އެމްއައިބީގެ ސޭލްސް ސެންޓަރު މަހިބަދޫއާއި ކުޑަހުވަދޫގައި ހުޅުވައިފި!
މޯލްޑިވްސް އިސްލާމިކް ބޭންކުގެ ސޭލްސް ސެންޓަރު ދ. އަތޮޅު ކުޑަހުވަދޫ އަދި އދ. އަތޮޅު މަހިބަދޫގައި ހުޅުވައިފިއެވެ.
މިއަދު، ދ. ކުޑަހުވަދޫ ސޭލްސް ސެންޓަރު ހުޅުވައިދެއްވީ ކުޑަހުވަދޫ ކައުންސިލްގެ ރައީސް އިބްރާހީމް ފިކުރީއެވެ. އަދި އދ. މަހިބަދޫ ސޭލްސް ސެންޓަރު ހުޅުވައިދެއްވީ މަހިބަދޫ ކައުންސިލްގެ ރައީސް ރަޝާދު އަލީއެވެ.
އެމްއައިބީން ބުނީ މި ސެންޓަރުތަކުން ފައިސާ ޖަމާކޮށް ނެގުމުގެ ޙިދުމަތް ލިބޭނެ ކަމަށާ، އަދި އިތުރަށް މި ސެންޓަރުތަކުގެ ޙިދުމަތް ފުޅާކުރެވިގެންދާނެ ކަމަށެވެ.
އެމްއައިބީގެ ގިނަ ޙިދުމަތްތަކަށް އޮންލައިންކޮށް މިހާރު އެދެވުނު ނަމަވެސް އެއްވެސް ދަތިކަމެއް ނުވަތަ އެހީއެއް ބޭނުންނަމަ މި ސެންޓަރުގެ މުވައްޒަފުންގެ އެހީ ހޯދޭނެ ކަމަށް އެ ބޭންކުން ބުނެއެވެ.
އެމްއައިބީ ސޭލްސް ސެންޓަރެއް ވަނީ ބ. އޭދަފުށީގައިވެސް ވަރަށް ފަހުން ވަނީ ހުޅުވާފައެވެ. އަދި ކުރިޔަށް އޮތްތަނުގައި މިފަދަ ސޭލްސް ސެންޓަރުތައް ރާއްޖޭގެ އެހެން ރަށްތަކުގައިވެސް ހުޅުވުމުގެ މަސައްކަތް ބޭންކުން ކުރަމުންދާ ކަމަށް ބުނެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
