ހުޅުމާލޭގައި ޕާކިން ބިލްޑިން ތަރައްގީކުރަން ހުޅުވާލައިފި

ހުޅުމާލޭގައި 15 ޕާކިން ބިލްޑިން ތަރައްގީކުރުމަށް ޝައުގުވެރިވާ ފަރާތްތަކަށް އެކްސްޕްރެޝަން އޮފް އިންޓްރެސްޓް (އީއޯއައި) ހުށަހެޅުމުގެ ފުރުޞަތު މިއަދު ހުޅުވާލައިފިއެވެ.

އެޗްޑީސީން ބުނެފައިވާގޮތުން މި މަޝްރޫޢަކީ ހުޅުމާލޭގެ ޕާކިން މައްސަލައަށް ހައްލެއް ހޯދުމަށާއި، ވެހިކަލްތަކަށް ރައްކާތެރިކޮށް ޕާކްކުރެވޭނެ އިންތިޒާމު ހަމަޖެއްސުމަށް ކުރިއަށްގެންދާ މަޝްރޫޢެކެވެ.

މި ޕާކިން ބިލްޑިންތަކުގައި ކޮމާޝަލް ޔުނިޓުތައްވެސް ހިމެނޭނެކަމަށް ބުނެފައިވެއެވެ.

އަދި މީގެއިތުރުން އެއް ފަރާތަށްވުރެ ގިނަ ފަރާތުން މަޝްރޫޢަށް ޝައުގުވެރިކަން ފާޅުކޮށްފިނަމަ، އެންމެ ފުރިހަމަ ޕްރޮޕޯސަލް ހުށަހަޅާ ފަރާތަކަށް މަޝްރޫޢު ހަވާލުކުރެވޭނޭކަމަށާއި އީއޯއައިތައް އިވެލުއޭޓް ކުރުމުގައި ބަލާނީ ހުށަހަޅާފައިވާ ބިޒްނަސް މޮޑެލްއާއި، އޮޕަރޭޓަރުގެ ތަޖުރިބާ އަދި ސީއެސްއާރުގެ މައްޗަށްކަމަށްވެސް އެ ކުންފުނިން ވަނީ ހާމަކޮށަފައެވެ.

މީގެ އިތުރުން މަޝްރޫޢު ދޫކުރުމުގައި އިސްކަންދޭނީ އީޕީސީ ޕްލަސް އެފް (އިންޖިނޭރިން، ޕްރޮކިއުމަންޓް، ކޮންސްޓްރަކްޝަން އަދި ފައިނޭންސް) މޮޑެލްއަށްކަމަށާއި އެހެން މޮޑެލްތަކަށްވެސް އީއޯއައި ހުށަހެޅިދާނޭކަމަށްވެސް ވަނީ ހާމަކޮށްފައެވެ.

މި މަޝްރޫޢުގައި ބައިވެރިވާން ޝައުގުވެރިވާ ފަރާތްތަކުން ސެޕްޓެމްބަރު 16، 2024 ގެ 14:00 ގެ ކުރިން އީމެއިލް މެދުވެރިކޮށް ފޯމު [email protected] އަށް ހުށައަންވާނޭކަމަށްވެސް ބުނެފައިވެއެވެ.

އަދި މި މަޝްރޫއާ ގުޅޭ އިތުރު މައުލުމާތު އެޗަޑީސީގެ ވެބްސައިޓުން ލިބެން ހުންނާނެ ކަމަށާ، އަދި މީގެ އިތުރުން އެޗްޑީސީގެ ނަންބަރު 1516 އަށް ގުޅައިގެންވެސް އިތުރު މައުލޫމާތު ސާފުކުރެވޭނޭކަމަށްވެސް ވަނީ ބުނެފައެވެ.

އެޗްޑީސީއިން އިތިރަށްބުނެފައިވަނީ އެ ކޯޕަރޭޝަނުން އަބަދުވެސް މަސައްކަތް ކުރަނީ ހުޅުމާލެ ރައްޔިތުންގެ ދިރިއުޅުމުގެ ފެންވަރު ރަނގަޅުކޮށް، ލުއިފަސޭހަ ގޮތްތައް މަގުފަހިކޮށްދިނުމަށްކަމަށެވެ.