އެމްޑީޕީ އާއި ޕާޓީގެ މެންބަރުން އަބަދުވެސް ދާނީ ކުރިއަށް: ރައީސް ޞާލިހު
މާތް للهގެ ހެޔޮ ރަޙްމަތްފުޅާއެކު ސަރުކާރު ހިންގާ. މައި ޕާޓީ، އެމްޑީޕީ އާއި އެ ޕާޓީގެ މެންބަރުން އަބަދުވެސް ދާނީ ކުރިއަށް ކަމަށް ޕާޓީގެ، އިސް ލީޑަރު އަދި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވިދާޅުވެއްޖެއެވެ.
ރައީސް ޞާލިހު މިފަދައިން ވިދާޅުވެފައި ވަނީ އެމްޑީޕީއަށް 18 އަހަރު ފުރުމުގެ ތަހުނިޔާ އެ ޕާޓީގެ މެންބަރުންނަށް އަރިސްކުރައްވައި އެމަނިކުފާނު ކުރެއްވި ޓްވީޓެއްގައެވެ.
ރާއްޖޭގައި އުފެދުނު އެންމެ ފުރަތަަމަ ސިޔާސީ ޕާޓީ، އެމްޑީޕީއަށް މިއަދު 18 އަހަރު ފުރުން ފާހަގަ ކުރާއިރު, އެ ޕާޓީ އުފެއްދުމުގައި އިސް ދައުރެއް އަދާކުރެއްވި ގިނަ މެންބަރުން ތަކެއް ޕާޓީން މިހާރު ވަނީ ވަކިވެފައެވެ. އެގޮތުން، އެންމެ ފަހުން ވަކިވެވަޑައިގެންނެވި އެއް ބޭފުޅަކީ ޕާޓީގެ ރައީސް މުހައްމަދު ނަޝީދެވެ.
އެ އެންމެ ބޭފުޅުންވެސް ޕާޓީއާއި ވަކިވެވަޑައިގެންފައި ވަނީ، ޕާޓީ މިހާރު ހިންގަނީ، އެ ޕާޓީ އުފެދުމުގެ އަސާސްތަކާއި އެއްގޮތަށް ނޫން ކަމަށް ވިދާޅުވެ އެވެ. އަދި، ޑިމޮކްރެޓިކް ހަމަތަކާއި އެކު ހިންގާ ޕާޓީއެއް އުފެއްދުމަށް ކަމަށް ބުނެ، އެ މެންބަރުން ވަނީ 'ދަ ޑިމޮކްރެޓްސް' ގެ ނަމުގައި އައު ސިޔާސީ ޕާޓީއެއް އުފައްދަވާފައެވެ.
އެކަމަށް އިޝާރާތް ކުރައްވައި، އެމްޑީޕީީގެ ޗެއާޕާސަން ފައްޔާޟް އިސްމާއިލް މިއަދު ދެއްވި ޚިތާބުގައި ވިދާޅުވީ، އެ ޕާޓީގެ އެތެރޭގައި އުފެދުނު ގޮންޖެހުންތަކުން އުފެދުނު ތަކުލީފު ތަކަކަކީ، ސިޔާސީ ޕާޓީއަކުން ތަހައްމަލް ކުރާނެ އެންމެ އުނދަގޫ މަރުހަލާ ކަމަށެވެ. އެހެންނަމަވެސް، ކެތްތެރިކަމާއިއެކު ކުރި މަސައްކަތުން، އެކަމުންވެސް އަރައި ގަނެވުނު ކަމަށް އޭނާ ވިދާޅުވި އެވެ. އަދި އެ ތަޖުރިބާ އަކީ ކުރިއަށް އޮތްތަނުގައި ކާމިޔާބީ އަށް ހުޅުވުނު އައު ދޮރެއް ކަމަށްވެސް ވިދާޅުވި އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
