ޕްލޭނިން މިނިސްޓަރު އަސްލަމް/ ފޮޓޯ: ރައީސް އޮފީސް
ޕްލޭނިން މިނިސްޓަރު އަސްލަމް/ ފޮޓޯ: ރައީސް އޮފީސް
ހަބަރު 26 Jun 2023 | 20:05

ގޯތި ދޫކުރި މީހުންނަށް މާލީ އެހީތެރިކަން ދޭން ފައިނޭންޝިއަލް ސްކީމެއް ނަހަދަން: އަސްލަމް

ސަރުކާރުގެ ބިންވެރިޔާ ޕްރޮގްރާމުގެ ދަށުން 10000 އަށް ވުރެ ގިނަ މީހުންނަށް ހިލޭ ގޯތި ދިނުމަށް ނިންމާ ލިސްޓު އާންމު ކުރި ނަމަވެސް، އެ ބިންތަކުގައި ގެދޮރު ބިނާކުރުމަށް މާލީ އެހީތެރިކަން ފޯރުކޮށްދިނުމަށް ސަރުކާރުން ފައިނޭންޝިއަލް ސްކީމެއް އެކުލަވާލާފައި ނުވާނެކަމަށް ޕްލޭނިން މިނިސްޓަރު މުޙައްމަދު އަސްލަމް ވިދާޅުވެއްޖެ އެވެ.

ސަރުކާރުގެ ބިންވެރިޔާ ޕްރޮޖެކްޓުގެ ތެރެއިން ބިންތައް ލިބުނު ފަރާތްތަކާއި ގުޅޭ މައުލޫމާތު ދިނުމަށް މިއަދު ޕްލޭނިން މިނިސްޓްރީން ރައީސް އޮފީހުގައި ބޭއްވި ޕްރެސް ކޮންފަރެންސްގައި މިނިސްޓަރު އަސްލަމް ވަނީ މާލެ ސަރަހައްދުން ދޫކުރުމަށް ނިންމާފައިވާ 5000 ގޯއްޗަށް 10315 މީހުންގެ ޝަރުތު ހަމަވާކަމަށް ވިދާޅުވެފަ އެވެ.

އަސްލަމް ވިދާޅުވެފައިވަނީ ފިޔަވަހިތަކަށް ބަހާލައިގެން ނަމަވެސް ޝަރުތު ހަަމަވާ ފަރާތްތަކަށް ބިންވެރިޔާ ސްކީމުގެ ތެރެއިން ގޯތި ލިބިގެންދާނެ ކަމަށެވެ.

ސަރުކާރުގެ މި ސްކީމުގެ ތެރެއިން ގޯތި ލިބޭ ފަރާތްތަކުގެ ތެރޭގައި، މާލީގޮތުން އެހާ ފުދުންތެރި ނޫން މީހުން ވެސް ހިނެމޭއިރު، އެމީހުންނަށް ލިބޭ ބިންތަކުގައި ގެދޮރު އެޅެމަށް މަގުފަހިކޮށްދިނުމަށް ސަރުކާރުން މާލީ އެހީތެރިކަން ފޯރުކޮށްދޭން ގަސްދުކުރަންތޯ، ނުވަތަ ބިންވެރިޔާ ސްކީމާއެކު، ފައިނޭންޝިއަލް ސްކީމެއް އެކުލަވާލާފައިވާނެ ތޯ "ވޮއިސް" އިން ޕްލޭނިން މިނިސްޓަރާއި ސުވާލު ކުރިއެވެ.

އެ ސުވާލަށް ޖަވާބުދެއްވަމުން މިނިސްޓަރު ވިދާޅުވީ އެފަދަ އެއްވެސް ޕްލޭނެއް މި ޕްރޮގްރާމު (ބިންވެރިޔާ ޕްރޮގްރާމު) ގެ ތެރެއިން އެކުލަވާފައި ނުވާނެ ކަމަށެވެ.

