ބިރުވެރި ޚަބަރެއް: ސްޓްރޯކް ޖެހިގެން ކޮންމެ 16 ގަޑިއިރަކުން އައިޖީއެމްއެޗަށް މީހަކު ގެނޭ

ސްޓްރޯކް ޖެހިގެން ކޮންމެ 16 ގަޑިއިރަކުން އައިޖީއެމްއެޗަށް މީހަކު ގެނެވޭ ކަމަށް އެ ހޮސްޕިޓަލުން ބުނެފި އެވެ.

އެ ހޮސްޕިޓަލުން އެކަން ހާމަކޮށްފައި ވަނީ ދުނިޔޭގެ ސްޓްރޯކް ދުވަހާއި ގުޅިގެން ހޭލުންތެރިކުރުމަށް ހާއްސަކޮށް މާދަމާ ބޭއްވުމަށް ހަމަޖެހިފައިވާ ހަވީރާއި ގުޅޭގޮތުން އާންމުކުރި ވީޑިއޯއެއްގަ އެވެ. އެ ވީޑިއޯގެ އެ ހޮސްޕިޓަލްގެ ބައެއްް ޑޮކްޓަރުން ވަނީ މައުލޫމާތު ހިއްސާކޮށްފަ އެވެ.

އެގޮތުން ސްޓްރޯކް ޖެހިގެން ކޮންމެ 16 ގަޑިއިރަކުން މީހަކު އައިޖީއެމްއެޗަށް ގެނެވޭކަން ފާހަގަކޮށްފައިވެ އެވެ. އަދި ބުނީ ކޮންމެ އުމުރެއްގެ ކޮންމެ މީހަކަށްވެސް ސްޓްރޯކެއް ޖެހިދާނެ ކަމަށެވެ.

ސްޓްރޯކެއްގައި ކޮންމެ މިނެޓެއްވެސް ވަރަށް މުހިންމު ކަން ފާހަގަކޮށް ސްޓްރޯކެއް ޖެހުމުގެ ނުރައްކާ އޮތް މިންވަރު ދެނެގަތުމުގެ މުހިންމުކަން ފާހަގަކޮށްފައިވެ އެވެ.

ދުނިޔޭގެ ސްޓްރޯކް ދުވަހާއި ގުޅިގެން ހޭލުންތެރިކުރުމަށް މާދަމާ ހަވީރު އިވެންޓް އޮންނާނީ 4 އިން 6 އަށް އާޓިފިޝަލް ބީޗުގައެވެ. މި ހަވީރުގައި ސްޓްރޯކަށް ސްކްރީން ކޮށްދޭނެ އެވެ. އަދި ސްޓްރޯކެއް ޖެހުމުގެ ނުރައްކާ އޮތް މިންވަރު ވެސް ދެނެގަނެވޭނެ އެވެ.

މީގެ އިތުރުން ހަކުރާއި ލޭގެ ޕްރެޝަރު ހިލޭ ބަލައިދޭނެ އެވެ. އަދި ކުޑަކުދީންނާއި އާއިލާތަކަށް އުފާވެރި މާހައުލެއް ގާއިމުކޮށްދޭނެ އެވެ.