އެލައިޑްގެ ކަލަންޑަރެއް ހޯދުމަށް ފަސޭހަ ގޮތެއް!

ފަސޭހަ ގޮތަކަށް އެލައިޑް އިންޝުއަރެންސްގެ ކަލަންޑަރެއް ހޯދުމަށް ފުރުސަތު ހުޅުވާލައިފިއެވެ.

އަންނަ ހޯމަ ދުވަހަކީ އެލައިޑް އިންޝުއަރަންސްގެ 38 ވަނަ އަހަރީ ދުވަހެވެ. މި އަހަރަކީ އެލައިޑަށް ހާއްސަ އަހަރަކަށް ވާތީ، އެލައިޑްގެ ކަލަންޑަރު ދިނުމަށްވެސް ހާއްސަ ކަމެއް ބޭއްވުމަށް އެލައިޑުން ވަނީ ނިންމާފައެވެ.

ފަންނުވެރިކަން އިސްކޮށް އޮފީހުގެ މަސައްކަތްތައް ރާވާލައި ހިންގާލުމަށް އެހީއެއް ފޯރުކޮށްދިނުމުގައި އެލައިޑުގެ "ވައިޓް ބޯޑު" ކަލަންޑަރެއް ހޯދުމަށް ގިނަ ފަރާތްތަކަކުން މަސައްކަތް ކުރަމުން ދާއިރު މި މަހު މިހާތަނަށް ކަލަންޑަރު ބެހުމުގެ ދެ ހަރަކާތެއް އެލައިޑުން ކުރިއަށް ގެންގޮސްފައި ވެސް ވެއެވެ.

އެލައިޑުން ބުނީ، ހޯމަ ދުވަހު، އެލައިޑްގެ ފްރަންޓް އޮފީސް؛ ހ.އޯކިޑުން ޕޮލިސީއެއް ބައްލަވައިގަންނަވާ ފުރަތަމަ 38 ފަރާތަށް އެލައިޑްގެ ކަލަންޑަރެއް ލިބޭނެ ކަމަށެވެ.

މި ކަލަންޑަރުގައި ހިމެނޭ ވައިޓްބޯޑަކީ އޮފީހުގައި (އަދި އެ ނޫން ތަންތަނުގައި ވެސް: މިސާލަކަށް ގޭގެ ބަދިގޭގައި ރެސިޕީ ލިޔުމަށް ވެސް) ނޯޓުކުރަންޖެހޭ މުހިންމު ކަންކަމާއި ޑެޑްލައިންސް ނޯޓުކުރެވޭނެ ޓޫލްއެކެވެ. ކަލަންޑަރާ އެއްކޮށް ލިބޭ މެގްނެޓްތައް ބޭނުންކޮށްގެން ޓާސްކް މެނޭޖު ވެސް ކޮށްލެވޭނެއެވެ. އަހަރު ނިމުނީމާ ވެސް މި ބޯޑު ބޭނުންކޮށްލެވޭނެއެވެ.

އިންޝުއަރަންސަކީ ތިމާގެ ނަފްސާއި ގެދޮރަށް، މުދަލަށް ނުވަތަ ވިޔަފާރިއަށް ކުރިމަތިވާ ކަމަކުން ލިބިދާނެ މާލީ ގެއްލުމަކުން ރައްކާތެރިކަން ހޯދޭނެ މަގަކަށް ވެފައި ފަހަށް ފައިސާ ރައްކާކުރުމަށް ޓަކައި ކުރެވިދާނެ ބައެއް ކަންކަން ވެސް އިންޝުއަރަންސް ޕްލޭންތަކުގައި ހިމެނޭނެ ކަމަށް އެލައިޑުން މައުލޫމާތުދެއެވެ.

"އިންޝުއަރަންސް ޕްލޭނެއް ބައްލަވައިގަތުމަކީ ވެސް ނުހަނު ފަސޭހަ ކަމެކެވެ.ވަރަށް ފަސޭހައިން ބައްލަވައިގަނެވޭ ޕްލޭންތައް ހުރެއެވެ." އެލައިޑުން ބުންޏެެ.

