އައްޑޫ ސިޓީން މިރޭ ބޮޑު މަންޒަރު ދައްކާލާނެ: ޝަރީފް
އައްޑޫ ސިޓީން މިރޭ ބޮޑު މަންޒަރު ދައްކާލާނެ ކަމަށް މަރަދޫ ދާއިރާގެ މެމްބަރު އިބްރާހީމް ޝަރީފު ވިދާޅުވެއްޖެ އެވެ.
އަންނަ ހޮނިހިރު ދުވަހު ބާއްވާ އެމްޑީޕީ ރިޔާސީ ޕްރައިމަރީގައި ވާދަކުރައްވާ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހުގެ ޕްރައިމަރީގެ ކެންޕެއިން ނިންމާލައްވަން ހަމަޖެހިފައިވަނީ މިރޭ އައްޑޫސިޓީގައި އޮންނަ ބޮޑު ޖަލްސާ އިންނެވެ.
އެ ޖަލްސާ އަށް މިހާރުވެސް ތައްޔާރު ވެވަޑައިގަންނަވަމުން ދާކަން ފާހަގަކުރައްވައި ޝަރީފް ކުރެއްވި ޓްވީޓެއްގައި ވިދާޅުވީ އައްޑޫ ސިޓީ އިން މިރޭ ބޮޑު މަންޒަރު ފެނިގެން ދާނެ ކަމަށެވެ.
"އަޅުގަނޑުމެން މި ދަނީ ރައީސް ޞާލިހު އަށް މަރުހަބާ ކިޔަން ތައްޔާރު ވަމުން." ޝަރީފް ވިދާޅުވި އެވެ.
ރައީސް ޞާލިހުގެ އެމްޑީޕީގެ ރިޔާސީ ޕްރައިމަރީގެ ކެމްޕެއިން ނިންމާ ޖަލްސާ މިރޭ އައްޑޫގައި ބާއްވަން ހަމަޖެހިފައިވާއިރު، އެމަނިކުފާނާއި ވާދަކުރައްވާ އެމްޑީޕީގެ ރައީސް މުހައްމަދު ނަޝީދުގެ ކެންޕެއިން ނިންމާ ޖަލްސާ އޮންނާނީ މިރޭ މާލެ ސިޓީގައެވެ.
ޕްރައިމަރީ އިންތިޚާބު ކާމިޔާބު ކުރައްވާނީ ކޮން ކެންޑިޑޭޓެއް ކަން ހޮނިހިރު ދުވަހު އެނގިގެންދާއިރު، ރައީސް ނަޝީދާއި ރައީސް ޞާލިހް ވެސް އަންނަނީ ބޮޑުތަނުން ޕްރައިމަރީ ކާމިޔާބު ކުރައްވާނެ ކަމަށް ވިދާޅުވަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
