ދަ ޑިމޮކްރެޓްސްގެ ޓިކެޓް ބޭނުންވާ މެންބަރުންނަށް ހުޅުވާލައިފި، ފައިސާ ދައްކަން ޖެހޭނީ އަމިއްލައަށް
ލިޔުންތެރިޔާ
އަހުމަދު ހަމީދު އާދަމް
ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ އިންތިޚާބު 2026 ގައި ދަ ޑިމޮކްރެޓްސްގެ ޓިކެޓްގައި ވާދަކުރަން ބޭނުންވާ މެންބަރުންނަށް ފުރުޞަތު ހުޅުވާލައިފި އެވެ.
އެ ޕާޓީން ވަނީ އެކަމަށް އެދޭ މެންބަރުން ޓިކެޓަށް އެދެން ހުޅުވާލާފައިވާ ކަމަަށެވެ. ޑިމޮކްރެޓްސް އިން ބުނީ އެ މެންބަރަކު އަމިއްލައަށް ފޯމް ހުށައެޅުމަށް ފަހު ޕާޓީ އިހްތިޔާރު ކުރުމުން އެންޑޯސްކޮށްދޭނެ ކަމަށެވެ.
ޑިމޮކްރެޓްސް އިން ބުނީ އިލެކްޝަންސް ކޮމިޝަނަށް ދައްކަން ޖެހޭ ފައިސާ ދައްކަން ޖެހޭނީ އެ މެންބަރަކު އަމިއްލައަށް ކަމަށެވެ. އަދި މި މަހުގެ ނިޔަލަށް ފޯމް ހުށައެޅުމަށް ވަނީ އެދިފަ އެވެ.
އެ ޕާޓީން ބުނީ ޑިމޮކްރެޓްސްގެ ޓިކެޓަށް ގިނަ ބަޔަކު އެދިއްޖެނަމަ ޕްރައިމަރީން ގޮތް ކަނޑައަޅާނެ ކަމަށެވެ.
ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ އިންތިޚާބު 2026 ގައި ދަ ޑިމޮކްރެޓްސްގެ ޓިކެޓްގައި ވާދަކުރަން ބޭނުންވާ މެންބަރުންނަށް ފުރުޞަތު ހުޅުވާލިއިރު އެ ޕާޓީ އުފެއްދުމުގައި އިސްކޮށް އުޅުއްވި ހުރިހާ ބޭފުޅުން ވަނީ އެ ޕާޓީން ވަކިވެފަ އެވެ.
މެންބަރުންގެ އަދަދު ވެސް ވަނީ ވަރަށް ދަށް ވެފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