މީގެ އިތުރުން އެލައިޑުން ބުނީ، ކޮންމެ އަހަރަކު ސައިކަލަށް ނަގަން ޖެހޭ ތާޑް ޕާޓީ އިންޝުއަރަންސަކީ އެލައިޑްގެ "މައި އެލައިޑް" ޕޯޓަލްއިން ވަރަށް ފަސޭހައިން ބައްލަވައިގަނެވިދާނެ ޕްލޭނެއް ކަމަށެވެ. އޮންލައިން ޕޯޓަލް މެދުވެރިކޮށް، އޮންލައިންކޮށް ފައިސާ ދައްކާލައިގެން ބައްލަވައިގަނެވިދާނެ ކަމަށެވެ. އެލައިޑްގެ އަހަރީ ދުވަހު ސައިކަލުގެ އިންޝުއަރަންސް އާކޮށްލައްވައިގެން މުޅި އަހަރު ދުވަހަށް ތާޑް ޕާޓީ އިންޝުއަރަންސްގެ ރައްކާތެރިކަމުގެ އިތުރުން އެލައިޑްގެ 2023 ވަނަ އަހަރުގެ ޗާލު ކަލަންޑަރު ވެސް ލިބިދާނެ ކަމަށް އެލައިޑުން ބުންޏެވެ.

މީގެ އިތުރުން، ގޭގައި ގެންގުޅޭ ފަރުނީޗަރާއި ބޮއްކާއި އެއާކޮންޑިޝަނާއި ބަދިގޭ ސާމާނުގެ ރައްކާތެރިކަން ކަށަވަރުކޮށްދޭ "ހިޔާވަހި" ޕްލޭނެއް (ނުވަތަ ހިޔާ ފްލެޓުގައި ދިރިއުޅުއްވާ ފަރާތެއް ނަމަ "އަހަރެންގެ ހިޔާ" ޕްލޭނެއް) ވެސް ބައްލަވައިގަނެވިދާނެއެވެ. މިއީ ގޭގައި ގެންގުޅޭ ފަރުނީޗަރާއި މުދަލަށް، ކުޑަ އަގެއްގައި ވަރަށް ބޮޑު ރައްކާތެރިކަމެއް ހޯދޭނެ ގޮތެކެވެ. އަދި 30 ޖެނުއަރީގައި މި ޕްލޭން ވެސް ބައްލަވައިގަނެގެން އެލައިޑްގެ ކަލަންޑަރެއް ހޯދުމުގެ ފުރުސަތު އެބަ އޮތެވެ.

ރާއްޖެއިން ބޭރަށް ދަތުރެއް ރާވާފައި ވާނަމަ، ޓްރެވަލް ޕްލޭނެއް ވެސް އޮންލައިންކޮށް ބައްލަވައިގަނެގެން ލަގެޖާއި ޕާސްޕޯޓާއި ފައިސާގެ ރައްކާތެރިކަމާއި އަދި ދަތުރުމަތީގައި އުޅެނިކޮށް ކުރަންޖެހޭ ސިއްހީ ފަރުވާއަށް ދާ ހަރަދު ވެސް ހޯދޭނެ ގޮތް ގެރެންޓީކޮށްފައި ބެހެއްޓިދާނެއެވެ. 30 ޖެނުއަރީގައި ޓްރެވަލް ޕްލޭނެއް ބެސް ބައްލަވައިގަނެގެން ކަލަންޑަރެއް ހޯއްދަވަންވީއެވެ.

މިހެން ގޮސް އެކި ކަހަލަ ޕްލޭންތައް އެލައިޑު އަދި އެލައިޑް އިސްލާމިކް ވިންޑޯ؛ އަޔާދީ ތަކާފުލްގައި އެބަހުއްޓެވެ. އެލައިޑްގެ އަހަރީ ދުވަހާ ދިމާކޮށް މިއިން ޕްލޭނެއް ބައްލަވައިގަނެގެން ދެމެހެއްޓެނިވި ގޮތުގައި ޓާސްކް މެނޭޖުކޮށްލުމަށް އެލައިޑްގެ ކަލަންޑަރެއް ވެސް ހޯއްދުމުގެ ފުރުސަތު އޮންނާނެ ކަމަށް އެލައިޑުން މައުލޫމާތު ދެއެވެ.

މިދިޔަ 38 އަހަރުގެ ތެރޭގައި އެލައިޑްގެ އަމާޒަކަށް ވެފައި ވަނީ ރާއްޖޭގައި ރައްޔިތުންނާއި ވިޔަފާރިތަކާއި މުދަލާއި ގެދޮރުގެ ރައްކާތެރިކަމުގައި އެންމެ ގާތް އެހީތެރިޔަކަށް ވުމަށެވެ.