލެޖްތައް އެއްކޮށް ފެނުގެ އަޑިއަށް ގޮސްފައިވާއިރު 50000 ގާތްކުރާ އަދަދެއްގެ މީހުންގެ ގެދޮރު އެއްކޮށް ގެއްލި ވަންނާނެތަނެއް ނެތި ބިކަވެފައިވެއެވެ.

ހާލުގައި ޖެހިފައިވާ ޕާކިސްތާނުގެ ރައްޔިތުން--ފޮޓޯ: ފައިލް

އެ ޤައުމަށް ކުރަމުން ދިޔަ ގަދަ ވިއްސާރައިގައި ބިންގަނޑު ކަނޑައިގެން ގޮސް މުޅި ޤައުމަށް ނުރައްކަލާ ކުރިމަތިލާން މިވަނީ ޖެހިފައެވެ.

މި ވިއްސާރައިގެ ސަބަބުން މިހާރުވެސް އިޤްތިސާދީ ވަޅުގަނޑެއްގައި އޮތް ޕާކިސްތާނަށް އުމްރާނީ ގޮތުން ބޮޑެތި ގެއްލުންތަކެއް ވަނީ ލިބިފައެވެ. އެގޮތުން ދަތުރުފަތުރު ކުރުމަށް ބޭނުންކުރާ 150 ބުރިޖް ހަލާކުވެފައިވާއިރު، މީހުން ދިރިއުޅޭ 581207 ގެއަށް ވަނީ އެކިވަރުގެ ތަފާތު ގެއްލުންތައް ލިބިފައެވެ.  ހަމައެހެންމެ، ގިނަ އަދަދެއްގެ ދަނޑުބިންތަށްވެސް ވަނީ ބޭނުން ނުކުރެވޭ ވަރަށް ގެއްލުން ލިބި އެއްކޮށް ހަލާކުވެފައެވެ.

ޖުމުލަ 3000000 މީހުނަށް މި ހާދިސާގައި ސީދާ އަދި ނުސީދާ އަސަރުކުރިއިރު 1000+ މީހުން މަރުވެފައިވެއެވެ. މީގެ ތެރޭގައި 342 ކުޑަކުދިން ހިމެނެއެވެ. ހަމައެހެންމެ އާމްދަނީ ހޯދުމަށް ބޭނުންކުރި ޖަނަވާރުތަކާއި ގެރިބަކަރިތައް ވަނީ މަރުވެ، ވީނުވީއެއް ނޭންގި ގެއްލިފައިވެއެވެ.

މިއަދު ޕާކިސްތާނުގެ މަގުތަކާއި ބިންގަނޑު ހަލާކުވެފައިވާއިރު އެ ރައްޔިތުންނަށް ދަތުރުކޮށް ރައްކާތެރި ހިސާބުތަކަށް ދެވޭނެ ގޮތްވަނީ ނެތިފައެވެ. މިވަގުތުވެސް ގާތްގަނޑަކަށް 5 ލައްކައެއްހާ މީހުން ތިބީ ވަގުތީ ކޭމްޕް ތަކުގައި ދާއިމީ މަންޒިލަކަށް ދެވޭނެ ކަމުގެ އުންމީދުގައިވެއެވެ. ލިބުނު ގެއްލުމުގެ ތަފާސްހިސާބު ދުވަހެއް ދުވަހަކަށްވުރެ ދަނީ އިތުރުވަމުންނެވެ. ލިބުނު ގެއްލުންތަކުގެ ވާހަކައަކަށް ނިމުމެއްނެތެވެ.

ހާލުގައި ޖެހިފައިވާ ޕާކިސްތާނުގެ ރައްޔިތުން--ފޮޓޯ: ފައިލް

ޕާކިސްތާނުގައި ތިބި އަޅުގަނޑުމެންގެ އަހުންނާއި  އުހުތުން މިއަދު ވަނީ ބޯހިޔާވަހިކަމެއް، ކާނެބޯނެ އެއްޗެއް ނެތި މަގުމަތުވެފައެވެ.

މުވާސަލާތީ ވަސީލަތްތަކަށް ގެއްލުން ލިބި ހިދުމަތްތައް ވަނީ މެދުކެނޑިފައެވެ. ގާތްތިމާގެ މީހުން މަރުވެ ހިތާމަޔާއި ހިތްދަތިކަމުން ހިތްތައްވަނީ މޮޅިވެފައެވެ. އެހީއަށް އެދި ދާނެ ދިމާލެއް ކުރާނެ ކަމެއް ނެތި އަޅުގަނޑުމެންގެ އަހުންނާއި އުހުތުން މިވަނީ ހާލުގައި ޖެހިފައެވެ.

