ނައިފަރު މަސްވެރިންގެ ޝަކުވާތަކާއި ގުޅިގެން ޝިޔާމް ސުވާލު ކުރެއްވުމުން މިނިސްޓަރުގެ ހޫނު ރައްދެއް
ޅ. ނައިފަރު މަސްވެރިންގެ ޝަކުވާތައް ކަމަށް ބުނެ އެ ދާއިރާގެ މެމްބަރު އަހުމަދު ޝިޔާމް ކުރެއްވި ސުވާލަށް ފިޝަރީޒް މިނިސްޓަރު ޑރ. ހުސައިން ރަޝީދު ހަސަން ހޫނު ރައްދެއް ދެއްވައިފި އެވެ.
މިއަދު އޮތް ރައްޔިތުންގެ މަޖިލީހުގެ ޖަލްސާގައި ނައިފަރު ދާއިރާގެ މެންބަރު އަހުމަދު ޝިޔާމް ވަނީ މަސްވެރިންގެ ހުރި ކަންބޮޑުވުންތައް މިނިސްޓަރާއި ހިއްސާކޮށްފައެވެ. ޝިޔާމް ވަނީ ނައިފަރު މަސްވެރިންގެ ޝަކުވާތައް މިނިސްޓަރާއި ހިއްސާކޮށްފައެވެ. އެގޮތުން އެ މީހުން ބާނާ މަސްތައް ނުކިރޭ ވާހަކަ އާއި ބާނާ މަސްކޮޅަށް ފައިސާ ނުލިބޭ ކަމަށާއި އައިސްވެސް ނުލިބުމަކީވެސް އެ މަސްވެރިން ކުރާ ޝަކުވާއެއް ކަމަށް ވިދާޅުވި އެވެ.
ޝިޔާމްގެ ސުވާލަށް ޖަވާބު ދެއްވަމުން މިނިސްޓަރ ވިދާޅުވީ، ނައިފަރު މަސްވެރިންގެ ތެރެއިން ބާނާ މަސް ނުކިރޭ މަސްވެރިންގެ އަދަދު އެނގެން ބޭނުންވާ ކަމަށެވެ. އަދި އައިސް ނުލިބެނީ ކިތަށް މަސްވެރިންނަށްތޯވެސް އެނގެން ބޭނުންވާ ކަމަށެވެ.
މީގެ އިތުރުން ބާނާ މަސް ފެލިވަރަށް ކިރުވައިގެން އަގު ނުލިބެނީ ނައިފަރުގެ ކިތަށް މަސްވެރިންނަށްތޯ އެނގެން ބޭނުންވާ ކަމަށްވެސް މިނިސްޓަރ ވިދާޅުވިއެވެ. މިނިސްޓަރ ވިދާޅުވީ، ޝިޔާމް ކުރެއްވި ސުވާލުގެ ޖަވާބު ދެއްވޭނީ އެއަށްފަހު ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
