ޕްރައިމަރީއިން ފެނިގެން ދިޔައީ ރިޔާސީ އިންތިހާބަށް ނުފޫޒު ފޯރުވުމަށް ކުރާނެ މަސައްކަތުގެ ކުޑަ މިންވަރެއް: އުޝާމް
އިއްޔެ ބޭއްވުނު އެމްޑީޕީގެ ޕްރައިމަރީ އިންތިޙާބުން ފެނިގެން ދިޔައީ ސެޕްޓެމްބަރު މަހު ބޭއްވޭ ރިޔާސީ އިންތިޙާބުގެ ނަތީޖާއަށް ނުފޫޒު ފޯރުވުމަށް މި ސަރުކާރުން ކުރާނެ މަސައްކަތުގް ކުޑަ މިންވަރެއް ކަމަށް މޯލްޑިވްސް ނެޝަނަލް ޕާޓީގެ ނައިބު ރައީސް އަދި ވިލިމާލޭ ދާއިރާގެ މެންބަރު އަޙްމަދު އުޝާމް ވިދާޅުވެއްޖެއެވެ.
އެގޮތުން އިއްޔެ ކުރި ޓްވީޓެއްގައި އުޝާމް ވިދާޅުވެފައިވަނީ އެމްޑީޕީ ޕްރައިމަރީން ފެނިގެން ދިޔައީ 2023 ގައި އޮންނަ ރިޔާސީ އިންތިހާބުގެ ނަތީޖާއަށް ނުފޫޒު ފޯރުވުމަށް މިސަރުކާރުން ވައްކަމާއި ކޮރަޕްޝަން ހިންގާނެ މިންވަރުގެ ކުޑަވަރެއް ކަމަށެވެ.
އަދި އިންތިހާބުތަކާ ދިމާކޮށް ދައުލަތުގެ ފައިސާ ނަހަމަގޮތުގައި ބޭނުންކުރުން ހުއްޓުވުމަށް ގާނޫނުތައް ބަދަލުކުރަންޖެހިއްގެ ކަމަށްވެސް އުޝާމް ވަނީ ވިދާޅުވެފައެވެ.
ޕްރައިމަރީގެ ވަގުތީ ނަތީޖާ މިހާރު އިއުލާން ކޮށްފައިވާއިރު އިންތިޚާބު ގެ ނަތީޖާ ދައްކާގޮތުން ރައީސް ޞާލިހަށް ލިބިފައިވަނީ %61 ވޯޓެވެ. އަދި އިންތިޚާބު ގައި އެމަނިކުފާނާއި ވާދަކުރެއްވި އެމްޑީޕީގެ ރައީސް މުހައްމަދު ނަޝީދަށް ލިބިފައިވަނީ %39 ވޯޓެވެ.
ބޮޑު ތަފާތަކުން ރައީސް ޞާލިހު އިންތިޚާބު ކާމިޔާބު ކުރައްވާފައިވީ ނަމަވެސް، އިންތިޚާބު ކުރިއަށް ދިޔަ ވަގުތު ގިނަ މައްސަލަތަކެއް ފެންމަތިވެ ބޮޑެތި ހަމަ ނުޖެހުން ތަކެއް ވަނީ ހިނގާފައެވެ. އެގޮތުން، ވޯޓު ލިސްޓުގައި ނަން ނެތް މީހުން ވޯޓު ލުމާއި، ދާއިރާތަކަށް ވޯޓުލުމުގެ ހައްގު ލިބިގެންވާ މީހުންގެ އިތުރަށް މީހުން ވޯޓުލުން ފަދަ މައްސަލަތައް ވަނީ ފެންމަތިވެފަ އެވެ. އެހެންކަމުން، އިންތިޚާބު ގަޑުބަޑު ކޮށްފައިވާ ކަމަށް ރައީސް ނަޝީދުގެ ޓީމުން ވަނީ ތުހުމަތު ކޮށްފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
