ވެރިކަމަށް ކުރިމަތިލީ ރައްޔިތުން ހަމަޖެހިލާނެ ފުރުޞަތު ދިނުމަށް: ގާސިމް

ވެރިކަމަށް ކުރިމަތިލެއްވީ ރައްޔިތުންނަށް ހަމަޖެހޭނެ ފުރުޞަތުދެއްވާ ހަމަނޭވާލެވޭ ފުރުޞަތު ދެއްވުމަށް ކަމަށް ޖުމްހޫރީ ޕާޓީގެ ރިޔާސީ ކެންޑިޑޭޓް ގާސިމް އިބްރާހިމް ވިދާޅުވެއްޖެއެވެ.

ރިޔާސީ ކެންޕެއިނަށް އއ. ފެރިދޫއަށް ވަޑައިގެން އެރަށު ރައްޔިތުންނާ މުހާތަބްކުރައްވާ ގާސިމް ވިދާޅުވީ 1965 ވަނައަރު މިގައުމަށް މިނިވަންކަން ލިބުމާއެކު ބައިނަލް އަގްވާމީ މައިދާންނަށް ގައުމު ހުޅުވުނު ކަމަށާއި އޭގެ ކުރިން ދިވެހިރާއްޖެއަކީ ގިނަބަޔަކު ދަންނަބައެއް ނޫން ކަމަށެވެ.

ހާރިޖީ މިނިވަންކަން ލިބުއިރު، އެތެރޭގެ ސިޔާސީ މިނިވަންކަން ނެތުމުން ބަގާވާތްކުރުމާއި ސިޔާސީ ވާހަކަ ދައްކާ މީހުން އަދަގޮނޑި ޖެހުން ފަދަ ދާހިލީ އަޅުވެތިކަމުގައި ދިވެހިން ދުވަސްތައް ހޭދަކުރަމުންދިޔަ ކަން ގާސިމް ފާހަގަކުރެއްވިއެވެ. ގާސިމް ވިދާއަޅުވީ އެމަނިކުފާނުވެސް އިސްކޮށް ހުންނަވާ ދާހިލީ އަޅުދާސްތުވުމުން މިންޖުވުމަށް ކުރިމަސައްކަތްތަކާއެކު ދިވެހިންނަށް ހިންދެމިލަން ފުރުޞަތު ލިބުނީ ގާނޫނުއަސާސީ އެކުލަވާލައި ހައްގުތައްކަށަވަރުވެ މަލްޓިޕާޓީ ސިސްޓަމުން ވެރިން އިންތިހާބު ކުރަން ފެށުމުން ކަމަށެވެ.

ގާސިމް ވިދާޅުވީ ގާނޫނުއަސާސީންނާއި މަލްޓިޕާޓީ ސިސްޓަމުން ދިވެހިންނަށް ލިބުނު ހައްގުތައް ނިގުޅާގަންނަން ވެރިކަމަށް އަންނަ ވެރިން މަސައްކަތްކުރާ ކަމަށާއި ތަރައްޤީވެފައިވާ މި ޒަމާނުގައިވެސް ވެރިން ޚުދުމުހުތާރުވުމަށް މަސައްކަތްކުރާ ކަމަށެވެ.

މިފަދަ ހާލަތެއްގައި އެމަނިކުފާނު ފެއްޓެވި އިސްލާހީ މަސައްކަތް ހުއްޓާނުލާ ކުރިއަށް ގެންދަންޖެހޭކަމަށާއި ވެރިކަމަށް ކުރިމަތިލެއްވީ ރައްޔިތުންނަށް ހަމަޖެހޭނެ ފުރުޞަތުދެއްވާ ހަމަނޭވާލެވޭ ފުރުޞަތު ދިނުމަށްކަމަށް ގާސިމް ވިދާޅުވިއެވެ.

" އަޅުގަނޑަކީ އެއް އިރަކުވެސް ބޮޑު މަގާމެއް ހޯދަން މަސައްކަތް ކުރި މީހެއް ނޫން. އިސްލާހަށް މަސައްކަތް ކުރި މީހެއް. އަޅުގަނޑުގެ މުޅި ހަޔާތުގައި، އަޅުގަނޑަށް ވެވެން އޮތް ގޮތަކުން މަސައްކަތް ކުރަމުން އައީ. އައިސް، މުޅި ގައުމު، އަނގުރު އަލިފާނަށް ވެއްޓިގެން ދާތަން ފެނުނީމާ ބަލަން ނުހުރެވިގެން މި ނުކުތީ."

ގާސިމް އިބްރާހިމް

މިއާއެކު ގާސިމް ވިދާޅުވީ ގައުމު ނުރައްކަލުގެ ތެރެއަށް ވައްޓާލީ މިވެރިކަމުން އިންޑިއާ ސިފައިން ގެނެސް ގައުމުގެ ކަންކޮޅުގައި ވަޒަންވެރިކުރުވާ، އަމިއްލައަށް ލިޔެލި ސިޓީއަކުން ގައުމު ވިއްކާލުމުން ކަމަށެވެ.

އެހެންކަމުން ޑިސިޕްލިން މުޖުތަމައެއް ބިނާކުރުމަށާއި ދީނާ ގައުމުގެ އިސްތިގްލާލް ސަލާމަތްކޮށް، ގައުމާއި ރައްޔިތުން ހިމާޔަތްކުރުމަށް އެމަނިކުފާނަށް ވޯޓު ދެއްވުމަށް ގާސިމް އެދުނެވެ.