އަތުހަރުގެ ހަށިގަނޑު ރާއްޖެ ގެނެސް ކަށުނަމާދު މިރޭ
މާލޭގައި އަންހެނަކު ރަހީނުކުރި މައްސަލައާއި ގުޅިގެން ފުލުހުންގެ ބަންދުގައި ހުއްޓާ ދަންޖއހިގެން ހާލު ސީރިއަސްވެ، ހޮސްޕިޓަލުގައި ފަރުވާ ދެމުން ދަނިކޮށް މަރުވި އާދަމް އަތުހަރުގެ ޕޯސްޓުމޯޓަމް ހެދުމަށް ފަހު ހަށިގަނޑު ރާއްޖެ ގެނެސް މިރޭ ވަޅުލަން ނިންމައިފިއެވެ.
އަތުހަރު ހައްޔަރުކުރީ މިދިޔަ މަހުގެ 29 ވަނަ ދުވަހުގެ ރޭ ހިނގި ހާދިސާގައި އަންހެން މީހާ ސަލާމަތްކުރުމަށް އުުޅުމުގެ ތެރޭގައި ފުލުހުން އޭނާގެ ބޮލުގައި ޖެހުމުން ލިބުނު އަނިޔާތަކަށް އޭޑީކޭގައި ފަރުވާ ދިނުމަށް ފަހު، ހުކުރު ދުވަހުގަ އެވެ.
ހޮޑުލާތީ އާދި ފިޓު ޖެހިގެން ހުކުރު ދުވަހު ވެސް އޭނާ ހޮސްޕިޓަލަށް ގެންދިޔަ އެވެ. އަދި އޮގަސްޓު މަހުގެ 31 ވަނަ ދުވަހުގެ ވަގުތެއްގައި ހޮސްޕިޓަލުން އޭނާ ދޫކޮށްލުމުން، އަނެއްކާ ވެސް ފުލުހުންގެ ހައްޔަރަށް ގެންދިޔަ އެވެ.
ކޯޓުން ވަނީ ޝަރީއަތް ނިމެންދެން ބަންދުގައި އޭނާ ބަހައްޓަން އަމުރުކޮށްފައިވަނިކޮށް އަމިއްލައަށް މަރުވާން މަސައްކަތްކުރީ ފުލުހުންގެ ބެލުމުގެ ދަށުގައި، ދޫނިދޫގެ ގޮޅީއެއްގައި ބަންދުކޮށްފައި ހުއްޓަ އެވެ.
އަތުހަރުގެ ޕޯސްޓްމޯޓަމް ހަަދަން އާއިލާ އިން ދެކޮޅު ހެދި އެވެ. އެ މީހުން އެދުނީ އަވަހަށް ވަޅުލައިދޭށެވެ. ނަމަވެސް މިވަގުތު އުސޫލު އޮތް ގޮތުން މިފަދަ މަރުތަކުގައި އާއިލާ އިން ދެކޮޅު ހެދި ނަމަވެސް ޕޯސްޓްމޯޓަމް ހަދަ އެވެ. އެއީ މަރުގެ ހަގީގީ ސަބަބު ދެނެގަނެ އެ ނޫން އެއްވެސް ސަބަބެއް ނެތް ކަން ޔަގީން ކުރުމަށެވެ.
އަތުހަރުގެ ހަށިގަނޑު ރާއްޖެ ގެނެސް އާއިލާއާ މިއަދު ހަވާލު ކުރާނެ ކަން ވަނީ އަންގާފަ އެވެ. އާއިލާ އިން ވަނީ އަތުހަރުގެ ޖަނާޒާ މިރޭ 10 ޖަހާއިރު ބާއްވަން ނިންމާފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