އެހެން ނަމަވެސް ބަޔަކަށް ބިންތަކެއް ދިނުމުން، އެ ބިންތަކުގައި ގެދޮރު ބިނާކުރާނެ ގޮތްތައް އެބަޔަކު ހޯދާނެކަމަށާއި، މާޒީގައި ވެސް އެފަދަ ފައިނޭންޝިއަލް ސްކީމާއި ނުލާ ގެދޮރުހަދާކަން ފާހަގަކުރެވިފައިވާކަމަށް މިނިސްޓަރު ވިދާޅުވި އެވެ.

"ފައިނޭންޝިއަލް ސްކީމެއް މި ބިންތަކުގައި ގެ އިމާރާތްކުރުމަށް ހުޅުވާލަން މި ސްކީމުގެ ތެރެއިން އަޅުގަނޑުމެން އެކަމެއް ކުރާކަށް ނޫޅެން. އެހެން ނަމަވެސް އަޅުގަނޑުމެންނަށް އެނގޭ މިއާއި އެކީގައި މީހުން ބޭނުންވާނެކަން އިމާރަތްކުރުމަށް ލާރި. ލޯނު ނަގަން ބޭނުންވާނެކަން. ދެން އަޅުގަނޑަށް ފެނުނީ މީހަކަށް ބިމެއް ލިބުނީމަ އެބަ ބިނާ ކުރޭ. މީގެ ކުރިންވެސް ފެނިއްޖެ ހުޅުމާލެއިން"

ޕްލޭނިން މިނިސްޓަރު އަސްލަމް

މިނިސްޓަރު ވިދާޅުވީ ގެދޮރު އިމާރާތްކުރާނެ ތަނެއް ލިބުނީމަ، އާންމުން ކޮންމެސް ގޮތެއް ހޯދައިގެން ގެދޮރު ބިނާކުރަމުންދާކަން ފާހަގަކުރެވިފައިވާ ކަމަށެވެ. އަދި އެއީ އަމިއްލަ ޒިންމާއެއްގެ ގޮތުގައި ކުރަންޖެހޭ ކަމެއްކަމަށް މިނިސްޓަރު ވިދާޅުވި އެވެ.

ގޯތި ދޫކުރުމުގައި މާލެއާއި އަތޮޅުތެރެއާއި ބޮޑު ތަފާތެއް ގެންގުޅިގެންވާނެ ކަމަށް ގަބޫލު ނުކުރައްވާ ކަމަށާއި، ކުރިއަށް އޮތް ތަނުގައިވެސް ބޯހިޔާވަހިކަމުގެ މައްސަލަ ޙައްލުކުރުމަށް ސިޔާސަތުތައް ފުޅާ ކުރައްވާނެކަމަށް މިނިސްޓަރު ވަނީ ވިދާޅުވެފަ އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ހުޅުމާލޭގައި ބީއެމްއެލްއިން އަޅާ 182 ހައުސިން ޔުނިޓްގެ ކޮންކްރީޓް މަސައްކަތް ފަށައިފި
19 Nov 2026 ހަބަރު

ހުޅުމާލޭގައި ބީއެމްއެލްއިން އަޅާ 182 ހައުސިން ޔުނިޓްގެ ކޮންކްރީޓް މަސައްކަތް ފަށައިފި

ސަރުކާރުގެ "ބޯހިޔާވަހިކަން އެންމެންނަށް" ސިޔާސަތުގެ ދަށުން، ބީއެމްއެލް އެފޯޑަބަލް ހޯމް ލީސިންގ ކުންފުނިން ހުޅުމާލެ ފޭސް 1 ގައި ތަރައްޤީކުރާ 182 ހައުސިންގ ޔުނިޓްގެ ފައުންޑޭޝަން ތައްޔާރުކޮށް، ކޮންކްރީޓް އެޅުމުގެ މަސައްކަތް ފަށައިފިއެވެ.