"ޒަމާންތަކެއް ވަންދެން ހިފަހައްޓަމުން އައި ސްޓޭންޑް ކުއްލި ސިޓީ އަކުން ބަދަލުވީ ކިހާވަރެއްގެ ނުފޫޒަކުންތޯ"
ޒަމާންތަކެެއް ވަންދެން ޗާގޯސް މައްސަލައިގައި ހިފަހައްޓަމުން އައި "ސްޓޭންޑް" ކުއްލި ސިޓީ އަކުން ބަދަލުވީ ކިހާވަރެއްގެ ނުފޫޒަކުންތޯ ޖުމްހޫރީ ޕާޓީގެ ލީޑަރު އަދި މާމިގިލީ ދާއިރާގެ މެމްބަރު ޤާސިމް އިބްރާހިމް ސުވާލު އުފައްދަވައިފިއެވެ.
އިއްޔެ ކުރިއަށް ދިޔަ ޖުމްހޫރީ ޕާޓީގެ 157 ވަނަ ކައުންސިލް ބައްދަލު ވުމުގައި ވާހަކަ ދައްކަވަމުން ޤާސިމް ވިދާޅުވީ 2010 ވަނަ އަހަރު ދިވެހި ސަރުކާރުގެ ފަރާތުން ޗާގޯސްގެ މައްސަލައިގައި ހުށައަޅައި ހިފަހައްޓައިފައި އޮތް ސްޓޭންޑް ރައީސް މައުމޫނާއި، ރައީސް ނަޝީދާއި، ރައީސް ވަހީދާއި، ރައީސް ޔާމިން ގެ އިތުރުން މި ސަރުކާރުންވެސް އެހާތަނަށް ހިފަހައްޓަމުން ދިޔަ ސްޓޭންޑް އެދުވަހު މޮރިޝަސްގެ ބޮޑު ވަޒީރުގެ ފަރާތުން ލިބުނު ކުއްލި ސިއްރު ސިޓީ އަކުން ބަދަލުވީ ކިހާވަރެއްގެ ކާކުގެ ނުފޫޒެއް ފޯރައިގެންތޯ ސުވާލު އުފައްދަން ޖެހޭ ކަމަށެވެ.
ޖޭޕިގެ މިއަދުގެ ކައުންސިލް ބައްދަލުވުމުގައި ވަނީ ޗާގޯސް މައްސަލައާއި ގުޅިގެން ގަރާރެއް ފާސްކޮފައެވެ.
އެގަރާރުގައި ގޮވާލައިފައިވަނީ ގެެއްލުނު، ކަނޑުގެ ސަރަހައްދު ހޯދުމަށް ސަރުކާރުން އެމައްސަލަ އަވަހަށް އިސްތިއުނާފް ކުރުމަށެވެ. އަދި އިސްތިއުނާފް ނުކޮށް އޮއްވައި ޖޭޕީ އަށް ވެރިކަން ލިބިއްޖެނަމަ އިސްތިއުނާފް ކުރުމަށެވެ.
މިއަދުގެ ޖަލްސާގައި ވާހަކަ ދައްކަވަމުން ޤާސިމް ވިދާޅުވީ ރާއްޖެ އާއި މޮރިޝަސްގެ ކަނޑުގެ އިމުގެ މައްސަލައިގައި ސަރުކާރުން އަމަލު ކުރީ ކޯލިޝަން އެއްބަސްވުމާ ހިލާފަށް ކަމަށެވެ.
މިއަދުގެ ޖަލްސާގައި މި ގަރާރް އެކައުންސިލް ޖަލްސާއަށް ހުށައެޅުއްވީ ކެންދޫ ދާއިރާގެ މަޖްލިސް މެމްބަރު ޢަލީ ހުސެއިނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
