ނާޒިމް ސައްތާރު ހިމެނޭހެން ގިނަބަޔަކާއި އެކު އެއްޖިންސުން ގުޅުންހިންގި އަލަމްގިރް ފުލުހަށް ދިން ބަޔާން ލީކުވެއްޖެ

ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ކޮއްކޮ، ނާޒިމް ސައްތާރު ހިމެނޭހެން ގިނަބަޔަކާއި އެކު އެއްޖިންސުން ގުޅުންހިންގި އަލަމްގިރް ފުލުހަށް ދިން ބަޔާން ލީކުވެއްޖެއެވެ.

ޓުވިޓާ އެކައުންޓް އަކުން މި ބަޔާން ލީކުކޮށްލާފައިވާއިރު، އެ ބަޔާނުގައި އަލަމްގިރް ވަނީ އޭނާ ހިންގި ފާހިޝް އަމަލުތަކުގެ ތަފްސީލު ވަރަށް ރަނގަޅަށް ކިޔާދީފައެވެ.

އެ ބަޔާނުގައި އޭނާ ބުނެފައިވާގޮތުގައި އޭނާގެ އުމުރުން ހަތް އަހަރުގައި އުފަން ރަށް ބަންގްލަދޭޝްގައި އުޅެނިކޮށް ފިރިހެނަކު ގަދަކަމުން އެއްޖިންސުން ގުޅުން ހިންގާފައިވާ ކަމަށެވެ. އަދި އޭގެ ފަހުން އުމުރުން 10 އަހަރުން ފެށިގެން އެގައުމުގައި ތިބި އޭނާގެ ރައްޓެހިންނާއި އެކީ އެއްޖިންސުން ގުޅުން ހިންގަމުން އައި ކަމަށްވެސް ބުނެފައިވެއެވެ.

އަލަމްގިރްގެ ތަހްގީގު ބަޔާނުގައި ބުނެފައި ވަނީ ލީކްވެފައިވާ ވީޑިއޯ އިން ފެންނަ ފަހަރުގެ އިތުރަށް ވެސް ނާޒިމާއިއެކު އޭނާ އެއްޖިންސުން ގުޅުން ހިންގާފައި ވާނެ ކަމަށެވެ. އެގޮތުން ނާޒިމް ސައްތާރު އުޅޭ ގެއަށްގޮސް އެގޭގައި ވެސް ނާޒިމާއިއެކު ގުޅުން ހިންގާފައި ވާނެ ކަމަށް ބަޔާނުގައި ބުނެފައި ވެއެވެ.

އަލަމްގިރް ފުލުހުންގެ ތަހްގީގަށް ދިން ބަޔާނުގައި އިތުރަށް ބުނެފައި ވަނީ އޭނާ ޖިންސީ ގުޅުން ހިންގި މީހުންގެ ތެރެއިން އޭނާއަށް ފާހަގަ ކުރަން އެނގެނީ ވެސް ނާޒިމް އެކަނި ކަމަށެވެ. އެއީ ގުޅުން ހިންގި ފަހުން ވެސް ނާޒިމާއި ބައްދަލުވެ، ނާޒިމްގެ އަތުން 'ހަދިޔާ' ލިބޭތީ ކަމަށް ބަޔާނުގައި ބުނެފައި ވެއެވެ.

އަލަމްގިރްގެ ބަޔާނުގައި ބުނެފައިވާ ގޮތުގައި އޭނާ އެއްޖިންސުން ގުޅުން ހިންގި މީހުންގެ ތެރެއިން 45 އާއި 50 ދެމެދުގެ އަދަދެއްގެ މީހުންގެ ވީޑިއޯތައް އޭނާ ވާނީ ކޮށްފައެވެ. އެ ވީޑިއޯތައް އޭނާ ކޮށްފައިވަނީ ބްލެކްމެއިލް ކުރުމުގެ ނިޔަތުގައި ނޫން ކަމަށާ، ފަހުން އެ ވީޑިއޯ ތައް ޑިލީޓްވެސް ކޮށްލާފައިވާ ކަމަށް އޭނާ ބުނެފައިވެއެވެ.

މީގެ އިތުރުން އަލަމްގިރް ބުނެފައިވަނީ، އެ ވީޑިއޯ ތައް ޑިލީޓް ކޮށްލި ފަހުން، އެ ފޯނު މީހަކު ވަގަށް ނެގިކަން އެނގުނު ކަމަށާ، އެ ވަގަށް ނެގި މީހާ އެ ވީޑިއޯތައް އަލުން ރިކަވާރ ކުރީ ކަމަށް ބެލެވޭ ކަމަށެވެ.

އެތައް ބަޔަކާއި އެކު އެއްޖިންސުން ގުޅުން ހިންގި އަލަމްގިރް ގެ ބަޔާން ލީކުވެފައިވާއިރު, މި މައްސަލާގައި ފުލުހުންގެ ބަހެއް އަދި ލިބޭ ގޮތް ވަނީ ނުވެފައެވެ.