ބައި އިލެކްޝަންތަކަށް ސަރުކާރުން ތިން މިލިއަން ރުފިޔާ ޚަރަދުކޮށްފި: ޝަފީގު
ނިމިދިޔަ ލޯކަލް ކައުންސިލް އިންތިޚާބަށްފަހު ބޭއްވުނު ބައި-އިލެކްޝަންތަކަށް ތިން މިލިއަން ރުފިޔާއަށްވުރެ ގިނައިން ޚަރަދުކޮށްފައިވާކަމަށް ރައްޔިތުންގެ މަޖިލީހުގެ ވެލިދޫ ދާއިރާގެ މެމްބަރު މުހައްމަދު ޝަފީގު ވިދާޅުވެއްޖެއެވެ.
ޝަފީގު މިފަދައިން ވިދާޅުވެފައިވަނީ ބައި-އލެކްޝަންތަކަށް ކުރާ ޚަރަދު އިތުރުވެފައިވާކަން ފާހަގަކުރައްވާ މަޖިލީހުގައި ވާހަކަދައްކަވަމުންނެވެ.
ބައި-އިލެކްޝަންތައް އަހަރަކު އެއްފަހަރު ބޭއްވޭ ގޮތަށް ލޯކަލް ކައުންސިލް ކައުންސިލް އިނތިޚާބުގެ ގާނޫނަށް އިސްލާހު ހުށައަޅާފައިވާއިރު، ޝަފީގު ވިދާޅުވީ ގާނޫނުތަކަށް ބަދަލެއް ގެންނަން ޖެހޭނަމަ އެކަން ފާހަގަކުރެވެނީ ގާނޫނުތަކަށް އަމަލުކުރަން ފަށާ ހިސާބުންކަމަށެވެ. އަދި އެފަދައިން ފާހަގަވާ މައްސަލަތައް ހައުކުރެވެނީވެސް ގާނޫނަށް އިސްލާހު ގެނެސްގެންކަން އޭނާ ފާހަގަކުރެއްވިއެވެ.
ލޯކަލް ކައުންސިލް އިންތިޚާބުގެ ގާނޫނަށް ހުށައެޅިފައިވާ އިސްލާހަކީވެސް އެފަދަ މަސައްކަތެއްކަމަށް ޝަފީގު ވިދާޅުވިއެވެ.
އެއާއެކު އޭނާ ވަނީ މިހާރު ބާއްވަމުންދާ އުސޫލުން ބައި-އިލެކްޝަންތައް ބޭއްވުމަށް ބޮޑު ޚަރަދުތަކެއް ކުރަން ޖެހިފައިވާކަންވެސް ފާހަގަކުރައްވާފައެވެ.
"އަޅުގަނޑަށް ފާހަގަކުރެވިފައި އޮތީ އެންމެ ފަހުން ބޭއްވި ލޯކަލް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމެޓީޓަކުގެ އިންތިޚާބުގެ ފަހުން މިހާތަނަށް 30އަށް ވުރެ ގިނަ ބައި-އިލެކްޝަން ބޭއްވިއްޖެކަމަށް. އަދި އެ ބައި-އިލެކޝަންތަކަށް ތިން މިލިއަކަށް ވުރެ ގިނަ ރުފިޔާ ޚަރަދުކޮށްފި"
ވެލިދޫ ދާއިރާގެ މެމްބަރު މުހައްމަދު ޝަފީގު
ޝަފީގު ވިދާޅުވީ ބައި-އިލެކްޝަންތައް މަދުކުރުމަކީ ރަނގަޅު ގޮތެއްކަމަށް އިލެކްޝަން ކޮމިޝަނުންވެސް އަދި ކަމާގުޅުންހުރި އިދާރާތަކުންވެސް ބުނަމުންދާކަމަށެވެ. ބައި-އިލެކްޝަނެއް ނުބޭއްވުނޭ ކިޔާފައި ކޮމެޓީތަކުގެ މަސައްކަތް ހުއްޓުމަކަށް ނާންނާނެކަމަށް ޝަފީގު ވިދާޅުވިއެވެ. އަދި ކޮމެޓީތަކާއި ކައުންސިލްތައް ހިންގުމަށް ބޭނުންވާ ގާނޫނީ އަދަދު ހަމަނުވާނަމަ، މިހާރުވެސް އަމަލުކުރަމުންދާ ގޮތަށް އެންމެ ފަހުން ގޮނޑި ހުސްވިތާ 60 ދުވަސްތެރޭ އިންތިޚާބު ބާއްވާ މަގާމަށް މީހަކު އައްޔަންކުރެވޭނެކަމަށް ޝަފީގު ވަނީ ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
