މޯލްޑިވިއަނަށް އިތުރު ތިން ބޯޓު ގެންނަނީ

މޯލްޑިވިއަނުން އިތުރު ބޯޓުތައް ގެންނަން މަސައްކަތް ފަށައިފި އެވެ.

ޕީއެސްއެމްގެ ޕްރޮގްރާމެއްގައި ވާހަކަދައްކަވަމުން އައިލެންޑް އޭވިއޭޝަންގެ ޑެޕިއުޓީ މެނޭޖިން ޑިރެކްޓަރު ޢާއިޝަތު ޖެނިފާ ވިދާޅުވީ މޯލްޑިވިއަނުން ގެންނަ މޯލްޑިވިއަންގެ އެތެރޭގެ އުދުުންތްކަށް އޭޓީއާރު މަރުކާ އިތުރު ތިން ބޯޓު މި އަހަރު ހޯދާނެ ކަމަށެވެ.

އެގޮތުން އޭޓީއާރު 72 މަރުކާގެ ދެ ބޯޓާއި، އޭޓީއާރު 42 މަރުކާގެ އެއް ބޯޓު ގެންނަން ނިންމައިފައިވާ ކަމަށްވެސް ޖެނިފާ ވިދާޅުވިއެވެ.

އިތުރު ބޯޓުތަކެއް މިއަހަރު ހޯދަން ނިންމާފައިވާއިރު، މޯލްޑިވިއަންގެ ފްލީޓްގައި އޮތް ބޮޑު ބޯޓު ދޫކޮށްލުމަށްފަހު ދިގު ދަތުރުތަކުގައި ބޭނުންކުރެވޭ އައު ބޯޓެއް ގެނައުމުގެ މަސައްކަތް ކުރަމުންދާ ކަމަށްވެސް މޯލްޑިވިއަނުން ވިދާޅުވެއެވެ.

މޯލްޑިވިއަންގެ ފްލީޓްގައި މިހާރު 23 ބޯޓެއް އެބައޮތެވެ. މޯލްޑިވިއަނުން ބައިނަލްއަޤްވާމީ ދަތުރުތައް މިހާރު ކުރަމުންދަނީ އިންޑިއާގެ ޓްރިވެންޑްރަމްއާއި ކޮޗިންގެ އިތުރުން ބަންގްލަދޭޝްގެ ޑާކާއަށެވެ.