މާލޭ ސަރަހައްދުގައި ކުނި މެނޭޖް ކުރުމުގެ ގަވާއިދާ ޚިލާފުވާ ނަމަ ފިޔަވަޅު އަޅަނީ
މާލެއާއި ވިލިމާލޭގެ މަގުތަކާއި، ޕާކުތަކާއި، ހުސްބިންތަކާއި، މައިޒާންތަކާ އަދި ތިމާ ދިރި އުޅޭ ވެށި ސާފުތާހިރު ތަނެއްގޮތުގައި ބޭއްވުމަށް މާލޭ ސިޓީ ކައުންސިލުން ކުރަމުންދާ މަސައްކަތުގެ ތެރެއިން، ކުނި މެނޭޖް ކުރުމުގެ ގަވާއިދާ ހިލާފުވާ ފަރާތްތަކާއިމެދު ފިޔަވަޅު އެޅުމަށް އެ ކައުންސިލުން ނިންމައިފިއެވެ.
މާލޭސިޓީ ކައުންސިލުން ނެރުނު ޢިއުލާނެއްގައި ވަނީ، މަގުތަކާއި، ޕާކުތަކާއި، ހުސްބިންތަކާއި، މައިޒާންތަކާ އަދި ތިމާ ދިރި އުޅޭ ވެށި ސާފުތާހިރު ކޮށް ބެހެއްޓުމަކީ އެންމެހައި ރަށްޔިތުންގެ ފަރުދީ ޒިންމާއެއް ކަމުގައި ދެކެ އެފަދަ ތަންތަން ސާފުތާހިރު ތަނެއްގެގޮތުގައި ބޭއްވުމަށް އެދިފައެވެ.
އެގޮތުން، ކުނިމެނޭޖު ކުރުމުގެ ޤަވާޢިދާ އެއްގޮތަށް އެންމެންވެސް ޢަމަލުކުރުމަށާއި ކުނި މަގުމައްޗަށް ނެރުމުގެ ބަދަލުގައި ޚިދުމަތްދޭ ފަރާތްތަށް މެދުވެރިކޮށް ކުނި އުކާލެވެންދެން ރައްކާތެރިކަމާއެކު ބެހެއްޓުމާއި، ކުނި މެނޭޖު ކުރުމުގެ ޤަވާއިދަށް ހުރުމަތް ތެރިކޮށް ހިތުމަށް ވެސް އެ ކައުންސިލުން ވަނީ އެދިފައެވެ.
އެހެންކަމުން، ކުނި މެނޭޖު ކުރުމުގެ ޤަވާޢިދާ އެއްގޮތަށް ކުނި ނައްތާލުމުގެ ކަންކަން ކުރިއަށް ގެންދިއުމަށް އެދި ސިޓީ ކައުންސިލުން ބުނީ، ކުނިމެނޭޖް ކުރުމުގެ ޤަވާޢިދާ ޚިލާފުވާ ފަރާތްތަކާއި މެދު އެ ޤަވާޢިދާ އެއްގޮތަށް އަމަލު ކުރެވޭނެ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
