އިޒްރާއިލްގެ ޢާންމުންގެ ބަޔަކު ފަލަސްޠީނުގެ ބަޔަކަށް ހަމަލާދީފި

ފަލަސްޠީނުގެ ބިމަށް ގަދަކަމުން ވެރިވެގަނެގެން ތިބި އިޒްރާއިލްގެ ޔަހޫދީން ތަކެއް، އިޒްރާއިލް ސިފައިންގެ ހާޒިރުގައި ފަލަސްޠީނުގެ ހުވާރާ އަވަށުގެ ޢާންމުންގެ ބަޔަކަށް ހަމަލާތަކެއް ދީފިއެވެ.

މި ހަމަލާތަކުގައި ފަލަސްޠީނުގެ ހަމީހަކަށް އެކިވަރުގެ އަނިޔާތައް ލިބިފައިވާ ކަމަށް އަލްޖަޒީރާގައި ރިޕޯޓްކޮށްފައިވެއެވެ.

ހުވާރާ އަވަށުގައި މިފާއިތުވި މަހުވެސް އިޒްރާއިލްގެ ޢާންމުންގެ މީހުންތަކެއް ދިން ހަމަލާތަކެއްގައި ފަލަސްޠީނުގެ އެކަކު ޝަހީދުވެ އެތައްސަތޭކަ ބަޔަކަށް ވަނީ އަނިޔާވެފައެވެ. އެހަމަލާތަކާއި ދިމާވީ އިޒްރާއިލްގެ ފިނޭންސް މިނިސްޓަރު ހުވާރާ އަވަށް ފުހެލުމަށް ގޮވާލި ދުވަސްވަރާއެވެ.

ހޯމަދުވަހުގެރޭ އިޒްރާއިލްގެ ޔަހޫދިން ފަލަސްޠީނުގެ ޢާންމުންނަށް ދިން މިހަމަލާ ދީފައިމިވަނީ މީގެ މަހެއްހާ ދުވަސްކުރިން އިޒްރާއިލް ސިފައިން ހިންގި ރެއިޑެއްގައި ބަޑީގެ ހަމަލާތަލެއްގެ ސަބަބުން އަނިޔާވެ ފަރުވާ ހޯދަމުންދިޔަ ޒުވާނަކު ނިޔާވުމުގެ ހިތާމައިގައި ފަލަސްޠީނުގެ ރައްޔިތުން ތިއްބައެވެ. އެރެއިޑުގައި ފަލަސްޠީނުގެ 11 މީހަކު ޝަހީދުވެ 100 އެއްހާ މީހުންނަށް އެކިވަރުގެ އަނިޔާތައް ލިބިފައިވެއެވެ.

ފަލަސްޠީނުގެ ރަސްމީ ނިއުސް އެޖެންސީ އިން ބުނެފައިވަނީ ނިޔާވި މީހާއަކީ ނާބުލްސް ކައިރީގައި އޮންނަ ޒަވާތާ އަވަށުގެ އޮމައިރް ލޯލާ ކަމަށެވެ.

ހުވާރާ ވިލެޖްގެ ޢާންމުންނަށް އިޒްރާއިލްގެ ޔަހޫދީން ދިން ހަމަލާތަކުގައި އަނިޔާވި މީހުންގެ ތެރެއިން އެކެއްގެ ހާލު ވަރަށްބޮޑަށް ދެރަވެ ހޮސްޕިޓަލް ގައި ދަނީ ފަރުވާދެމުންނެވެ.

ފަލަސްޠީނުގެ ނޫހަކުން ރިޕޯޓް ކޮށްފައިވާ ގޮތުގައި އިޒްރާއިލްގެ ޔަހޫދީން ވަނީ ފަލަސްޠީނުގެ ޢާންމުނަށް އެމީހުންގެ އަތުން އެތައް ހަމަލާތަކެއް ދީފައެވެ. އަދި ހުވާރާވިލެޖްގެ ޢާންމުންގެ ގެތަކުގަޔާއި ވެހިކަލް ތަކުގައި ހުޅު ޖަހައިފައިވެއެވެ. އަދި ޕެޕަރ ސްޕްރޭ ޖަހައި ކާރުތަކަށާއި ފިހާރަތަކަށް ވަނީ ގެއްލުންތަކެއް ދީފައެވެ.

ފަލަސްޠީނުގެ ރެޑްކްރެސެންޓުން ބުނެފައިވަނީ ނާބުލްސްގައި އޮންނަ އެޖަމާޢަތުގެ އެމްބިޔުލާންސް އަށް ވެސް ގެއްލުންތައް ދީފައިވާކަމަށް އެޖަމާޢަތުން ބުނެފައިވެއެވެ.

އިޒްރާއިލްގެ ޔަހޫދީން ފަލަސްޠީނުގެ ޢާންމުންނަށް ހަމަލާތައް ދޭން ފެށީ ފަލަސްޠީނުގެ ޢާންމުން ރޯދަވީއްލަން ތިއްބައެވެ.