އާދެ އަޅުގަނޑުމެން ދިވެހިންނަކީ ކުޑަ ޤައުމެއް ނަމަވެސް އެހީތެރި ވުމުގައި ދުނިޔޭގެ މޫނުމަތީގައި ބޮޑު ރޯލެއް އަދާ ކުރާ ޤައުމެކެވެ.

ޤައުމަަކަށް ނަސްލަކަށް ބެލުމެއް ނެތި އެންމެ ބޭނުންޖެހޭ ހިނދެއްގައި އެ ބޭނުންޖެހޭ ދިމާލަކަށް އެހީތެރިކަން ފޯރުކޮށްދޭ ދީލަތި ބައެކެވެ. މި ކުއްލި ހާލަތުގައި މިއަދު ޕާކިސްތާނުގެ ރައްޔިތުންނަށް އެންމެ ބޮޑަށް ބޭނުންވެފައިވާ އެންމެ ޒާރޫރީ އެއް ބޭނުމަކީ ކާބޯތަކެއްޗެވެ.

މިއަދު ކާބޯތަކެތީގެ އެންމެ ޕާރުސަލެއް ފޯރުކޮށްދީގެންވެސް އަޅުގަނޑުމެންގެ އަހުންނާއި އުހުތުންނަށް އެހީތެރި ކަމުގެ އަތެއް ފޯރުކޮށްދެވިދާނެއެވެ.

އެގޮތުން މިހާަރުވެސް އިންޓާރނޭޝަނަލް އެއިޑް ކެމްޕޭނުން ކުރިއަށްގެންދާ ހޮޓް މީލް ޕެކް ހަދިޔާ ކުރުމުގައި އެހީތެރިވުމަކީ ކުޑަ އަދަދަކުން ހޭދަކޮށްލައިގެން އަޅުގަނޑުމެންނަށް ކުރެވިދާނެ ކަމެކެވެ.

ޕާކިސްތާނަށް އެއްލައްކަ ހޮޓްމީލް ޕެކް ހަދިޔާ ކުރުމުގައި ބައިވެރިވަމާތޯއެވެ.

BML Islamic

Account Number: 7770000062741

Account Name: International Aid Campaign

Account Label: IAC | EMERGENCY

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އެމްއެންޔޫ އާއި ޕާކިސްތާން ހައިކޮމިޝަން ގުޅިގެން ހާއްސަ ބަހުސް މުބާރާތެއް ބާއްވައިފި
19 Nov 2026 ހަބަރު

އެމްއެންޔޫ އާއި ޕާކިސްތާން ހައިކޮމިޝަން ގުޅިގެން ހާއްސަ ބަހުސް މުބާރާތެއް ބާއްވައިފި

މިމަހުގެ 18 ވަނަ ދުވަހު ބޭއްވި މި ރަސްމިއްޔާތުގައި ޔުނިވަރސިޓީގެ ދަރިވަރުންނާއި، އިލްމީ ދާއިރާގެ ބޭފުޅުންނާއި، ޑިޕްލޮމެޓުންގެ އިތުރުން ރާއްޖޭގައި ދިރިއުޅޭ ޕާކިސްތާނުގެ ރައްޔިތުންނާއި ދައުވަތު އެރުވުނު ގިނަ އަދަދެއްގެ މެހެމާނުން ބައިވެރިވިއެވެ.

އިމްރާން ޚާންގެ ޞިއްޙީ ހާލަތު ގޯސްވެ، އަވަސް ފަރުވާއަށް އެދިވަޑައިގެންފި: ފުރާނައަށް ނުރައްކާ ވެދާނެ ކަމުގެ ބިރު
17 Nov 2026 ދުނިޔެ

އިމްރާން ޚާންގެ ޞިއްޙީ ހާލަތު ގޯސްވެ، އަވަސް ފަރުވާއަށް އެދިވަޑައިގެންފި: ފުރާނައަށް ނުރައްކާ ވެދާނެ ކަމުގެ ބިރު

ޖަލުގައި ބަންދުކޮށްފައި ހުންނެވި ޕާކިސްތާނުގެ ކުރީގެ ބޮޑުވަޒީރު އިމްރާން ޚާން، އެމަނިކުފާނާއި އަނބިކަނބަލުން ބުޝްރާ ބީބީގެ ޞިއްޙީ ހާލަތު ދުވަހެއް ދުވަހަކަށް ގޯސްވަމުންދާތީ، އަވަސް ޞިއްޙީ ފަރުވާ ހޯދުމުގެ ހުއްދައަށް އެދިވަޑައިގެންފިއެވެ.

