އެއްވެސް އިމެއްނެތި މިވަރަށް މުންކަރާތްތައް ފެތުރި ސަރުކާރު ހަޔާތުގައިވެސް ނުދެކެން: ޢަލީ
ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ މި ސަރުކާރު ފަދައިން އެއްވެސް އިމެއް، މިނެއް ނެތް މިންވަރަށް މުންކަރާތްތައް ފެތުރި ފާޖިރު ސަރުކާރެއް މުޅި ހަޔާތުގައިވެސް ނުދެކެން ކަމަށް ޖަމިއްޔަތުއް ސަލަފްގެ ޗީފް މާކެޓިންގ އޮފިސަރ ޢަލީ ރަމީޒު ވިދާޅުވެއްޖެެއެވެ.
ޢަލީ ރަމީޒު މިރޭ ފޭސްބުކްގައި ކުރެއްވި ޕޯސްޓެއްގައި ވިދާޅުވީ، މި ސަރުކާރުން ފާހިޝް ކަންތައްތަކާއި މުންކަރާތްތައް ފަތުރަމުން މިދަނީ އެއްވެސް އިމެއް އަދި މިނެއް ނެތި ކަމަށެވެ. އަދި މިފަދަ ފާޖިރު ސަރުކާރެއް އޭނާގެ މުޅި ހަޔާތުގައިވެސް ނުދެކޭ ކަމަށް އަލީ ވިދާޅުވިއެވެ.
"އެއްވެސް އިމެއް، މިނެއް ނެތް މިންވަރަށް މުންކަރާތާއި ފާހިޝް އަމަލުތައް ފެތުރި ފާޖިރު ސަރުކާރެއް، މި ނޫނީ މުޅި ހަޔާތުގައިވެސް އަޅުގަނޑު ނުދެކެން"
ޢަލީ ރަމީޒު
ޢަލީ ރަމީޒު މީގެ ކުރިންވެސް ވަނީ ދިވެހި މުޖުތަމައުގައި އެއްޖިންސުން ގުޅުން ހިންގުމާއި، މަސްތުވާތަކެތީގެ ވަބާގެ މައްސަލަ އާއި، ހަށި ވިއްކުން ފަދަ އެތައް ހަރާމް ކަމެއް އިންތިހާއަށް އިތުރުވެފައިވާއިރު އަދުގެ ސަރުކާރުން އެކަން ހުއްޓުވަން މަސައްކަތް ނުކުރާތީ އެކި ފަހަރު މަތިން ކަންބޮޑުވުންފާޅުކޮށްފައެވެ.
އަދި މިއަދު އޭނާ ކުރެއްވި ޓުވީޓެއްގައި ވެސް ވަނީ، އަދުގެ ސަރުކާރުން މަސައްކަތް ކުރަނީ ހަރާމް ކަންކަން މުސްލިމުންގެ ތެރޭގައި ފަތުރައި، އެފަދަ ކަންކަމަކީ އާދައިގެ ކަމަކަށް ހަދައި ރައްޔިތުން އެކަމަށް ހާނުވަން ކަމަށް ވިދާޅުވެފައެވެ. އަދި ޢިލްމުވެރިންގެ ތެރެއިން ދެތިން މީހަކު އެފަދަ ފަރާތްތަކަށް ސަނާ ކިޔަމުންދާ ކަމީ ހިތާމަކުރާ ކަމެއް ކަމަށްވެސް އޭނާ ވިދާޅުވެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
