ދި ޑިމޮކްރެޓްސް އާއި ޕީޕީއެމް ގުޅިގެން ކަންމަތީ ބޮޑު ބައްދަލުވުމެއް ބާއްވަނީ
މި ވެރިކަން ބަދަލުކުރުމަށް ޕްރޮގްރެސިވް ކޮންގްރެސް ކޯލިޝަނާއި ދި ޑިމޮކްރެޓްސް ބާއްވާ ދެވަނަ މަޝްވަރާ ބައްދަލުވުން ނިންމާލައިފި އެވެ.
މި ބައްދަލުވުމަށްފަހު ނޫސްވެރިންނާއި މައުލޫމާތު ދެއްވަމުން ޕީޕީއެމްގެ ނައިބު ރައީސް އަދި މަޖިލީހުގެ ނައިފަރު ދާއިރާގެ މެމްބަރު އަހުމަދު ޝިޔާމު ވިދާޅުވީ ސަރުކާރު ބަދަލުކުރުމަށް މިހާރުން މިހާރަށް ކުރެވެން ހުރި ބައެއް ކަންކަމާއި ގުޅިގެން ދެ ޕާޓީން މަޝްވަރާކުރެވިފައިވާނެ ކަމަށެވެ.
ނޫސްވެރިންގެ ބައްދަލުވުމުގައި ވާހަކަދައްކަވަމުން މަޖިލީހުގެ މެދު ހެންވޭރު ދާއިރާގެ މެމްބަރު އަލީ އާޒިމް ވިދާޅުވީ، އެކުގައި ކުރިއަށް ގެންދެވިދާނެ ބައެއް ހަރަކާތްތައް ދެ ޕާޓީގެ ފުރަތަމަ ދެ ބައްދަލުވުމަށް ފަހުވެސް މިހާރު އެކުލަވާލެވިފައިވާ ކަމަށެވެ.
އެގޮތުން ޖުލައި މަހުގެ ތިން ވަނަ ދުވަހުގެރޭ ދެ ޕާޓީ އެކުވެގެން ކަންމަތީ ބޮޑު ބައްދަލުވުމެއް ބޭއްވުމަށް ނިންމާފައިވާނެކަމަށް އާޒިމް ވިދާޅުވި އެވެ.
"މިއަދު މި އެއްބަސްވީ އެއްކަމަކީ ތިނެއްގަ، ބޮޑު ޖަލްސާއެއް ވެސް ނޫން، އެހެން ނަމަވެސް އަޅުގަނޑުމެން އެއްކޮށް މަސައްކަތް ކުރާކަން ދިވެހި އެންމެހާ ރައްޔިތުންނަށް ހާމަކޮށްދިނުމުގެ ގޮތުން އަޅުގަނޑުމެން އެކުގައި ޖަލްސާއެއް ބޭއްވުމަށް"
މެމްބަރު އަލީ އާޒިމް
ސަރުކާރު ޖަވާބުދާރީކޮށް، މި ސަރުކާރު ބަދަލުކުރުމަށްޓަކައި ގުޅިގެން ކުރެވެން ހުރި ހުރިހާ ކަމެއް ކުރާނެކަމުގެ ޔަގީންކަން ދެ ޕާޓީން ވެސް ވަނީ ދީފައެވެ.
ދެ ޕާޓީގެ އަސާސްތަކުގައި ޚިޔާލު ތަފާތާ ކަންތައްތަކެއް ހުރި ނަމަވެސް، އެކަންކަމަށް ދޫ ދީގެން، މަސައްކަތް ކުރާނެ ކަމަށާއި، މައިގަނޑު މަޤްސަދަކީ ކުރިއަށް އޮތް ރިޔާސީ އިންތިޚާބުން މި ސަރުކާރު ބަލިކުރުންކަމަށް ދެ ޕާޓީން ވެސް ވަނީ ބުނެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