ޕާކިސްތާނު އަތުން ބަލިވެ، ސާފް ހޯދުމަށް ބަންގްލަދޭޝްއިން ކުރަމުން އައި އުއްމީދު ގެއްލިއްޖެ
15 Nov 2026 ކުޅިވަރު

ޕާކިސްތާނު އަތުން ބަލިވެ، ސާފް ހޯދުމަށް ބަންގްލަދޭޝްއިން ކުރަމުން އައި އުއްމީދު ގެއްލިއްޖެ

މި ނަތީޖާއާއެކު، ޕާކިސްތާނު ވަނީ އެ ޤައުމުގެ ތާރީޚުގައި ފުރަތަމަ ފަހަރަށް ސާފް ޗެމްޕިއަންޝިޕްގެ ފައިނަލުން ޖާގަ ހޯދާފައެވެ.

ހޮރުމުޒް ކަނޑުއޮޅީގެ ހަމަލާތައް: ޕާކިސްތާނާއި އީރާނުގެ އެއްބަސްވުމަށް އިތުބާރެއް ނެތް
14 Nov 2026 ދުނިޔެ

ހޮރުމުޒް ކަނޑުއޮޅީގެ ހަމަލާތައް: ޕާކިސްތާނާއި އީރާނުގެ އެއްބަސްވުމަށް އިތުބާރެއް ނެތް

ނާޒުކު ދަނޑިވަޅުގައި، ޕާކިސްތާނާއި އީރާނާ ދެމެދު ވެފައިވާ ޑިޕްލޮމެޓިކް އަދި ކަނޑުދަތުރުފަތުރުގެ ރައްކާތެރިކަމުގެ އެއްބަސްވުންތަކުގެ ހަގީގީ ބޭނުމާއި، އޭގެ ދެމެހެއްޓެނިވިކަމާ މެދު މިހާރު މިވަނީ ބޮޑެތި ސުވާލުތަކެއް އުފެދިފައެވެ.

ޫއޭއައި އާ ޒަމާނީ ޓެކްނޮލޮޖީގެ ދާއިރާއިން ޕާކިސްތާނާއި ޗައިނާގެ ގުޅުން ވަރުގަދަކުރަނީ
12 Nov 2026 ދުނިޔެ

ޫއޭއައި އާ ޒަމާނީ ޓެކްނޮލޮޖީގެ ދާއިރާއިން ޕާކިސްތާނާއި ޗައިނާގެ ގުޅުން ވަރުގަދަކުރަނީ

އާންމު އުމްރާނީ ތަރައްގީއާއި ހަކަތައިގެ މަޝްރޫއުތަކުގެ އިތުރުން، "ޗައިނާ-ޕާކިސްތާން އިކޮނޮމިކް ކޮރިޑޯ" ސީޕެކް 2.0 ގެ ދެވަނަ ފިޔަވަހީގެ މައިގަނޑު އަސާސެއްގެ ގޮތުގައި މިހާރު ވަނީ ޑިޖިޓަލް ޓެކްނޮލޮޖީއާއި އައު އީޖާދުތައް ހިމަނާފައެވެ.

ދިވެހިރާއްޖެ އާއި ޕާކިސްތާން ބައްދަލުކުރިމެޗް ޕާކިސްތާނަށް
08 Nov 2026 ކުޅިވަރު

ދިވެހިރާއްޖެ އާއި ޕާކިސްތާން ބައްދަލުކުރިމެޗް ޕާކިސްތާނަށް

މިމެޗް ޕާކިސްތާން ކާމިޔާބުކުރީ 3-0 ގެ ނަތީޖާއިންނެވެ. ޕާކިސްތާނުން މޮޅަށް ކުޅުނު މިމެޗްގައި ފެނިގެންދިޔަ ހުރިހާ ގޯލެއްވެސް ޖަހާފައިވަނީ ފުރަތަމަ ހާފްގެ ތެރޭގައެވެ.